PZ Cassiopeiae (afgekort as PZ Cas) is ’n rooisuperreus en halfgereelde veranderlike ster in die sterrebeeld Kassiopeia. Dit is een van die grootste en helderste bekende sterre.
PZ Cassiopeiae is ’n helder rooisuperreus en, met sy radius van meer as 1 000 keer dié van die Son en ligsterkte van meer as 200 000 die Son s’n, een van die grootste en helderste sterre in sy soort. Dit is waarskynlik lid van die Cas OB5-sterassosiasie, maar blykbaar baie jonger as die ander sterre in die assosiasie.[8] Die ster verloor sowat 2,6×10−5M☉ (sonmassas) per jaar en is ook al beskryf as ’n rooihiperreus.[12][13]
Sy afstand van die Son af is aanvanklik bereken op sowat 7 800 ligjare, maar daaropvolgende studies het dit verfyn tot 9 160 ligjare en ’n parallaks van 0,356±0,026 mas. Dit beteken sy ligsterkte is sowat 229 000 dié van die Son en sy aanvanklike massa 20 tot 25 sonmassas. Dié parameters is almal soortgelyk aan dié van die rooihiperreus VY Canis Majoris.[8][7]
PZ Cas is ’n stadige, halfgereelde veranderlike ster met ’n pulseringstydperk van 925 dae in die General Catalogue of Variable Stars,[14] hoewel sommige bronne ook tydperke van 850 en 3 195 dae aangee.[9][4] Die visuele omvang van PZ Cas is ’n magnitude van sowat 8-10, wat groot is vir dié soort veranderlike ster.[4]
↑Keenan, Philip C.; McNeil, Raymond C. (1989). "The Perkins catalog of revised MK types for the cooler stars". Astrophysical Journal Supplement Series. 71: 245. Bibcode:1989ApJS...71..245K. doi:10.1086/191373.
↑ 3,03,13,2Ducati, J. R. (2002). "VizieR Online Data Catalog: Catalogue of Stellar Photometry in Johnson's 11-color system". CDS/ADC Collection of Electronic Catalogues. 2237. Bibcode:2002yCat.2237....0D.
↑Levesque, E. M.; Massey, P.; Olsen, K. A. G.; Plez, B.; Josselin, E.; Maeder, A.; Meynet, G. (2005). "The Effective Temperature Scale of Galactic Red Supergiants: Cool, but Not as Cool as We Thought". The Astrophysical Journal. 628 (2): 973–985. arXiv:astro-ph/0504337. Bibcode:2005ApJ...628..973L. doi:10.1086/430901. S2CID15109583.
↑ 9,09,1Le Squeren, A. M.; Sivagnanam, P.; Dennefeld, M.; David, P. (1992). "A Complete Survey of OH / Infrared Objects from the IRAS LRS Sources Within a Domain of the Color Diagram". Astronomy and Astrophysics. 254: 133. Bibcode:1992A&A...254..133L.
↑Stickland, D. J. (1985). "IRAS observations of the cool galactic hypergiants". The Observatory. 105: 229. Bibcode:1985Obs...105..229S.
↑Samus, N. N.; Durlevich, O. V.; et al. (2009). "VizieR Online Data Catalog: General Catalogue of Variable Stars (Samus+ 2007-2013)". VizieR On-line Data Catalog: B/GCVS. Originally Published in: 2009yCat....102025S. 1. Bibcode:2009yCat....102025S.