Jean-Efflam Bavouzet

Jean-Efflam Bavouzet (2012)

Jean-Efflam Bavouzet (gebore op 17 Oktober 1962) is 'n Franse klassieke pianis.

Opvoeding

[wysig | wysig bron]

Bavouzet was in Lannion, Frankryk gebore en het in Metz grootgeword. Hy het aldaar met sy musikale studies begin, en persone soos Iannis Xenakis, Olivier Messiaen, Karlheinz Stockhausen en Pierre Boulez teëgekom. Hy het oorgegaan na die Conservatoire de Paris en daar onder o.a. Pierre Sancan studeer. Hy het privaat lesse gehad met Georg Solti, en in Junie 1997 is hy versoek om Béla Bartók se Klavierconcerto No. 3 onder Solti te speel, wat die Orchestre de Paris in 1998 sou dirigeer. As gevolg van Solti se afsterwe in September 1997 het hulle egter nooit in die openbaar saam opgetree nie.[1]

Bavouzet het in 1986 tydens die Beethoven Internasionale Klavierkompetisie in Cologne eersteprys gewen.[2]

Opnames

[wysig | wysig bron]

Bavouzet is 'n opname-kunstenaar vir die Chandos plate-etiket. Sy opnames het reeds verskeie Gramophone Toekennings verower. (2014, Prokofiëf klavierconcertos; 2011, werke vir klavier en orkes deur Debussy en Ravel; 2009, Debussy Volledige Solo Klaviermusiek, vol. 4), en verskeie ander pryse, insluitende die BBC Music Magazine se BBC Music Magazine Award, die Choc de la Musique en die Diapason d'Or.[3]

Sy platelys sluit in:[4]

Verwysings

[wysig | wysig bron]
  1. ↑ Onderhoud met Clive Paget, Limelight, November 2014, bl. 28
  2. ↑ Plaistow, Stephen (2 Desember 2016). "BEETHOVEN Piano Sonatas Nos 22-32 (Bavouzet)". www.gramophone.co.uk (in Engels). Geargiveer vanaf die oorspronklike op 14 Desember 2018. Besoek op 11 Junie 2019.
  3. ↑ "Jean-Efflam Bavouzet - Awards". www.bavouzet.com (in Engels). Geargiveer vanaf die oorspronklike op 8 April 2020. Besoek op 11 Junie 2019.
  4. ↑ "Jean-Efflam Bavouzet - Recordings". www.bavouzet.com (in Engels). Geargiveer vanaf die oorspronklike op 8 April 2020. Besoek op 11 Junie 2019.

Eksterne skakels

[wysig | wysig bron]