Sentrale Moondhede

Deelnemers aan die Eerste Wêreldoorlog: die Sentrale Moondhede en hul kolonies is in oranje, die Geallieerdes en hul kolonies in groen en die neutrale lande in grys.

Die leiers van die Sentrale Moondhede:
Keiser Wilhelm II (Duitse Keiserryk)
Keiser Frans Josef I (Oostenryk-Hongarye)
Sultan Mehmet V (Ottomaanse Ryk)
Tsar Ferdinand I (Bulgarye)

Die Sentrale Moondhede (Duits: Mittelmächte; Hongaars: Központi hatalmak; Turks: İttifak Devletleri of Bağlaşma Devletleri; Bulgaars: Централни сили, Tsentralni sili) was een van die twee strydende faksies in die Eerste Wêreldoorlog (1914–'18). Die alliansie het ontstaan uit die Drievoudige Verbond van 1882 en het geveg teen die Geallieerde Magte wat ontstaan het uit die Drievoudige Entente.

Lidlande

Die Sentrale Moondhede het bestaan uit:^[1]

•  Oostenryk-Hongarye: op 28 Julie 1914 die oorlog betree
•  Duitse Keiserryk: op 1 Augustus 1914
•  Ottomaanse Ryk: op 2 Augustus 1914 in die geheim; op 29 Oktober 1914 openlik
•  Bulgarye: op 14 Oktober 1915

Die naam is afgelei van die ligging van dié lande: al vier het gelê tussen die Russiese Ryk in die ooste en Frankryk en die Verenigde Koninkryk in die weste.

Verwysings

1. Meyer, G.J. (2007). A World Undone: The Story of the Great War, 1914 to 1918. Delta Trade Paperback. ISBN 0-553-38240-3.

Hierdie artikel is vertaal uit die Engelse Wikipedia