Rubens Barrichello
| Rubens Barrichello | |
|---|---|
 Barrichello by die Maleisiese Grand Prix in 2012
| |
| Geboortedatum | 23 Mei 1972 |
| Geboorteplek | São Paulo, Brasilië |
| Volle naam | Rubens Gonçalves Barrichello |
| Nasionaliteit |  Brasiliaan
|
| Aktiewe jare | 1993–2011 |
| Ou span(ne) | Jordan, Stewart, Ferrari, Honda, Brawn, Williams |
| Inskrywings | 326 (322 begin) |
| Kampioenskappe | 0 |
| Oorwinnings | 11 |
| Podiums | 68 |
| Loopbaanpunte | 658 |
| Voorste wegspronge | 14 |
| Vinnigste rondtes | 17 |
| Eerste F1-wedren | 1993 Suid-Afrikaanse Grand Prix |
| Eerste wen | 2000 Duitse Grand Prix |
| Laaste wen | 2009 Italiaanse Grand Prix |
| Laaste inskrywing | 2011 Brasiliaanse Grand Prix |
Rubens Barrichello (gebore 23 Mei 1972 in São Paulo) is 'n Brasiliaanse renjaer wat van 1993 tot 2011 aan Formule Een Grand Prix-wedrenne deelgeneem het.
Barrichello hou die rekord vir die meeste wedrenne in Formule Een (322) en het die elfde hoogste puntetotaal in Formule Een-geskiedenis behaal. Barrichello het vir Scuderia Ferrari gejaag van 2000-2005, met Michael Schumacher as sy spanmaat, en het groot sukses behaal insluitende kampioenskapsnaaswenner in 2002 en 2004. Hy was ook derde in 2001 en 2009. Gedurende sy ses jaar by Ferrari het Barrichello vyf vervaardigerskampioenskaptitels saam met Schumacher verower, wat op sy beurt vyf bestuurderskampioenskaptitels namekaar gewen het tussen 2000 en 2004.
Aan die einde van 2005 verlaat Barrichello Ferrari om 'n kontrak met Honda te teken. Ná Schumacher se aftrede aan die einde van 2006 was Barrichello die mees ervare bestuurder op die rooster, en by die Turkse Grand Prix van 2008 het hy die mees ervare bestuurder in F1-geskiedenis geword.
Hy was die eerste bestuurder om 300 Grand Prix-inskrywings met 300 wegspronge te bereik, in 2010. Hy was ook die voorsitter van die Vereniging van Grand Prix-renjaers in 2010. Barrichello het elf Formule Een Grands Prix gewen.
