J.M. Barrie

J.M. Barrie
’n Beeld van die betrokke persoonlikheid.
J.M. Barrie deur Herbert Rose Barraud, 1892
Naam James Matthew Barrie
Geboorte 9 Mei 1860
Kirriemuir, Angus, Skotland
Sterfte 19 Junie 1937
Londen, Engeland
Beroep Skrywer
Bekendste werke The Little White Bird
Peter Pan
The Admirable Crichton
Eggenoot/eggenote Mary Ansell

J.M. Barrie (1860–1937) was ’n Skotse skrywer uit wie se pen toneelstukke en romans verskyn het. Hy is die bekendste vir sy kinderverhaal Peter Pan.[1]

Barrie is op 9 Mei 1860 in Kirriemuir in Skotland gebore, waar hy ook geskool is. Hy verhuis later na Londen, waar hy 'n aantal suksesvolle romans en toneelstukke skryf. Hy ontmoet die seuns van Llewelyn Davies, wat hom inspireer om 'n storie ook 'n babaseuntjie se magiese avonture in Kensington Gardens te skryf (ingesluit in The Little White Bird). Daarna skryf hy Peter Pan, 'n feeverhaal oor 'n seuntjie en 'n meisie met die naam Wendy se avonture in Neverland.

Standbeeld van Peter Pan in Kensington Gardens.

Hoewel hy daarna steeds suksesvol geskryf het, het Peter Pan sy ander werke oorskadu. Hy is daarvoor bekend dat hy die destyds ongewone naam, Wendy, bekend gemaak het.[2] Ná die dood van hul ouers, het Barrie die Davies-seuns amptelik aangeneem.

Koning George V maak hom op 14 Junie 1913 'n baronet[3] en in 1922 is die Britse orde van meriete (Order of Merit) aan hom toegeken.[4] Hy is op 19 Junie 1937 in Londen aan longontsteking oorlede.

Verwysings

[wysig | wysig bron]
  1. ↑ HAT Taal-en-feitegids, Pearson, Desember 2013, ISBN 978-1-77578-243-8
  2. ↑ "History of the name Wendy" (in Engels). Wendy.com. Geargiveer vanaf die oorspronklike op 30 Julie 2018. Besoek op 22 Julie 2009.
  3. ↑ London Gazette, uitgawe 28733, 1 Julie 1913, bl. 4638
  4. ↑ London Gazette, uitgawe 32563, 31 Desember 1921, bl. 10713

Eksterne skakels

[wysig | wysig bron]