Kagiso Rabada

Kagiso Rabada
Kagiso Rabada in 2016
Gebore 25 Mei 1995 (1995-05-25) (29 jaar oud)
Johannesburg, Suid-Afrika
Lengte 1.91
Kolfstyl Linkshandig
Boulstyl Regterarm snel
Rol Snelbouler
Internasionale geskiedenis
Nasionale span Suid-Afrika
Toetsdebuut (no 323) 5 November 2015 v Indië
Laaste Toets 30 Maart 2018 v Australië
EDI debuut 10 Julie 2015 v Bangladesj
EDI hempno. 25
T20I debuut (no 62) 5 November 2014 v Australië
T20I hempno. 62
Eersterangse spaninligting
Jaar(e) Span
2013/14 Gauteng
2014/15– Lions
2016 Kent
2017 Delhi Daredevils
Loopbaanstatistiek
Kompetisie Toets EDI 1e rangs A-lys
Wedstryde 30 48 48 66
Lopies aangeteken 410 177 611 226
Kolfgemiddeld 13.22 16.09 13.00 12.55
100s/50s 0/0 0/0 0/0 0/0
Hoogste telling 34 26 48* 26
Aflewerings geboul 5613 2,428 9,141 3,336
Paaltjies 143 75 210 96
Boulgemiddeld 21.59 27.57 22.95 30.36
5 paaltjies in 'n kolfbeurt 9 1 11 1
10 paaltjies in 'n wedstryd 4 0 5 0
Beste boulontleding 7/112 6/16 9/33 6/16
Vangskote/Stonkings 12/- 13/- 17/- 17/-
Bron: cricinfo, 3 April 2018

Kagiso Rabada (gebore 25 Mei 1995 in Johannesburg) is 'n Suid-Afrikaanse internasionale krieketspeler, wat in al die formate van die spel speel. Rabada, wat bekend is onder die bynaam KG,[1] is 'n snelbouler en speel plaaslike krieket vir die Highveld Lions. Hy het sy Proteabuiging in November 2014 gemaak in beperkte boulbeurtkrieket en die volgende jaar ook sy Toetsdebuut in November 2015. Hy het onder meer tydens die Kampioenetrofee 2017, die krieketwêreldbekertoernooie in 2019 en 2023, asook die T20I-wêreldbekertoernooie in 2016, 2021, 2022 en 2024 vir Suid-Afrika gespeel. Tydens die T20I-wêreldbeker 2024 kon Suid-Afrika vir die eerste keer die eindstryd van 'n krieket- of T20I-wêreldbekertoernooi vir mans haal, maar hulle het naelskraap met sewe lopies teen Indië verloor.[2]

Rabada was op hoërskool by St Stithians Boys College, tot hy sy skoolloopbaan voltooi het in 2013. Teen Januarie 2018 was hy bo-aan beide die IKR-EDI-boulerranglys en die IKR-toetsboulerranglys op die jeugdige ouderdom van 22.

In Julie 2016 het Rabada die eerste speler geword om ses toekennings by Krieket Suid-Afrika (KSA) se jaarlikse dinee te ontvang, insluitend die prys as die Krieketspeler van die Jaar.[3]

Plaaslike loopbaan

[wysig | wysig bron]
Kagiso Rabada in 2014

Hy het in Desember 2013 sy debuut vir Gauteng in die KSA Provinsiale Eendagkompetisie teen die Grens gemaak.[4]

Hy is gekies om Suid-Afrika te verteenwoordig tydens die 2014 IKR Onder-19 Krieketwêreldbeker. Suid-Afrika het die toernooi gewen, en hy was hul beste bouler met die tweede meeste paaltjies (14) in die toernooi teen 'n ekonomiekoers van 3.10.[5] Hy het ook die beste syfers van die toernooi behaal: 6/25 teen Australië A.[6] Dit het gelei daartoe dat hy die titel "vinnigste en mees gevreesde bouler in die kompetisie" toegedig is.[7]

Sy vertonings in die Onder 19-Wêreldbekertoernooi het hom na die Lionsspan gelanseer vir hul laaste twee wedstryde van die Sunfoilreeksseisoen. Hy neem 7 paaltjies vir 186 in hierdie twee wedstryde.[8]

In Februarie 2015 neem Rabada 'n rekord 14 paaltjies in 'n wedstryd vir die Lions teen die Dolphins, insluitend 9 vir 33 in die tweede beurt, sy 14 vir 105 is die beste syfers in die franchise-era van Suid-Afrikaanse krieket.[9]

In Februarie 2017 is hy vir INR 50 miljoen deur die Delhi Daredevils-span gekoop vir die 2017 Indiese Premierliga,[10] en weer in Januarie 2018 deur die Delhi Daredevils in die 2018 IPL-veiling.[11]

Internasionale loopbaan

[wysig | wysig bron]
Kagiso Rabada in 2014

Hy het sy Twintig20 Internasionale debuut vir Suid-Afrika gemaak teen Australië op 5 November 2014.[12]

Hy het sy Internasionale eendagwedstryddebuut vir Suid-Afrika teen Bangladesj gemaak op 10 Julie 2015,[13] en behaal sy beste syfers van 6/16 tydens sy debuut.[14]

Hy word ook slegs die tweede speler, na Taijul Islam, om 'n driekuns op debuut te behaal in 'n eendagwedstryd.[15][16] Hy het sy toetsdebuut vir Suid-Afrika teen Indië gemaak op 5 November 2015.[17] In die vierde Toets in Engeland se 2015/16-toer van Suid-Afrika, het hy afgesluit met syfers van 13/144 en lei hiermee sy span tot 'n welverdiende oorwinning. In die proses, het hy die jongste Suid-Afrikaner geword om 'n tien-paaltjie-oes in 'n Toets te neem, en die syfers was sy span se tweede beste ooit, na Makhaya Ntini se 13/132.

Rabada se eerste tien paaltjie-oes in 'n toetswedstryd was in 2016 teen Engeland gedurende die 4de Toets op SuperSport-park in Centurion. Hy neem 13 paaltjies in die wedstryd, insluitend twee vyfpaaltjie-oeste, en behaal sy beste beurtboulsyfers van 7/112 in Engeland se eerste beurt.[18] Sy tweede tienpaaltjie-oes het in 2017 teen Sri Lanka op die Nuweland-krieketveld in Kaapstad gekom. Tydens die eerste Toets op Lord’s in Suid-Afrika se 2017-toer van Engeland, is Rabada geskors vir die tweede Toets op Trent Bridge na 'n onderonsie met Ben Stokes en die gebruik van "onvanpaste taal" na Stokes uitgehaal is op die eerste dag.[19]

Hy behaal syfers van 4/39 in die derde eendagwedstryd van die Suid-Afrikaanse toer in Engeland in 2017. Na aanleiding van sy prestasie in die wedstryd, skuif Rabada op tot die topposisie vir EDI-boulers in die wêreld, en verplaas sy landgenoot Imran Tahir soos per die IKR-EDI-boulranglys. Hy word ook die jongste speler (op ouderdom 22) om die top van die EDI-ranglys te bereik sedert Saqlain Mushtaq in 1998.

In die 1ste en 2de beurt van die eerste toets van die Indiese toer in 2018 op Nuweland behaal hy onderskeidelik 3/34 en 2/41. Na aanleiding van sy prestasie in die wedstryd, het Rabada hierna die toptoetsboulerposisie in die wêreld beklee volgens die IKR-boulranglys.

Op 9-12 Maart 2018, in die tweede toets teen Australië in Port Elizabeth, neem hy 11 paaltjies vir 150 lopies en wen uiteindelik die "speler van die wedstryd"-toekenning.[20] Hierdie prestasie het hom die boonste plek op die IKR-toetsboulranglys besorg met 902 punte. Hy het slegs die vierde Suid-Afrikaanse bouler geword om 900 punte verby te steek na Vernon Philander, Shaun Pollock en Dale Steyn.[21]

Persoonlike lewe

[wysig | wysig bron]

Sy pa is 'n dokter[22] en sy ma Florence 'n prokureur.[23]

Verwysings

[wysig | wysig bron]
  1. ↑ (en) "South Africa bowler Kagiso Rabada to join Kent in June". The Daily Telegraph. 18 Februarie 2016. Geargiveer vanaf die oorspronklike op 3 Oktober 2018. Besoek op 29 Junie 2016.
  2. ↑ (en) Andrew Fidel Fernando (27 Junie 2024). "South Africa demolish Afghanistan to enter their maiden men's World Cup final". ESPNcricinfo. Besoek op 30 Junie 2024.
  3. ↑ (en) "Rabada dominates CSA awards". ESPNcricinfo. Geargiveer vanaf die oorspronklike op 28 Augustus 2017. Besoek op 27 Julie 2016.
  4. ↑ (en) "CSA Provincial One-Day Competition: Border v Gauteng". ESPNcricinfo. 8 Desember 2013. Geargiveer vanaf die oorspronklike op 19 Julie 2017. Besoek op 22 Maart 2018.
  5. ↑ (en) "ICC Under-19 World Cup, 2013/14/Records/Most wickets". ESPNcricinfo. Geargiveer vanaf die oorspronklike op 3 Maart 2014. Besoek op 22 Maart 2018.
  6. ↑ (en) "ICC Under-19 World Cup, 2nd Semi-final: Australia Under-19s v South Africa Under-19s". ESPNcricinfo. Geargiveer vanaf die oorspronklike op 6 Maart 2014. Besoek op 22 Maart 2018.
  7. ↑ (en) "SA dominate team of the tournament". ESPNcricinfo. Geargiveer vanaf die oorspronklike op 6 Maart 2014. Besoek op 22 Maart 2018.
  8. ↑ (en) "Sunfoil Series, 2013/14/Records/Most wickets". ESPNcricinfo. Geargiveer vanaf die oorspronklike op 5 Oktober 2018. Besoek op 22 Maart 2018.
  9. ↑ (en) "Kagiso Rabada's nine-for routs Dolphins". ESPNcricinfo. 22 Februarie 2015. Geargiveer vanaf die oorspronklike op 5 November 2018. Besoek op 22 Maart 2018.
  10. ↑ (en) "List of players sold and unsold at IPL auction 2017". ESPNcricinfo. Geargiveer vanaf die oorspronklike op 16 November 2018. Besoek op 20 Februarie 2017.
  11. ↑ (en) "List of sold and unsold players". Geargiveer vanaf die oorspronklike op 14 Mei 2020. Besoek op 27 Januarie 2018.
  12. ↑ (en) "South Africa tour of Australia (November 2014), 1st T20I: Australia v South Africa at Adelaide, 5 Nov 2014". ESPNcricinfo. Geargiveer vanaf die oorspronklike op 19 Julie 2017. Besoek op 10 Julie 2015.
  13. ↑ (en) "South Africa tour of Bangladesh, 1st ODI: Bangladesh v South Africa at Dhaka, Jul 10, 2015". ESPNcricinfo. Geargiveer vanaf die oorspronklike op 19 Julie 2017. Besoek op 10 Julie 2015.
  14. ↑ (en) "Records – One-Day Internationals – Bowling records – Best figures in a innings on debut". ESPNcricinfo. Geargiveer vanaf die oorspronklike op 5 September 2019. Besoek op 10 Julie 2015.
  15. ↑ (en) "Kagiso Rabada becomes only second player in ODI history to take a hat-trick on international debut in South Africa's match against Bangladesh". Geargiveer vanaf die oorspronklike op 5 Oktober 2018. Besoek op 10 Julie 2015.
  16. ↑ (en) "Rabada's record six-for sets up South Africa win". ESPNcricinfo. Geargiveer vanaf die oorspronklike op 6 Augustus 2019. Besoek op 10 Julie 2015.
  17. ↑ (en) "South Africa tour of India, 1st Test: India v South Africa at Mohali, Nov 5–9, 2015". ESPNcricinfo. Geargiveer vanaf die oorspronklike op 19 Julie 2017. Besoek op 5 November 2015.
  18. ↑ (en) Hopps, David (16 Januarie 2016). "Rabada takes five as England make 323". ESPNcricinfo. Geargiveer vanaf die oorspronklike op 23 Januarie 2019. Besoek op 16 Januarie 2016.
  19. ↑ England v South Africa: Kagiso Rabada suspended for second Test BBC Sport, 7 Julie 2017.
  20. ↑ (en) "2nd Test, Australia tour of South Africa at Port Elizabeth, Mar 9-12 2018 – Match Summary – ESPNCricinfo". Geargiveer vanaf die oorspronklike op 24 Mei 2019. Besoek op 3 April 2018.
  21. ↑ (en) "Rabada climbs to No. 1 in ICC Test bowler's rankings". ESPNcricinfo. 13 Maart 2018. Geargiveer vanaf die oorspronklike op 5 Oktober 2018.
  22. ↑ (en) "South Africa cricket sensation Kagiso Rabada could face Australia in proposed pink ball Test". Geargiveer vanaf die oorspronklike op 18 Mei 2020. Besoek op 7 November 2016.
  23. ↑ (en) "Kagiso And His Mom". Geargiveer vanaf die oorspronklike op 31 Maart 2019. Besoek op 7 November 2016.

Eksterne skakel

[wysig | wysig bron]