Noah Webster

Noah Webster
Gebore
Noah Webster, Jr.

16 Oktober 1758
West Hartford, Connecticut
Sterf28 April 1843 (op 84)
New Haven, Connecticut
NasionaliteitVlag van Verenigde State van Amerika Verenigde State
BeroepLeksikograaf, skrywer, Connecticut se staatlike verteenwoordiger
Politieke partyFederaliste
EggenootRebecca Greenleaf Webster (huwelik in 1789)
Kinders8
GeloofChristendom (Kongregasionaliste)
Handtekening

Noah Webster (* 16 Oktober 1758 in West Hartford (Connecticut), † 28 April 1843 in New Haven (Connecticut), was 'n Amerikaanse leksikograaf, politieke skrywer, vertaler en uitgewer. Hy het egter veral bekendheid verwerf as spellinghervormer en skrywer van handboeke en word derhalwe ook die "Vader van Amerikaanse Geleerdheid en Opvoedkunde" genoem.

Vyf generasies skoliere in die Verenigde State het met Webster se spelboeke geleer spel en lees, en sy naam het 'n sinoniem vir "woordeboek" geword danksy die moderne Merriam-Webster-woordeboek wat vir die eerste keer in 1828 as An American Dictionary of the English Language verskyn het.

Webster word beskou as die vader van die Amerikaanse Taalbeweging. Webster het hom veral beywer vir 'n Amerikaanse taal, wat moes kom in die plek van Engels. Hy het talle werke gepubliseer om hierdie doel te probeer verwesenlik. Hierin het hy die verskille tussen Amerikaans en Engels uitgewys en hiermee gehoop om die Amerikaners daarvan te oortuig dat hulle 'n eie inheemste taal het wat baie sterk afwyk van Britse Engels. Webster se beroemde Spelling Book het dan ook wêreldbekendheid verwerf.[1] Die Amerikaanse Taalbeweging was egter nie suksesvol nie en het teen ongeveer 1925 doodgeloop.

Verwysings

[wysig | wysig bron]
  1. ↑ Buckingham, Joseph T.: Brief aan Henry Barnard, 10 Desember 1860, gepubliseer in Barnard se American Journal of Education, 13 (1863), bl. 129-32. In: Baugh, Albert C. en Thomas Cable: A History of the English Language. Third Edition. Londen: Guild Publishing 1986, bl. 364-365

Eksterne skakels

[wysig | wysig bron]