Newport News Shipbuilding

Lugfoto van die Newport News-skeepswerf in 1994. Sigbaar in die droogdok is USS Long Beach en USNS Gilliland

Newport News Shipbuilding (NNS), 'n afdeling van Huntington Ingalls Industries, is die grootste industriële werkgewer in Virginië, en enigste ontwerper, bouer en brandstofhervuller van die Verenigde State se vlootvliegdekskepe en een van twee verskaffers van Amerikaanse Vlootduikbote. Newport News Shipbuilding, wat in 1886 as die Chesapeake Dry Dock and Construction Co. gestig is, het reeds meer as 800 skepe gebou, insluitend beide vloot- en kommersiële skepe. Dit is geleë in die stad Newport News, en sy fasiliteite strek oor meer as 550 akker (2,2 km2), strategies geposisioneer in een van die groot hawens van die Amerikaanse Ooskus.

Die skeepswerf is 'n groot werkverskaffer, nie net vir die laer Virginia-skiereiland nie, maar ook gedeeltes van Hampton Roads suid van die Jamesrivier en die hawe, gedeeltes van die Midde-skiereilandstreek, en selfs sommige noordoostelike graafskappe van Noord-Carolina.

Die skeepswerf bou tans twee van die Gerald R. Ford-klas vliegdekskepe, die USS John F. Kennedy (CVN-79) en die USS Enterprise (CVN-80).[1][2]

In 2013 het Newport News Shipbuilding begin met die deaktivering van die eerste kernaangedrewe vliegdekskip, USS Enterprise (CVN-65),[3] wat dit ook gebou het.

Newport News Shipbuilding voer ook brandstof- en komplekse opknappingswerk (RCOH) uit op Nimitzklas-vliegdekskepe. Dit is 'n vierjaarlange vaartuighernuwingsprogram wat nie net die hervulling van die vaartuig se kernreaktors behels nie, maar ook moderniseringswerk insluit. Die werf het RCOH voltooi vir vyf Nimitz-klas draers (USS Nimitz, USS Dwight D. Eisenhower, USS Carl Vinson, USS Theodore Roosevelt en USS Abraham Lincoln).[4] Vanaf November 2017 was hierdie werk aan die gang vir die sesde Nimitz-klas vaartuig, USS George Washington.[5]

  • USS Virginia
    USS Virginia
  • California
    California
  • USS Shark
    USS Shark
  • USS Mississippi
    USS Mississippi
  • USS Abraham Lincoln
    USS Abraham Lincoln

Verwysings

[wysig | wysig bron]
  1. ↑ "Enterprise (CVN 80) Advanced Planning Contract Awarded". Geargiveer vanaf die oorspronklike op 6 Augustus 2017. Besoek op 6 Augustus 2017.
  2. ↑ "HII gets additional $228m for Enterprise (CVN-80) long lead time materials". navaltoday.com. 28 Desember 2018. Besoek op 26 Maart 2019.[dooie skakel]
  3. ↑ "HII Awarded $745 Million Contract to Inactivate USS Enterprise (CVN 65)". Geargiveer vanaf die oorspronklike op 26 April 2015. Besoek op 28 Junie 2013.
  4. ↑ "Refueling and Complex Overhaul (RCOH)". Newport News Shipbuilding. Huntington Ingalls Industries, Inc. Geargiveer vanaf die oorspronklike op 1 Mei 2016. Besoek op 4 Junie 2016.
  5. ↑ USS George Washington CVN73 arrives for RCOH, Newport News Shipbuilding, besoek op 10 Mei 2018