Eva Braun

Eva Braun
Eva Braun in 1942
Gebore	Eva Anna Paula Braun 6 Februarie 1912 München, Koninkryk van Beiere, Duitse Keiserryk
Sterf	30 April 1945 Berlyn, Nazi-Duitsland
Nasionaliteit	Nazi-Duitsland
Beroep	Fotograaf, kantoor- en laboratorium-assistent in die fotografie-ateljee van Heinrich Hoffmann
Bekend vir	Lewensmaat en later vrou van Adolf Hitler
Eggenoot	Adolf Hitler (29 April 1945 – 30 April 1945)
Ouer(s)	Friedrich "Fritz" Braun (vader) Franziska "Fanny" Kronberger (moeder)

Eva Anna Paula Braun (München, 6 Februarie 1912 – Berlyn, 30 April 1945 as Eva Hitler) was die Duitse minnares en later vrou van die Duitse diktator Adolf Hitler.^[1] Sy word deur historici beskou as 'n vrou met 'n beperkte intelligensie wat totaal aan Hitler toegewy was.

Braun het Adolf Hitler in 1930 (op 'n jong ouderdom van 17) ontmoet toe sy 'n assistent van Hitler se fotograaf was. Sy het hom twee jaar later gereeld gesien. Gedurende hul vroeë verhouding het sy twee keer selfmoord probeer gepleeg.

In 1936 is sy in Hitler se huishouding opgeneem en het sy sy minnares geword. Hitler het op 29 April 1945 met haar getrou en hulle het die volgende dag saam selfmoord gepleeg in Hitler se laaste hoofkwartier, die Führerbunker in Berlyn. Sy was 33 jaar oud gewees. Die Duitse publiek was nie van haar verhouding met Hitler bewus tot ná hul dood nie.

Volgens Hitler se chauffeur, Erich Kempka, was Eva Braun die "ongelukkigste vrou" in Duitsland. Sy het die meeste van die tyd op Hitler gewag. Joachim Fest skryf in Hitler se biografie hoe Eva Braun stilswyend met 'n foto van Hitler bly wag het, en geleidelik haar frustrerende rol moes aanvaar. Hitler se persoonlike bediende, Heinz Linge, onthou later hoe die personeel haar "die meisie in die goue hok" noem het. Hitler was gesteld op haar en het ontspanning in haar teenwoordigheid gevind.

Verwysings

1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels

• Wikimedia Commons het meer media in die kategorie Eva Braun.