Nodame Cantabile

Nodame Cantabile
’n Beeld van die betrokke karakter.
Nodame Cantabile logo
Skepping
Stem Ayako Kawasumi, Tomokazu Seki
Inligting
Ander name Megumi "Nodame" Noda, Shin'ichi Chiaki
Nasionaliteit Vlag van Japan Japan

Nodame Cantabile (のだめカンタービレ Nodame Kantābire?) is 'n manga deur Tomoko Ninomiya. Dit was van Julie 2001 tot Oktober 2009 in gereelde uitgawes deur die uitgewer Kodansha in die tydskrif Kiss in Japan gepubliseer, en in 23 tankōbon volumes versamel. 'n Twee-volume, getiteld Nodame Cantabile: Opera Chapter, wat uitgegee is vanaf die Desember 2009 uitgawe van Kiss, is in 2010 uitgegee. Dit is in Noord-Amerika gelisensieer deur Del Rey Manga. Die reeks handel oor die verhouding tussen twee aspirant klassieke musiekstudente, Megumi "Nodame" Noda en Shinichi Chiaki tydens hul studentedae en na hul graduasie. Dit het die 2004 Kodansha Manga-prys vir die beste shōjo manga gewen.

Die reeks is aangepas as vier verskillende televisiereekse: as 'n bekroonde Japannese televisiedrama wat die liggolwe getref het in 2006; gevolg deur 'n opvolg wat in Januarie 2008 uitgesaai is as 'n animereeks wat oor drie seisoene strek, met die eerste uitsending in 2007, die tweede in 2008 en die derde in 2010.[1] Twee filmopvolgings tot die Japannese televisiedrama, met dieselfde akteurs en aktrises, was geproduseer met vrystellingdatums van 18 Desember 2009 en April 2010. Bykomend hiertoe, is verskeie klankbane van klassieke musiek vrygestel, sowel as drie videospeletjies. 'n Koreaanse drama-verwerking daarvan is in 2014 uitgesaai op die KBS netwerk.[2][3]

In 2016 is 'n finale aflewering gepubliseer in die April uitgawe van Kiss.

Anime

[wysig | wysig bron]

Nodame Cantabile is aangepas as 'n animetelevisiereeks wat geproduseer is deur Fuji TV. J.C.Staff was verantwoordelik vir die animasie. Die reeks was uitgesaai op Fuji en sy mede-stasies in die Noitamina tydgleuf. Die eerste seisoen, getiteld Nodame Cantabile, is in 23 episodes uitgesaai vanaf 11 Januarie – 28 Junie 2007. Die tweede seisoen, getiteld Nodame Cantabile: Paris Chapter, is in 11 episodes uitgesaai vanaf 8 Oktober – 18 Desember 2008. Beide seisoene is ook later in Japan uitgesaai op die satelliet televisienetwerk Animax. Die eerste seisoen is deur Ken'ichi Kasai geregisseer (die regisseur van die Honey and Clover anime) , en die tweede seisoen deur Chiaki Kon, met Ayako Kawasumi as Megumi "Nodame" Noda en Tomokazu Seki as Shin'ichi Chiaki. 'n Oorspronklike video-animasie episode is ingesluit saam met die beperkte volume 22 manga-uitgawe toe dit op 10 Augustus 2009 in Japan gepubliseer is[4]. 'n Derde en finale anime seisoen, getiteld Nodame Cantabile: Finale het die liggolwe getref in Januarie 2010.[1]

Op 6 Februarie 2009 het die reeks sy Engelstalige televisiebuiging op Animax Asia ontvang. Dit is op sy netwerke regoor Suid-oos Asië en Suid-Asië gewys, met die oorspronklike Japannese oudio en Engelse subtitels. [5].

Die musikale direkteur van beide seisoene is Suguru Matsutani. Verskeie klassieke musiekwerke het in elke episode voorgekom,[6] wat opgevoer is deur die Nodame-orkes. Die openingstema van seisoen een was "Allegro Cantabile" deur Suemitsu & The Suemith, en die eindtemas was "Konna ni Chikaku de..." deur Crystal Kay (episodes 1–12), "Sagittarius" deur Suemitsu & die Nodame-orkes (episodes 13–22), en "Allegro Cantabile" deur Suemitsu & The Suemith (episode 23). Die openingstema vir die tweede seisoen was "Sky High" deur The Gospellers (met 'n melodie wat geneem is uit die derde beweging ("Allegro Scherzando") van Rachmaninoff se Klavierkonsert No. 2. Die eindtema was "Tokyo et Paris" (東京 et Paris? lit. "Tokyo and Paris") deur Emiri Miyamoto x solita (met variasies op die tema van Ravel se Boléro). Die openingstema vir die finale seisoen is "Manazashi Daydream" deur Yuu Sakai (met variasies op die tema van Bach se Wohl mir, daß ich Jesum habe of Jesus bleibet meine Freundewith), en die eindtema is "Kaze to Oka no Ballad (風と丘のバラード)" deur Real Paradis saam met die Nodame-orkes.

Die eerste seisoen is vrygestel op 8 DVDs tussen April en November 2007. 'n Boksstel is in Februarie 2008 vrygestel met 'n bykomende 15 minute oorspronklike video animasie wat plaasvind tussen episode 8 and 9. Die reeks is in Rusland en Suid-Korea gelisensieer. Die eerste DVD van die tweede seisoen is op 24 Desember 2008 vrygestel.

In 2006 het 'n kafee gebaseer op Nodame Cantabile in Harajuku, Tokio oopgemaak, met lewendige musiek uit die drama en stelle uit die reeks.[7]

Verwysings

[wysig | wysig bron]
  1. ↑ 1,0 1,1 "Nodame Cantabile's 3rd TV Anime to Be Its Finale (Updated)" (in Engels). Anime News Network. 6 Julie 2009. Geargiveer vanaf die oorspronklike op 26 Augustus 2019. Besoek op 24 Augustus 2009.
  2. ↑ Park, Ah-reum (29 April 2014). "Joowon Confirms Role in Korean Remake of Nodame Cantabile". enewsWorld. Geargiveer vanaf die oorspronklike op 3 Maart 2016. Besoek op 8 Julie 2014.
  3. ↑ friday, girl (28 Julie 2014). "Shim Eun-kyung confirms Nodame Cantabile remake" (in Engels). Dramabeans. Geargiveer vanaf die oorspronklike op 21 September 2019. Besoek op 29 Julie 2014.
  4. ↑ "Nodame Cantabile Manga to Bundle Anime DVD in August (Updated)" (in Engels). Anime News Network. 9 Maart 2009. Geargiveer vanaf die oorspronklike op 26 Junie 2019. Besoek op 13 Junie 2009.
  5. ↑ "Hit your love notes with Nodame Cantabile on Animax". Animax Asia. 2 Februarie 2009. Besoek op 6 Februarie 2009.
  6. ↑ Arcanum (2 Oktober 2007). "Nodame Cantabile Review" (in Engels). Anime Planet. Geargiveer vanaf die oorspronklike op 20 Oktober 2014. Besoek op 15 Desember 2008. Rather, the vast majority of music played throughout the series are brilliantly performed pieces or excerpts from various classical composers ... every piece was re-recorded to fit the context of the anime.
  7. ↑ "Cafe de Nodame Opens" (in Engels). Anime News Network. 12 Oktober 2006. Geargiveer vanaf die oorspronklike op 26 Junie 2019. Besoek op 20 November 2008.

Eksterne skakels

[wysig | wysig bron]