Pous Pontianus

Pous Pontianus
Geboortenaam	Pontianus
Pontifikaat begin	21 Julie 230
Pontifikaat eindig	25 September 235
Voorganger	Urbanus I
Opvolger	Anterus
Gebore	±200
Sterf	29 September 235 Sardinië, Italië

Sint Pous Pontianus
Gebore	±200,
Sterfte	29 September 235, Sardinië, Italië
Vereer in	Rooms-Katolieke Kerk
Pelgrimsoord	Katakombes van Sint Callixtus
Feesdag	13 Augustus
Attribute	Swaard, rooi klere
Beskermheilige	Carbonia en Gandino

Pous Pontianus was die agttiende pous van die Rooms-Katolieke Kerk.

Biografie

Op 21 Julie 230 volg Pous Pontianus Pous Urbanus I op en word op 28 September 235 opgevolg deur Pous Anterus. Hy is saam met ander kerkleiers soos Hippolitus deur keiser Maximinus Thrax na Sardinië verban. As gevolg van die verbanning tree hy op 25 September 235 af. Hy sterf volgens die Liber Pontificalis nog dieselfde jaar weens die onmenslike omstandighede in die soutmyne. Die naam Pontianus beteken “brugman”.

Pontifikaat

Tydens Pontianus se pontifikaat word die skisma van teenpous Hippolitus beëindig. Hy het die eerste gesangboek met psalms saamgestel en hy stel ook die groet "Dominus Vobiscum" (Die Here sy met U) in. In die jare 231 en 231 hou hy 'n sinode in Rome.

Verering

Sy stoflike oorskot is deur Pous Fabianus na Rome gebring en begrawe in die Callixtus katakombe. Weens sy wrede dood is hy heilig verklaar en word ook as martelaar vereer. Oorspronklik was sy feesdag op 19 November maar tans word dit saam met die van Teenpous Hippolitus gevier op 13 Augustus. Sy grafskrif is in 1909 herontdek in die kript van St. Cecilia (kerk) in Rome naby die pouslike kript. Dit lees “PONTIANOS, EPISK.” (Pontianus, biskop). Die inskrywing “MARTUR” (martelaar) is deur iemand anders bygevoeg.

Verwysings

• The Catholic Encyclopedia, Volume XII. Published 1911. New York: Robert Appleton Company. Nihil Obstat, 1 Junie 1911. Remy Lafort, S.T.D., Censor. Imprimatur. +John Cardinal Farley, Archbishop of New York

Eksterne skakels

Wikimedia Commons bevat media in verband met Pontianus.

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)

Nota

Saamgestel uit die Nederlandse, Engelse, Duitse en Franse wiki’s.

Opvolging

Voorafgegaan deur Urbanus I

Biskop van Rome 230 – 235

Opgevolg deur Anterus