Quentin Tarantino

Quentin Tarantino
'n Beeld van die betrokke persoonlikheid.
Tarantino in 2015 op die San Diego Comic-Con International.
Geboortenaam Quentin Jerome Tarantino
Geboorte 27 Maart 1963 (1963-03-27) (61 jaar oud)
Knoxville, Tennessee, VSA
Nasionaliteit Amerikaans
Beroep(e) Akteur, regisseur, vervaardiger, draaiboekskrywer
Aktiewe jare 1987–tans
Internet-rolprentdatabasis-profiel

Quentin Jerome Tarantino[1] (geb. 27 Maart 1963) is ’n Amerikaanse rolprentvervaardiger en akteur. Sy prente word gekenmerk deur nielineêre storielyne, satiriese onderwerpe, ’n estetisering van geweld en verwysings na die popkultuur.

Vroeë lewe

[wysig | wysig bron]

Tarantino is in Knoxville, Tennessee, gebore as die seun van Tony Tarantino, ’n vermaakkunstenaar en akteur, en Connie McHugh. Sy pa was van Italiaanse afkoms en sy ma Engels en Iers.[2] Quentin is genoem na Quint Asper, Burt Reynolds se karakter in die CBS-reeks Gunsmoke.

Sy ouers se huwelik het nie lank geduur nie en Connie Tarantino het verhuis na Knoxville, waar haar ouers gewoon het. In 1966 het sy saam met haar driejarige seun teruggetrek na Los Angeles, waar Tarantino grootgeword het.[3][4]

In 1973 het Tarantino vir sowat ’n jaar by sy oupa en ouma gaan woon, en daarna het hy na Kalifornië teruggekeer. Op 14 het hy een van sy eerste werke, ’n draaiboek met die naam Captain Peachfuzz and the Anchovy Bandit, geskryf. Hierna het hy in toneelstukke soos Two Plus Two Makes Sex en Romeo and Juliet gespeel.[5]

Op 15 of 16 het hy die skool verlaat[6] en werk as ’n plekaanwyser by ’n pornoteater in Torrance gekry nadat hy gesê het hy is ouer as wat hy was. Hy het daarna toneelklasse geloop, waar hy verskeie mense ontmoet het wat later in sy prente sou verskyn. In die 1980's het Tarantino op verskeie plekke gewerk. Hy was onder meer ’n Elvis-nabootser in "Sophia's Wedding: Part 1", ’n episode van die vierde seisoen van The Golden Girls, en het in ’n videowinkel gewerk.[7][8]

Loopbaan

[wysig | wysig bron]
Tarantino in Januarie 2013 in Parys.

Sy loopbaan het in die laat 1980's begin, toe hy My Best Friend's Birthday geskryf en geregisseer het – dit het die basis vir sy sewende prent, True Romance, gevorm. In 1992 het hy sy loopbaan as onafhanklike vervaardiger begin met die uitreiking van Reservoir Dogs. Dit is beskou as ’n klassieke prent en kultustreffer, en is deur die rolprenttydskrif Empire "die grootste onafhanklike rolprent van alle tye" genoem.

Sy gewildheid het gestyg met die uitreiking van sy tweede prent, Pulp Fiction (1994), ’n swartkomedie-misdaadprent wat ’n groot sukses was onder resensente en die publiek. Entertainment Weekly het dit beskryf as die beste rolprent van 1983 tot 2008[9] en baie resensente en geleerdes het dit een van die mees betekenisvolle werke van die moderne rolprentteater genoem.[10]

Kill Bill, ’n hoogs gestileerde "wraakfliek" in die tradisie van die Japannese gevegskuns, spaghetti-westerns en Italiaanse rillers, het ses jaar later gevolg en is as twee prente uitgereik: Kill Bill: Volume 1 in 2003 en Kill Bill: Volume 2 in 2004. In 2009 is sy prent Inglourious Basterds uitgereik, en dit het positiewe resensies gehad. Daarna het Django Unchained in 2012 gevolg en die western The Hateful Eight in 2015.

Tarantino se rolprente was ewe gewild onder resensente en die publiek. Hy het verskeie pryse ontvang, onder meer twee Oscars, twee Golden Globes, twee Baftas en die Palme d'Or, en is vir ’n Emmy en Grammy benoem. Die tydskrif Time het hom in 2005 as een van die 100 invloedrykste mense in die wêreld aangewys.[11] In Desember 2015 het Tarantino ’n ster op die Hollywood Walk of Fame gekry vir sy bydrae tot die rolprentwese.[12]

Persoonlike lewe

[wysig | wysig bron]

Tarantino het gesê: "Ek sê nie ek sal nie trou en kinders hê voor ek 60 is nie, maar ek het tot dusver ’n keuse gedoen om hierdie pad alleen te stap. Dit is my tyd om flieks te maak."[13] In 2015 is berig dat hy in ’n verhouding met die kostuummaker Courtney Hoffman is.[14]

Hy is ’n groot voorstander van 35 mm-film en op 18 Februarie 2010 is aangekondig dat hy die New Beverly Cinema gekoop het. Hy het gesê: "Solank as wat ek lewe en ryk is, sal die New Beverly daar wees en prente wys wat op 35 mm geskiet is."[15]

Filmografie

[wysig | wysig bron]
Quentin Tarantino by die Inglourious Basterds Premiere, Leicester Square, 23 Julie 2009

Tarantino het verklaar dat hy beplan om 'n totaal van net tien films te maak voordat hy as regisseur uittree, as 'n manier om 'n algehele hoë gehalte binne sy filmografie te verseker. Hy glo "die meeste regisseurs het verskriklike laaste flieks," dat dit skaars is om op 'n "ordentlike fliek te eindig," en dat om op 'n "goeie fliek te eindig, soort van fenomenaal is."[16] Tarantino beskou Kill Bill 1 en 2 as 'n enkele fliek.[17]

Directed features
Jaar Titel Verspreiding
1992 Reservoir Dogs Miramax
1994 Pulp Fiction
1997 Jackie Brown
2003 Kill Bill: Volume 1
2004 Kill Bill: Volume 2
2007 Death Proof Dimension Films
2009 Inglourious Basterds The Weinstein Company / Universal Pictures
2012 Django Unchained The Weinstein Company / Sony Pictures Releasing
2015 The Hateful Eight The Weinstein Company
2019 Once Upon a Time in Hollywood Sony Pictures Releasing
TBA The Movie Critic TBA

Bibliografie

[wysig | wysig bron]

Pryse

[wysig | wysig bron]

Oscars

Jaar Werk Kategorie
1994 Pulp Fiction Beste oorspronklike draaiboek
2012 Django Unchained Beste oorspronklike draaiboek

Baftas

Jaar Werk Kategorie
1994 Pulp Fiction Beste oorspronklike draaiboek
2012 Django Unchained Beste oorspronklike draaiboek

Golden Globes

Jaar Werk Kategorie
1994 Pulp Fiction Beste draaiboek
2012 Django Unchained Beste draaiboek

Film Independent Spirit Awards

Jaar Werk Kategorie
1994 Pulp Fiction Beste regisseur
1994 Pulp Fiction Beste draaiboek

Sitges-rolprentfees

Jaar Werk Kategorie
1992 Reservoir Dogs Beste regisseur
1992 Reservoir Dogs Beste draaiboek

Saturn-pryse

Jaar Werk Kategorie
2013 Django Unchained Beste skryfwerk

Cannes-filmfees

Jaar Werk Kategorie
1994 Pulp Fiction Palme d'Or

Verwysings

[wysig | wysig bron]
  1. ↑ Quentin Tarantino Biography (1963–. Advameg, Inc. Besoek op 20 Augustus 2012.
  2. ↑ "Quentin Tarantino" (in Engels). Geargiveer vanaf die oorspronklike op 21 November 2019. Besoek op 4 September 2015.
  3. ↑ Holm, D.K. (2004). Quentin Tarantino: The Pocket Essential Guide. Summersdale Publishers. pp. 24–5. ISBN 1848398662.
  4. ↑ Walker, Andrew (14 Mei 2004). "Faces of the week - Quentin Tarantino". BBC News (in Engels). Geargiveer vanaf die oorspronklike op 29 Oktober 2019. Besoek op 13 Julie 2015.
  5. ↑ Holm, D.K. (2004). Quentin Tarantino: The Pocket Essential Guide. Summersdale Publishers. pp. 26–7. ISBN 1848398662.
  6. ↑ Giang, Vivian (20 Mei 2013). "10 Wildly Successful People Who Dropped Out Of High School". Business Insider (in Engels). Geargiveer vanaf die oorspronklike op 3 April 2019. Besoek op 14 Julie 2015.
  7. ↑ Holm, D.K. (2004). Quentin Tarantino: The Pocket Essential Guide. Summersdale Publishers. pp. 27–8. ISBN 1848398662.
  8. ↑ IGN Filmforce (19 Mei 2003). "An Interview with Danny Strong". IGN. Besoek op 14 Julie 2015.
  9. ↑ "The New Classics: Movies". Entertainment Weekly (in Engels). 8 Junie 2007. Geargiveer vanaf die oorspronklike op 16 September 2018. Besoek op 29 September 2013.
  10. ↑ "Pulp Fiction (1994)". British Film Institute. Geargiveer vanaf die oorspronklike op 20 Augustus 2012. Besoek op 9 November 2015.
  11. ↑ Corliss, Richard (18 April 2005). "Quentin Tarantino – The 2005 Time 100". Time (in Engels). Geargiveer vanaf die oorspronklike op 10 Maart 2020.
  12. ↑ Riefe, Jordan (21 Desember 2015). "Quentin Tarantino Receives Star on Walk of Fame". The Hollywood Reporter (in Engels). Prometheus Global Media. Geargiveer vanaf die oorspronklike op 1 Augustus 2019. Besoek op 22 Desember 2015.
  13. ↑ "Tarantino Sacrificed Love For His Career" (in Engels). Contactmusic.com. 28 Julie 2009. Geargiveer vanaf die oorspronklike op 3 Augustus 2009. Besoek op 2 Maart 2010.
  14. ↑ Quentin Tarantino is suited and booted with girlfriend Courtney Hoffman | Daily Mail Online. Dailymail.co.uk (12 Junie 2015). URL besoek op 2015-07-02.
  15. ↑ Scott Lewinski, John (18 Februarie 2010). "Quentin Tarantino saves L.A. theater". The Hollywood Reporter (in Engels). Geargiveer vanaf die oorspronklike op 20 September 2019. Besoek op 5 Februarie 2011.
  16. ↑ Adrienne Tyler (11 Junie 2021). "Why Quentin Tarantino Only Wants To Make 10 Movies (Will He Really Stop?)". Screen Rant. Geargiveer vanaf die oorspronklike op 16 November 2021. Besoek op 16 November 2021.
  17. ↑ Sharf, Zack (24 Julie 2019). "Quentin Tarantino Ends the 'Kill Bill' Debate Once and For All: It's Not Two Movies". IndieWire (in Engels). Geargiveer vanaf die oorspronklike op 2 Oktober 2022. Besoek op 15 Julie 2022.

Eksterne skakels

[wysig | wysig bron]