Rush

Rush
Alex Lifeson, Geddy Lee en Neil Peart van Rush in 2004
Agtergrondinligting
OorsprongToronto, Ontario, Kanada
GenresHard rock
Heavy metal
Progressiewe rock
Jare aktief1968 - 2018
EtiketteMoon, Mercury, Anthem, Atlantic
Webwerfhttp://www.rush.com
Gewese ledeGeddy Lee
Alex LIfeson
Neil Peart
John Rutsey
Jeff Jones

Rush was 'n Kanadese rockgroep wat in Augustus 1968 in Willowdale, Toronto gevorm is. Die groep bestaan uit Geddy Lee (voorsanger, baskitaar en klawerbord), Alex Lifeson (kitaar) en Neil Peart (tromme, liedjieskrywer). Die groeplede het tussen 1968 en 1974 verskeie kere gewissel. In sy huidige vorm bestaan Rush sedert Julie 1974 toe die groep se oorspronklike tromspeler, John Rutsey, kort voor die eerste VSA-toer deur Peart vervang is.

Sedert Rush hulle gelyknamige debuutalbum in Maart 1974 vrygestel het, staan die groep vir hul musikale vernuf, ingewikkelde komposisies en die eklektiese motiewe van hul lirieke bekend wat dikwels deur wetenskapsfiksie, fantasieverhale en filosofiese beskouings geïnspireer is en humanitêre, sosiale, emosionele en omgewingsvraagstukke aanspreek.

Rush se musikale styl het oor die jare verander en was aanvanklik - op hulle eerste langspeler - deur heavy metal en blues geïnspireer. Later is dit deur hard rock, progressiewe rock en 'n periode met uitbundige gebruik van sintetiseerders gekenmerk. 'n Verskeidenheid musikale kunstenaars het na Rush as een van hulle beduidendste musikale invloede verwys, waaronder groepe soos Metallica, Primus en The Smashing Pumpkins en progressiewe metal-groepe soos Dream Theater en Symphony X.

Rush het 'n aantal Juno Awards gewen en is in 1994 in die Kanadese Music Hall of Fame opgeneem. Daarnaas het Rush reeds 24 goue en 14 platinum-albums (waaronder drie multi-platinum-albums) op hul musiekkerfstok. Albumverkope wêreldwyd is op meer as 40 veertig miljoen beraam.

Rush het aangekondig dat hulle sou ophou toer in 2015. Drie jaar later het Lifeson verklaar in Januarie 2018 dat die groep klaar is.[1][2]

Diskografie

[wysig | wysig bron]
  • 1974: Rush
  • 1975: Fly by Night
  • 1975: Caress of Steel
  • 1976: 2112
  • 1977: A Farewell to Kings
  • 1978: Hemispheres
  • 1980: Permanent Waves
  • 1981: Moving Pictures
  • 1982: Signals
  • 1984: Grace Under Pressure
  • 1985: Power Windows
  • 1987: Hold Your Fire
  • 1989: Presto
  • 1991: Roll the Bones
  • 1993: Counterparts
  • 1996: Test for Echo
  • 2002: Vapor Trails
  • 2007: Snakes & Arrows
  • 2012: Clockwork Angels

Verdere leesstof

[wysig | wysig bron]
  • Birzer, Bradley J. Cultural Repercussions: An In-Depth Examination of the Words, Ideas and Professional Life of Neil Peart, Man of Letters. Wordfire Press, 2015. ISBN 1614753547.
  • Freedman, Robert. Rush: Life, Liberty, and the Pursuit of Excellence. Algora Pub, 2014. ISBN 1628940840.
  • Mobley, Max. Rush FAQ: All That's Left to Know About Rock's Greatest Power Trio. Backbeat Books, 2014. ISBN 1617134511.
  • Popoff, Martin. Rush: Album by Album. Voyageur Press, 2017. ISBN 978-0760352205.
  • Price, Carol S. and Robert M. Price. Mystic Rhythms: The Philosophical Vision of Rush. Wildside Press, 1999. ISBN 1-58715-102-2.
  • Roberto, Leonard. A Simple Kind Mirror: The Lyrical Vision of Rush. Iuniverse Star, 2000. ISBN 0595213626.
  • Telleria, Robert. Rush Tribute: Merely Players. Quarry Press, 2002. ISBN 1-55082-271-3.

Biografieë

[wysig | wysig bron]
  • Banasiewicz, Bill. Rush: Visions: The Official Biography. Omnibus Press, 1988. ISBN 0-7119-1162-2.
  • Collins, Jon. Rush: Chemistry : The Definitive Biography . Helter Skelter Publishing, 2006. ISBN 1-900924-85-4 (hardcover).
  • Gett, Steve. Rush: Success Under Pressure. Cherry Lane Books, 1984. ISBN 0-89524-230-3.
  • Harrigan, Brian. Rush. Omnibus Press, 1982. ISBN 0-86001-934-9.
  • Popoff, Martin. Contents Under Pressure: 30 Years of Rush at Home and Away. ECW Press, June 28, 2004. ISBN 1-55022-678-9.
  • Popoff, Martin. Rush: The Illustrated History. Voyageur Press, 2013. ISBN 978-0760349953.

Verwysings

[wysig | wysig bron]
  1. ↑ "RUSH Guitarist ALEX LIFESON: "We Have No Plans To Tour Or Record Anymore. We're Basically Done"" (in Engels). Blabbermouth. 19 Januarie 2018. Geargiveer vanaf die oorspronklike op 11 Januarie 2020. Besoek op 19 Januarie 2018.
  2. ↑ Wheeler, Brad (16 Januarie 2018). "How the end of Rush let Alex Lifeson be 'as creative as I want to be'". The Globe and Mail (in Engels). Geargiveer vanaf die oorspronklike op 22 Februarie 2020. Besoek op 21 Januarie 2018.

Eksterne skakels

[wysig | wysig bron]

Sien ook

[wysig | wysig bron]

Lys van heavy metal-kunstenaars