Nepalese aardbewing van 2015

’n Kaart van die aardbewing en naskokke.
Tektoniek van Nepal
Die ontruiming van geboue in Kolkata.

Die Nepalese aardbewing van 2015 (ook die Himalaja-aardbewing genoem)[1] was ’n aardbewing op 25 April 2015 om 11:56:26 (NST)/07:11:26 (UCT+1) met ’n krag van 7,8 op die Richterskaal en ’n verwoestende krag (IX) op die skaal van Mercalli.

Die episentrum lê ongeveer 34 kilometer oossuidoos van Lamjung, met ’n hiposentrum van ongeveer 10 kilometer diep. Dit is die ergste ramp in die Suid-Asiatiese land Nepal sedert die aardbewing tussen Nepal en Bihar in 1934. Tydens die aardbewing het minstens 7 500[2] mense omgekom en is talle antieke Nepalese tempels vernietig of beskadig. Die meeste slagoffers was in Nepal, maar daar was ook slagoffers in omliggende lande, waaronder Indië, China en Bangladesj.

Die aardbewing het ’n sneeustorting op Berg Everest veroorsaak wat die lewe van minstens 19 mense geëis het,[3] wat dit die dodelikste dag op die berg in die geskiedenis maak.[4] Dit het nog ’n groot sneeustorting in die Langtangvallei veroorsaak waar 250 nou vermis word.[5] Eeue oue geboue is vernietig soos die Unesco-wêrelderfenisgebiede in die Katmandoevallei, insluitend op die Katmandoe Durbar-, Patan Durbar- en Bhaktapur Durbar-plein. Die regering van Nepal het ná die aardbewing drie dae van rou afgekondig.[6]

Geofisici en ander kundiges waarsku reeds dekades lank dat Nepal kwesbaar is vir ’n dodelike aardbewing, veral as gevolg van die geologie, verstedeliking en argitektuur.[7][8]

Voortgesette naskokke het oor die hele Nepal voorgekom, met ’n skok van 6,7 op 26 April om 00:54:08 NST.[9] Etlike dae daarna was daar steeds 'n risiko dat grondverskuiwings die gebied kon tref.[10]

Verwysings

[wysig | wysig bron]
  1. ↑ Novum (26 April 2015). "Aantal doden aardbeving Himalaya boven 2500" (in Nederlands). Nederlandse Dagblad. Geargiveer vanaf die oorspronklike op 29 April 2015. Besoek op 26 April 2015.
  2. ↑ Medianuusverslae op 2015-05-05
  3. ↑ nytimes.com 2015-04-27 katmandu-nepal-fear-loss-and-devastation, nytimes.com; accessed 28 April 2015.
  4. ↑ "First survivors of Mount Everest avalanche reach Kathmandu" (in Engels). Fox News. The Associated Press. 26 April 2015. Geargiveer vanaf die oorspronklike op 11 Desember 2015. Besoek op 26 April 2015.
  5. ↑ "Up to 250 missing after avalanche hits Nepal trekking route" (in Engels). "Mail Online". Geargiveer vanaf die oorspronklike op 17 Mei 2020. Besoek op 28 April 2015.
  6. ↑ "Nepal government declares three days of mourning after deadly quake" (in Engels). Geargiveer vanaf die oorspronklike op 1 Mei 2015. Besoek op 28 April 2015.
  7. ↑ "Experts had warned for decades that Nepal was vulnerable to a killer quake". Washington Post. Besoek op 29 April 2015.
  8. ↑ Colin Stark (26 April 2015). "Nepal earthquake: 'A tragedy waiting to happen' - CNN.com". CNN (in Engels). Geargiveer vanaf die oorspronklike op 9 Oktober 2019. Besoek op 29 April 2015.
  9. ↑ http://earthquake.usgs.gov/earthquakes/eventpage/us200029bt#general_summary
  10. ↑ "Earth Quake-hit Nepal at high risk of landslides in coming weeks". Free Press Journal (in Engels). Geargiveer vanaf die oorspronklike op 30 Mei 2016.

Eksterne skakels

[wysig | wysig bron]

28°8′49.2″N 84°42′28.8″E / 28.147000°N 84.708000°O / 28.147000; 84.708000