Halle Berry

Halle Berry
'n Beeld van die betrokke persoonlikheid.
Berry in 2017 by die San Diego-rolprentfees.
Geboortenaam Maria Halle Berry
Geboorte 14 Augustus 1966 (1966-08-14) (58 jaar oud)
Cleveland, Ohio, V.S.A.
Nasionaliteit Amerikaner
Beroep(e) Aktrise, rolprentvervaardiger
Aktiewe jare 1989-tans

Halle Berry (gebore as Maria Halle Berry; 14 Augustus 1966) is ’n Amerikaanse aktrise, rolprentvervaardiger en voormalige model. Sy het in 2002 ’n Oscar vir beste aktrise gewen vir haar spel in die romantiese drama Monster's Ball (2001); in 2016 was sy steeds die enigste gekleurde vrou nog wat ’n Oscar vir beste aktrise gewen het.[1][2]

Loopbaan

[wysig | wysig bron]

Berry was in die 2000's een van Hollywood se besbetaalde aktrises en was ook betrokke by die vervaardiging van verskeie van die prente waarin sy te sien was. Sy was ook ’n woordvoerder vir Revlon.[3] Voordat sy ’n aktrise geword het, was sy ’n model[4] en het sy aan verskeie skoonheidskompetisies deelgeneem. In 1986 was sy die eerste prinses in die Mej. Amerika-kompetisie en sesde in die Mej. Wêreld-kompetisie.[5]

Haar deurbraakrol was in 1992 in die romantiese komedie Boomerang en dit het gelei tot rolle in die komedie The Flintstones (1994), die politieke komediedrama Bulworth (1998) en die televisieprent Introducing Dorothy Dandridge (1999), waarvoor sy onder meer ’n Emmy en ’n Golden Globe vir beste aktrise gewen het.

Sy was ook in ander gewilde prente soos die X-Men-reeks (vanaf 2000), die aksieriller Swordfish (2001) en in die 007-fliek Die Another Day (2002) as die Bond-meisie Jinx. In die 2010's was sy te sien in prente soos die wetenskapsfiksieprent Cloud Atlas (2012), die misdaadriller The Call (2013) en X-Men: Days of Future Past (2014).

Verwysings

[wysig | wysig bron]
  1. ↑ Yang Jie. "Halle Berry, "Black Pearl" to win Oscar´s Best Actress" (in Engels). CCTV.com. Geargiveer vanaf die oorspronklike op 4 April 2020. Besoek op 13 Februarie 2016.
  2. ↑ Paula Bernstein. "The Diversity Gap in the Academy Awards in Infographic Form" (in Engels). indiewire.com. Geargiveer vanaf die oorspronklike op 4 Mei 2016. Besoek op 13 Februarie 2016.
  3. ↑ Bayot, Jennifer (1 Desember 2002). "Private Sector; A Shaker, Not a Stirrer, at Revlon". New York Times (in Engels). Geargiveer vanaf die oorspronklike op 21 Julie 2019. Besoek op 23 Desember 2007.
  4. ↑ Talmon, Noelle. "The 15 Sexiest Black Actresses In Hollywood". Starpulse.com. Geargiveer vanaf die oorspronklike op 20 Mei 2016. Besoek op 12 Julie 2015.
  5. ↑ "Halle Berry Biography". People. Geargiveer vanaf die oorspronklike op 29 Augustus 2016. Besoek op 15 Desember 2007.