Kepler-22b

Kepler-22b
Eksoplaneet
’n Kunstenaarsvoorstelling van Kepler-22b.
’n Kunstenaarsvoorstelling van Kepler-22b.
Soort planeet Superaarde
Moederster Kepler-22
Ster se eienskappe
Sterrebeeld Swaan
Regte klimming 19h 16m 52.2s
Deklinasie +47° 53′ 4.0″
Skynmagnitude (m) 11,5
Afstand (ligjaar) 620
Metaalinhoud –0,29 ± 0,06
Spektraaltipe G5
Planeet
Massa <52,8 M⊕
Radius 2,396 R⊕
Temperatuur 5 518 K
Wentelperiode 289,862 dae[1]
Ontdekking
Datum 12 Mei 2009
Ontdekkers Kepler-span
Metode Oorgang
Status Gepubliseer
Portaal  Portaalicoon   Sterrekunde

Kepler-22b is ’n eksoplaneet van die klas G-ster Kepler-22.[2][3] Dit is sowat 600 ligjare van die Aarde af in die sterrebeeld Swaan. Dit is in 2011 deur Nasa se Kepler-ruimteteleskoop ontdek en was die eerste bekende eksoplaneet wat voor sy ster verbybeweeg wat in die bewoonbare sone van ’n Sonagtige ster ontdek is.[2][3][4] Kepler-22b se radius is sowat 2,4 keer dié van die Aarde. Sy massa en samestelling is onbekend.[2][3]

Ontdekking en waarneming

[wysig | wysig bron]

Die planeet se eerste oorgang voor sy moederster is op 12 Mei 2009 gedoen, op die derde dag dat die Kepler-ruimteteleskoop in werking was.[5] Die derde oorgang is op 15 Desember 2010 waargeneem. Die bevestiging van die planeet se bestaan is op 5 Desember 2011 aangekondig.[3]

Die enigste parameters van die planeet wat tans bekend is, is sy wentelperiode, wat 290 dae is, en sy wentel-inklinasie van sowat 90°. Omdat baie eksoplanete hoogs elliptiese wentelbane het, is dit moontlik dat die planeet net tydens ’n klein deel van sy wentelbaan in die bewoonbare sone is – dan kan die temperatuurverskille dalk te groot wees vir die instandhouding van lewe.

Nog metodes van planeetopsporing, soos radiale snelheid, sal eers gebruik moet word om nog inligting in te samel voordat meer oor die planeet bekend sal wees.

Bewoonbaarheid

[wysig | wysig bron]
Die Kepler-22-stelsel in vergelyking met ons sonnestelsel.

Die gemiddelde afstand van Kepler-22b van sy moederster af is sowat 15% nader as die afstand tussen die Aarde en die Son,[6] maar die ster se ligsterkte is sowat 25% minder as die Son s'n.[3] Hierdie kombinasie van ’n korter gemiddelde afstand en kleiner sterligsterkte dui op ’n matige oppervlaktemperatuur, indien daar nie ’n groot kweekhuiseffek op die planeet is nie.

Klimaat

[wysig | wysig bron]

Wetenskaplikes raam die moontlike oppervlaktoestande soos volg:

  • In die afwesigheid van ’n atmosfeer sal die planeet se ewewigstemperatuur (as sy albedo met die Aarde s’n ooreenstem) sowat 262 K (-11 °C) wees, in vergelyking met die Aarde se 255 K (-18 °C).[7]
  • As die planeet ’n soortgelyke kweekhuiseffek as die Aarde het, sal dit ’n gemiddelde oppervlaktemperatuur van 295 K (22 °C) hê.[8]
  • As die kweekhuiseffek met Venus s’n ooreenstem, sal die gemiddelde oppervlaktemperatuur sowat 733 K (460 °C) wees.

Sien ook

[wysig | wysig bron]

Verwysings

[wysig | wysig bron]
  1. ↑ Klotz, Irene (5 Desember 2011) Alien Planet Could Host Life, Discovery.com
  2. ↑ 2,0 2,1 2,2 "Nasa – Nasa's Kepler Confirms Its First Planet in Habitable Zone of Sun-like Star". NASA Press Release (in Engels). Geargiveer vanaf die oorspronklike op 16 Mei 2017. Besoek op 6 Desember 2011.
  3. ↑ 3,0 3,1 3,2 3,3 3,4 "Kepler 22-b: Earth-like planet confirmed". BBC Online (in Engels). 5 Desember 2011. Geargiveer vanaf die oorspronklike op 7 Mei 2020. Besoek op 6 Desember 2011.
  4. ↑ Kepler-22b: Facts About Exoplanet in Habitable Zone
  5. ↑ Dr. Tony Phillips (5 Desember 2011). "Kepler Confirms First Planet in Habitable Zone of Sun-like Star" (in Engels). Nasa. Geargiveer vanaf die oorspronklike op 11 Februarie 2020. Besoek op 31 Januarie 2012.
  6. ↑ "Notes for Planet Kepler-22 b". Extrasolar Planet Database. Besoek op 6 Desember 2011.
  7. ↑ Borucki, William J.; Koch, David G.; Batalha, Natalie; Bryson, Stephen T.; Rowe, Jason; Fressin, Francois; Torres, Guillermo; Caldwell, Douglas A.; Christensen-Dalsgaard, Jørgen; Cochran, William D.; Devore, Edna; Gautier, Thomas N.; Geary, John C.; Gilliland, Ronald; Gould, Alan; Howell, Steve B.; Jenkins, Jon M.; Latham, David W.; Lissauer, Jack J.; Marcy, Geoffrey W.; Sasselov, Dimitar; Boss, Alan; Charbonneau, David; Ciardi, David; Kaltenegger, Lisa; Doyle, Laurance; Dupree, Andrea K.; Ford, Eric B.; Fortney, Jonathan; Holman, Matthew J. (2012). "Kepler-22b: A 2.4 Earth-radius Planet in the Habitable Zone of a Sun-like Star". The Astrophysical Journal. 745 (2): 120. arXiv:1112.1640. Bibcode:2012ApJ...745..120B. doi:10.1088/0004-637X/745/2/120.
  8. ↑ "NASA Telescope Confirms Alien Planet in Habitable Zone". Space.com. 12 Mei 2011


Eksterne skakels

[wysig | wysig bron]