Juan Guaidó

Juan Gerardo Guaidó Márquez
Juan Guaidó
Waarnemende President van Venezuela
betwis
Ampsbekleër
Termynaanvang
11 Januarie 2019
Voorafgegaan deur Nicolás Maduro
Persoonlike besonderhede
Gebore 28 Junie 1983 (1983-06-28) (41 jaar oud)
La Guaira, Venezuela
Politieke party Voluntad Popular
(Popular Will)
Eggenoot/-note Fabiana Rosales [1]
Kind(ers) 1 dogter
Alma mater Andrés Bello Catholic Universiteit
George Washington Universiteit

Juan Gerardo Guaidó Márquez (gebore 28 Julie 1983)[2] is 'n Venezolaanse ingenieur en politikus wat sedert Januarie 2019 as die president van die Nasionale Vergadering van Venezuela dien.[3] Hy is 'n lid van die Popular Will-party, en dien ook as 'n federale adjunk wat die staat van Vargas verteenwoordig.

Hy is op 11 Januarie 2019 deur die Nasionale Vergadering as tussentydse president van Venezuela verklaar nadat Nicolás Maduro vir 'n tweede termyn as president aangewys is, maar Maduro is nog steeds aan bewind.[4]

Vroeë onderwys en aktivisme

[wysig | wysig bron]

Guaidó het in 2000 sy hoërskool diploma behaal nadat hy deur die Vargas-tragedie van 1999 beleef het, wat waarskynlik sy politiek beïnvloed het. Hy het nie die nuwe regering van Hugo Chávez ondersteun nie. Hy het daarna sy professionele akkreditasie as industriële ingenieur bekom nadat hy in 2007 aan die Andrés Bello-Katolieke Universiteit afgestudeer het.

Hy was deel van 'n student-geleide politieke beweging wat protes teen die Venezolaanse regering se besluit om nie die uitsaai lisensie van die onafhanklike televisie netwerk RCTV te hernu nie. Die groep het ook geprotesteer ten gunste van hervorming van Hugo Chavez se regering, insluitend die konstitusionele referendum van 2007.

Guaidó, saam met politieke figure soos Leopoldo López, was in 2009 die stigterslede van die Popular Will-party.

Venezolaanse Nasionale Vergadering

[wysig | wysig bron]

In die parlementsverkiesing van 2010 is Guaidó verkies tot 'n plek as 'n alternatiewe federale afgevaardigde, en is verkies tot 'n lid van die Nasionale Vergadering in die verkiesings in 2015 deur 97 492 stemme (26.01%) van die stemme op hom te verenig. Ten spyte daarvan dat mense ernstig verarm is, is 'n meerderheid van werkgewers in Vargas staatsmaatskappye, en tot voor Guaidó se 2015-verkiesing, was die Chavez regering nooit polities in die staat uitgedaag nie.

In die Nasionale Vergadering het Guaidó gewerk aan die ondersoek van korrupsiegevalle van die Maduro-administrasie, asook om saam met onafhanklike organisasies te werk om geld wat van Venezuela gesteel is terug te besorg.

President van die Nasionale Vergadering

[wysig | wysig bron]

Guaidó is in Desember 2018 as president van die Nasionale Vergadering van Venezuela verkies. Hy is op 5 Januarie 2019 beëdig. Met sy aanstelling het hy belowe om Nicolás Maduro, wat daarvan beskuldig word dat hy met die verstryking van sy presidensiële termyn wat op 10 Januarie 2019 verval, wil aanbly. Verskeie Latyns-Amerikaanse leiers het by Maduro gepleit om aan die einde van sy ampstermyn, die uitvoerende gesag aan die Nasionale Vergadering te oorhandig terwyl nuwe verkiesings gehou moet word om die demokrasie te herstel.

Aanvaarding van presidensiële magte en pligte

[wysig | wysig bron]

Na wat hy en ander beskryf het as die "onwettige" inhuldiging van Maduro op 10 Januarie 2019, het Guaidó aangekondig dat hy Maduro se aanspraak sou uitdaag en die Nasionale Vergadering het veklaar dat hy die magte en verantwoordelikhede van die president oorgeneem het en dat hulle sal voortgaan met die plan om Maduro te verwyder, wat bydra tot die presidensiële krisis. Guaidó se aanstelling is prominent ondersteun deur die Organisasie van Amerikaanse State.

Op 13 Januarie 2019 is hy deur die Servicio Bolivariano de Inteligencia Nacional,(SEBIN) in hegtenis geneem. Hy is later op dieselfde dag vrygelaat. Op dieselfde dag het hy homself as waarnemende president verklaar.

Verwysings

[wysig | wysig bron]
  1. ↑ "Venezuela's congress names new leader, vows to battle Maduro". Kansas.com. 5 Januarie 2019. Geargiveer vanaf die oorspronklike op 6 Januarie 2019. Besoek op 5 Januarie 2019.
  2. ↑ "Diputado por Vargas Juan Guaidó" (in Spaans). Popular Will Party. Geargiveer vanaf die oorspronklike op 18 November 2018. Besoek op 5 Januarie 2019.
  3. ↑ Smith, Scott (5 Januarie 2019). "Venezuela's congress names new leader, vows to battle Maduro". The Charlotte Observer. Geargiveer vanaf die oorspronklike op 6 Januarie 2019. Besoek op 5 Januarie 2019.
  4. ↑ "Opposition-controlled Venezuela legislature calls for protest to oust Maduro". France 24. 12 Januarie 2019. Besoek op 12 Januarie 2019.

Eksterne skakels

[wysig | wysig bron]