Hentai

’n Hentai-illustrasie.
’n Tipiese hentai-toneel.

Hentai (変態 of へんたい, letterlik "pervert") is ’n woord van Japannese oorsprong en is kort vir hentai seiyoku (変態性欲, "perverse seksuele begeerte".[1] Die oorspronklike betekenis van hentai in Japannees is "transformase" of "metamorfose". Die implikasie van perversie het daaruit ontstaan.

In Japannees word die woord gebruik vir enige soort perverse of bisarre seksuele begeerte of kuns; dit is nie ’n spesifieke genre nie. Internasionaal het hentai die betekenis gekry van ’n spesifieke genre van pornografiese anime en manga. Die betekenis in Japan en in die res van die wêreld is soms glad nie verenigbaar nie.

Terminologie

[wysig | wysig bron]

Die woord "hentai" is ’n samestelling van hen (変, "verandering", "vreemd") en tai (態, "voorkoms" of "toestand"). Dit beteken ook "perversie" of "abnormaliteit", veral as dit as ’n byvoeglike naamwoord gebruik word.[2] Hoewel die term oorsee die naam van ’n spesifieke genre geword het, het dit nie in Japan dié betekenis nie. Pornografie in Japan word gewoonlik bloot aangedui as 18-kin (18禁, "verbode vir iemand onder 18") of seijin manga (成人漫画, "volwasse-manga").[1] Minder amptelike aanduidings van pornografie is ero anime (エロアニメ, erotiese anime), ero manga (エロ漫画) en die Engelse afkorting AV (vir adult video).

Die internasionale betekenis verskil hiervan. Volgens Oxford Dictionary Online is hentai "a subgenre of the Japanese genres of manga and anime, characterized by overtly sexualized characters and sexually explicit images and plots".[3]

Geskiedenis

[wysig | wysig bron]
Die droom van die visserman se vrou (1814) is klassieke Japannese erotika.

Japannese erotiese kuns het al bestaan lank voor die term hentai, maar kunswerke en strokiesprente in die hentai-styl het ontstaan ná die publikasie van Azuma Hideo se Cybele in 1979. Die eerste hentai in anime was in 1984, met die uitreiking van Wonderkid se Lolita Anime. Erotiese speletjies het die ekononise styl in 1985 begin gebruik om seksdade uit te beeld in Tenshitachi no Gogo.

Sedert 1907 word die publikasie van obsene materiaal in Japan verbied, veral sekstonele tussen ’n man en vrou. Skaamhare word veral as obseen beskou. Omdat sensuur vereis word vir gepubliseerde werke, word balkies oor prente gebruik en mosaïekverdowwing in pornovideo's. In 1986 het Toshio Maeda probeer om die sensuurreëls te systap deur tentakelseks te skep.[4] Dit het gelei tot ’n groot aantal werke waarin mense seks het met monsters, demone, robotte en buiteaardse wesens, wie se geslagsdele anders as die mens s’n lyk.

Nog ’n gevolg van die wet was dat kunstenaars tot in 1991 karakters begin uitbeeld het met die minimum anatomiese detail en sonder skaamhare. ’n Deel van die verbod is toe opgehef,[5] hoewel dit nie geld vir anime en manga nie omdat dit nie as artistieke uitsonderings beskou word nie.[6]

Lolicon.

Werke word ook steeds gesensureer, verander en selfs verbied. In die Amerikaanse uitreiking van La Blue Girl is die heldin se ouderdom van 16 tot 18 verhoog, tonele met ’n dwerg-ninja met die naam Nin-nin is uitgesny en die Japannese verdowwing op geslagsdele is verwyder.[7] Britse sensors het die kyk en verspreiding van die prent verbied.[7][8] In 2011 het die Liberaal-Demokratiese Party in Japan probeer om die subgenre lolicon te laat verbied.[9][10]

Klassifikasie

[wysig | wysig bron]

Die hentai-genre kan in verskillende subgenres verdeel word, waarvan die grootstes heteroseksuele en homoseksuele seks is. Dié met hoofsaaklik homoseksuele dade is bekend as yaoi (man-man) en yuri (vrou-vrou). Yaoi, en in ’n mindere mate yuri, is gewoonlik gemik op lede van die teenoorgestelde geslag as wat uitgebeeld word. Hoewel dit nie altyd eksplisiet is nie, word dit meestal verbind met pornografie.[11]

Hentai hou dikwels verband met seksuele fetisje.[12] Dit sluit talle subgenres in. Die grootste subgenre is futanari (hermafroditisme), wat meestal ’n vrou met ’n penis of soortgelyke apparaat uitbeeld in plaas van of saam met gewone vroulike geslagsorgane.[13] Futanari-karakters het gewoonlik seks met ander vroue en is die ondergeskikte maat as ’n man betrokke is; uitsonderings is die werk van onder andere Yonekura Kengo wat vroulike bemagtiging en dominansie uitbeeld.[13]

  • Yuri.
    Yuri.
  • Futanari.
    Futanari.
  • Yaoi met ’n seme- (links) en uke-paartjie.
    Yaoi met ’n seme- (links) en uke-paartjie.

Genres

[wysig | wysig bron]
Geslag en ouderdom
Term Japannees Soort Beskrywing
Yaoi やおい Geslag Manlike homoseksualiteit
Yuri 百合 Geslag Vroulike homoseksualiteit
Lolicon ロリコン Geslag en ouderdom Minderjarige meisies van voor, tydens of ná puberteit, beide homo- en heteroseksueel.
Shotacon ショタコン Geslag en ouderdom Minderjarige seuns van voor, tydens of ná puberteit, beide homo- en heteroseksueel.
Festisje
Term Japannees Soort Beskrywing
Bakunyū 爆乳 Festisj Vroue met groot borste.[14] Die woord beteken letterlik "ontploffende borste".[15] ’n Subgenre binne die genre hentai-anime.[16]
Katvrou/Nekomimi 猫耳 Festisj en geslag Vroue met die eienskappe van ’n kat, soos katore, ’n katstert en snorbaard.
Futanari ふたなり Festisj Hermafrodiete of transseksuele met falliese geslagsdele (’n penis met skrotum, net ’n penis of ’n vergrote klitoris), met of sonder ’n vagina.
Bloedskande Festisj Seks tussen gesinslede.
Netorare Festisj Verkulling van ’n lewensmaat.
Omorashi おもらし / お漏らし Festisj ’n Vorm van watersports.
Tentakel-erotika 触手責め Tentakels Uitbeelding van monsters en ander kreature met tentakels wat seks het met meisies of hulle verkrag; minder algemeen ook met seuns.
Josouseme 女装攻め Festisj ’n Transgender, fopdosser of verwyfde man wat die voortou in die seks neem (seme) of die seksmaat domineer.

Verwysings

[wysig | wysig bron]
  1. ↑ 1,0 1,1 McLelland, Mark (Januarie 2006). "A Short History of Hentai". Intersections: Gender, History and Culture in the Asian Context (12). hdl:1885/8673. Besoek op 14 Julie 2014.
  2. ↑ Livia, Anna; Kira, Hall (1997). "Queerly Phrased: Language, Gender, and Sexuality". Oxford University Press. {{cite journal}}: Cite journal requires |journal= (hulp)
  3. ↑ "hentai". Oxford Dictionary Online. Oxford University Press. URL besoek op 25 April 2013.  Geargiveer 13 Mei 2015 op Wayback Machine
  4. ↑ "Hentai Comics". Maeda, Toshio. Geargiveer vanaf die oorspronklike op 22 Oktober 2019. Besoek op 25 April 2013.
  5. ↑ Alexander, James. "Obscenity, Pornography, and the Law in Japan: Reconsidering Oshima's In the Realm of the Senses" (PDF). Geargiveer vanaf die oorspronklike (PDF) op 18 Januarie 2017. Besoek op 26 April 2013.
  6. ↑ Galbraith, Patrick (2011). "Lolicon: The Reality of 'Virtual Child Pornography' in Japan". Image & Narrative. The University of Tokyo. 12 (1). Geargiveer vanaf die oorspronklike op 6 Augustus 2017. Besoek op 26 April 2013.
  7. ↑ 7,0 7,1 Clements, Jonathan; McCarthy, Helen (2006). The Anime Encyclopedia: A Guide to Japanese Animation Since 1917 (Hersien uitg.). Stone Bridge Press.
  8. ↑ bbfc Geargiveer 1 Julie 2010 op Wayback Machine (30 Desember 1996). "LA BLUE GIRL Rejected by the BBFC Geargiveer 5 Mei 2014 op Wayback Machine". Besoek op 27 November 2009.
  9. ↑ Artefact (29 September 2011). "LDP Seeks New Ban: "Manga & Anime = Virtual Child Abuse"" (in Engels). Sankaku Complex. Geargiveer vanaf die oorspronklike op 19 Januarie 2020. Besoek op 14 Mei 2013.
  10. ↑ "請願：参議院ホームページ" (in Slowaaks). Sangiin.go.jp. Geargiveer vanaf die oorspronklike op 22 Julie 2019. Besoek op 14 Mei 2013.
  11. ↑ McHarry, Mark (November 2003). "Yaoi: Redrawing Male Love" (in Engels). The Guide. Geargiveer vanaf die oorspronklike op 27 Mei 2010. Besoek op 23 Augustus 2013.
  12. ↑ "Peek-a-boo, I See You: Watching Japanese Hard-core Animation". Sexuality. 13: 17–31. doi:10.1007/s12119-008-9039-5. Geargiveer vanaf die oorspronklike op 1 April 2020. Besoek op 30 Julie 2011.
  13. ↑ 13,0 13,1 Oppliger, John (12 Maart 2008). "Ask John: What Is Futanari and Why Is It Popular?". AnimeNation. Besoek op 1 Mei 2013.
  14. ↑ Moore, Lucy (29 Augustus 2008). "Internet of hentai". Student Life (in Engels). Geargiveer vanaf die oorspronklike op 17 Februarie 2020. Besoek op 10 Februarie 2010.
  15. ↑ "Word Display" (in Engels). WWWJDIC. Geargiveer vanaf die oorspronklike op 20 Augustus 2016. Besoek op 10 November 2010.
  16. ↑ Thompson, Jason (2007). Manga: The Complete Guide. Ballantine Books/Del Rey. ISBN 0-345-48590-4.

Verdere leesstof

[wysig | wysig bron]

Eksterne skakels

[wysig | wysig bron]