Heidelberg, Gauteng

Heidelberg
Dorp
Heidelberg se stadsaal
Heidelberg  Heidelberg se ligging in Gauteng
Koördinate: 26°30′02″S 28°21′30″O / 26.50056°S 28.35833°O / -26.50056; 28.35833
Land	Suid-Afrika
Provinsie	Gauteng
Distrik	Sedibeng
Munisipaliteit	Lesedi
Stigting	1886[1]
Oppervlak [2]
• Totaal	40,26 km^2 (15,54 vk. myl)
Bevolking  (2011)[2]
• Totaal	35 563
• Digtheid	883/km^2 (2 290/vk. myl)
Rasverdeling (2011) [2]
• Wit mense	37.3%
• Indiërs/Asiërs	3.2%
• Bruin mense	1.8%
• Swart mense	56.8%
• Ander	1.0%
Taal (2011) [2]
• Afrikaans	37.6%
• Zoeloe	25.0%
• Sotho	18.4%
• Engels	8.6%
• Ander	10.4%
Poskode (strate)	1441
Poskode (posbusse)	1438
Skakelkode	016

Heidelberg is 'n dorp met 35 563 inwoners in die Gautengprovinsie van Suid-Afrika. Heidelberg is geleë aan die voet van die Suikerbosrand, langs die N3-snelweg wat Johannesburg met Durban verbind. Die dorp het in 1862 ontstaan as 'n handelstasie, opgerig deur 'n Duitser, H.J. Uekermann.

Besienswaardighede

• Heelwat van die geboue wat dateer uit die tydperk 1890 tot 1910 het behoue gebly en is steeds kenmerkend van Heidelberg.
• Die huis van A.G. Visser, die bekende Afrikaanse digter, is geleë in die dorp.
• Die Heidelberg-konsentrasiekamp-begraafplaas van vroue en kinders wat gesterf het gedurende die Tweede Vryheidsoorlog.
• Heidelberg-Vervoermuseum is gesluit nadat British American Tabacco hul geldelike steun onttrek het.
• Die Suikerbosrand Natuurreservaat het 'n groot verskeidenheid dier-, plant- en voëlspesies.
• Heidelbergkloof was 'n gewilde ontspanningsoord met verskeie fasiliteite soos swem, piekniek en kampering, dit is nou 'n eksklusiewe woonbuurt met toegangsbeheer.
• Daar is 'n gedenkteken vir die Driemanskap wat die Zuid-Afrikaansche Republiek in 1880 voorlopig uit Heidelberg bestuur het.
• Die NG Kerk, ingewy in 1890, is tot 'n nasionale monument verklaar.
• Heidelbergstadsaal, ontwerp deur Gerard Moerdijk, 1937^[3]

Distrik

Die distrik is 3 724 km² groot. Die belangrikste produkte is suiwel, beesvleis en mielies.

Sien ook

• Driemanskap-monument
• Gereformeerde kerk Heidelberg
• Ander dorpe en stede met die naam Heidelberg
• Lys van dorpe in Suid-Afrika

Verwysings

1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 4 Februarie 2016.
2. "Hoofplek Heidelberg". Sensus 2011.
3. "Artefacts.co.za: Heidelberg Town Hall" (in Engels). Geargiveer vanaf die oorspronklike op 21 Julie 2017. Besoek op 8 Mei 2012.

Eksterne skakels

Wikimedia Commons bevat media in verband met Heidelberg, Gauteng.

• Google-kaart