Om

Om (, ook aum, in Devanagari geskryf as ॐ, in Chinees as 唵 en in Tibettaans as ༀ) is 'n mistiese en heilige lettergreep in die Indiese godsdienste, insluitend Hindoeïsme, Djainisme en Boeddhisme. Dit is in Sanskrit bekend as प्रणव praṇava, "om hard uit te spreek", of ओंकार oṃkāra, "oṃ-lettergreep".

Dit word as 'n lang genasaliseerde geronde halfgeslote agterklinker (IFA: /oːⁿ/) uitgespreek en aan die begin van die meeste Hindoegeskrifte geplaas as 'n heilige uitroep. Dit word uitgespreek aan die begin en einde van die voorlees van die Vedas of voor enige gebed of mantra. Die Mandukya-Upanishad is geheel en al gewy aan die verduideliking van die lettergreep. Dit word beskou as bestaande uit drie foneme , a, u en m, wat die drie beginsels van die skepping of die Hindoetriade die Trimurti verteenwoordig.

Die naam omkara word beskou as 'n naam van God in die Hindoe-herlewingsbeweging Arya Samaj. Op soortgelyke wyse word om, wat onkar genoem word in Panjabi, in Sikhisme aangetref as 'n simbool van God. Dit onderstreep byna altyd God se singulariteit, uitgedruk as Ek Onkar ("Een Omkara" of "Die Aum is Een"), wat daarop dui dat die veelvoudigheid van die bestaan gesimboliseer in die aum-lettergreep in werklikheid in 'n enkelvoudige God gevind word.^[1]

• Om in verskeie skrifte
• 
  Devanagari (Hindi, Nepalees, Marathi) en Gujarati
• 
  Siddham 𑖅𑖼
• 
  Oriya, Assamees en Bengaals
• 
  Tibettaans
• 
  Grantha
• 
  Tamil
• 
  Kannada en Telugu
• 
  Malayalam
• 
  Djainisme-simbool
• 
  Balinees
• 
  Javaans
• 
  Chinees

Verwysings

1. Wazir Singh, Aspects of Guru Nanak's philosophy (1969), p. 20: "the a, u, m of aum have also been explained as signifying the three principles of creation, sustenance and annihilation. ... Onkar in relation to existence implies plurality, ... but its substitute Ekonkar definitely implies singularity in spite of the seeming multiplicity of existence. ..."

Eksterne skakels

• Wikimedia Commons het meer media in die kategorie Om.

• Wikiwoordeboek het 'n inskrywing vir om.