Heather J. Zar

Heather J. Zar
Alma mater
Vakgebied
  • Pediatrie
  • Pulmonologie
Instellings

Heather J. Zar is 'n Suid-Afrikaanse dokter en wetenskaplike wat spesialiseer in die versorging van kinders met respiratoriese siektes soos asma, tuberkulose en longontsteking.

Loopbaan en impak

[wysig | wysig bron]

Zar is die voorsitter van die Departement Pediatrie en Kindergesondheid aan die Universiteit van Kaapstad[1] en dien ook as die President van die Pan-Afrika-torakale vereniging.[2]

Haar werk oor MIV/VIGS-verwante longsiekte het gehelp om riglyne van die Wêreldgesondheidsorganisasie en nasionale riglyne te verander.[3] Zar het wêreldwyd aandag verdien met haar werk aan die gebruik van laekoste-herwinde plastiekbottels as asma-spasieerders,[Nota 1] om kinders te help om asmamedikasie makliker in te asem.[4] Sy is een van die leiers van 'n kohortstudie van ongeveer 1 000 kinders wat noukeurig opgevolg word om voorkomende strategieë vir kinderlongsiekte en ander kwale beter te verstaan en te ontwikkel.[5] Robert Mellins, Emeritus Professor en voormalige Direkteur van die Pediatriese Pulmonêre Afdeling aan die Columbia Universiteit, en 'n voormalige president van die American Thoracic Society het gesê dat Zar "bygedra het tot ons begrip van die voorkoming, voorkoms, diagnose en behandeling van respiratoriese siektes en het ’n daadwerklike bydrae tot kindergesondheid gelewer.”[1]

Sy is 'n lid van die Akademie vir Wetenskap van Suid-Afrika[6] en het meer as 300 wetenskaplike artikels gepubliseer.[7]

Toekennings en eerbewyse

[wysig | wysig bron]
  • 2010 spesiale toekenning by die Internasionale Kongres van Pediatriese Pulmonologie ontvang vir "uitstaande leierskap en uitstekende diens aan kinders met die grootste behoefte"[8]
  • American Thoracic Society-toekenning vir wêreldlonggesondheid 2014[9]
  • L'Oréal-UNESCO For Women in Science-toekennings in 2018[10]

Aantekeninge

[wysig | wysig bron]
  1. ↑ 'n Asma-spasieerders is 'n toestel wat gebruik word om die gemak van toediening van aërosolmedikasie vanaf 'n afgemete-dosis-inhaleerder te verhoog. Dit voeg spasie by in die vorm van 'n buis of "kamer" tussen die mond en die houer van medikasie.

Verwysings

[wysig | wysig bron]
  1. ↑ 1,0 1,1 Kirby, Tony (2010). "Heather Zar—improving lung health for children in Africa". The Lancet (in Engels). 376 (9743): 763. doi:10.1016/S0140-6736(10)61366-9. ISSN 0140-6736. PMID 20816534. S2CID 2373854.
  2. ↑ "Professor Heather Zar". panafricanthoracic.org (in Engels). Besoek op 6 Desember 2021.
  3. ↑ Correspondent, Mail & Guardian. "Doctor helps African kids breathe easy". The M&G Online (in Engels). Besoek op 6 Desember 2021.
  4. ↑ "SA doctor's asthma spacer is a winner | IOL News" (in Engels). Besoek op 6 Desember 2021.
  5. ↑ Zar, H J; Barnett, W; Myer, L; Stein, D J; Nicol, M P (2015). "Investigating the early-life determinants of illness in Africa: the Drakenstein Child Health Study". Thorax (in Engels). 70 (6): 592–594. doi:10.1136/thoraxjnl-2014-206242. ISSN 0040-6376. PMC 5107608. PMID 25228292.
  6. ↑ "Members". www.assaf.org.za (in Engels). Besoek op 6 Desember 2021.
  7. ↑ "Zar HJ[Author] - Search Results - PubMed". PubMed (in Engels). Besoek op 6 Desember 2021.
  8. ↑ "Professor Heather Zar". Nasionale navorsingstigting (in Engels). Geargiveer vanaf die oorspronklike op 16 Oktober 2018. Besoek op 6 Desember 2021.
  9. ↑ "Heather Zar: Clinician-Scientist & World Lung Health Champion : ATS News". news.thoracic.org (in Engels). Geargiveer vanaf die oorspronklike op 17 Oktober 2017. Besoek op 6 Desember 2021.
  10. ↑ "Five Laureates Named for 2018 L'ORÉAL-UNESCO For Women in Science Awards". en.unesco.org (in Engels). Geargiveer vanaf die oorspronklike op 16 November 2017. Besoek op 6 Desember 2021.{{cite web}}: CS1 maint: unfit URL (link)

Eksterne skakels

[wysig | wysig bron]