Finnmark
Finnmark (Noordsamies: Finnmárkku) is Noorweë se noordelikste en grootste provinsie (fylke), maar die kleinste wat bevolking betref. Dit grens in die weste aan die Troms-provinsie, in die suide aan die Finse deel van Lapland en in die ooste aan die Moermansk-oblast in Rusland. In die noordweste grens dit aan die Noorweegse See, deel van die Atlantiese Oseaan, en in die noorde en noordooste aan die Barentssee in die Arktiese Oseaan. Die naam Finnmark beteken letterlik Land van die Finne. Noorweërs het hulle reeds vroeg in Finnmark gevestig en vorm tans die meerderheid van die bevolking. Die amptelike tale in die Finnmark is Bokmål, Kveens ('n Finse dialek, onderling verstaanbaar met standaard Fins wat in 2005 status as wettige minderheidstaal in Noorweë toegeken is), en Samies.
Eksterne skakels
[wysig | wysig bron]
Wikimedia Commons het meer media in die kategorie Finnmark.- (no) Amptelike webwerf
