Sint Helena

**Sint Helena**
**Saint Helena**
Vlag	Wapen
	Nasionale leuse: Loyal and Unshakeable
	Volkslied: God Save the Queen; ; My Saint Helena Island (nie-amptelik)
Hoofstad	Jamestown 15°56′S 5°43′W / 15.933°S 5.717°W
Grootste stad	Half Tree Hollow 15°56′S 5°43′W / 15.933°S 5.717°W
Amptelike tale	Engels
Regering ; • Monarg; • Goewerneur	Parlementêre demokrasie binne; ’n grondwetlike monargie; Elizabeth II; Philip Rushbrook
Onafhanklikheid Vorming; • Sint Helena; Charta toegestaan; • Oos-Indiese Kompanjie; se bewind beëindig; • Huidige grondwet	; Britse oorsese gebied; ; 1657; ; 22 April 1834; 1 September 2009
Oppervlakte; - Totaal; ; - Water (%)	; 121 km2 (-); 47 myl2; 0
Bevolking; - 2016-sensus; - Digtheid	; 4 534; 37,5 / km2 ; 97,1 / myl2
Geldeenheid	Sint Heleense pond (SHP)
Tydsone; - Somertyd	GMT (UTC±0); nie toegepas nie (UTC±0)
Internet-TLD	.sh
Skakelkode	+290

Sint Helena (Engels: Saint Helena) is 'n eiland in die suidelike Atlantiese Oseaan met 'n bevolking van 4 255 en 'n oppervlakte van 121 km², sowat 2 000 km wes van die Afrika-kus. Sint Helena vorm saam met die eilande Ascension en Tristan da Cunha die Britse oorsese gebied Sint Helena, Ascension en Tristan da Cunha. Dit is ekonomies heeltemal afhanklik van die Verenigde Koninkryk. Die inwoners van Sint Helena noem hulself die Saints.

Die bevolking het uit drie bevolkingsgroepe ontstaan: Afrika-slawe, Chinese werkers en Britse setlaars. Die hoofstad is Jamestown en die grootste nedersetting is Half Tree Hollow.

Napoleon Bonaparte is ná die Slag by Waterloo na die eiland verban en is in 1821 hier oorlede. Die eiland se beperkte toerisme lê steeds groot klem op hierdie geskiedkundige feit. Sy woning, Longwood House, is nou 'n museum. Sedert die opening van die Suezkanaal in 1869 het Saint Helena feitlik alle strategiese waarde verloor.

Anglo-Boereoorlog

In die Anglo-Boereoorlog (Tweede Vryheidsoorlog) is Boere as krygsgevangenes na 'n kamp genaamd Deadwood Camp in Sint Helena gestuur. Genl. Piet Cronje is ook hierheen verban. Hulle het tot na die oorlog in Napoleon se Longwood House gebly. Die toestroming van gevangenes het die bevolking tydelik verdriedubbel tot 9 850 in 1901.

'n Nederlander, Andries Smorenberg, het daarin geslaag om in 'n houtkis van die eiland te ontsnap. Dié kis, met hom daarin versteek, is op die posboot gelaai. Hy is egter ná twee dae gevang toe hy uitgeklim het om vars lug te kry en is na Sint Helena teruggestuur. 'n Italiaanse vrywilliger, J. Balderacchi, het daarin geslaag om na 'n Spaanse skip, Nautilus, te swem. Hy het blykbaar Spanje bereik.

Geskiedenis

Die eiland is in 1502 deur die Portugees João da Nova ontdek. Weens die teenwoordigheid van vars drinkwater was die eiland belangrik vir die seevaartlande. Die eiland is van 1645 tot 1659 deur die Republiek van die Sewe Verenigde Nederlande geëis. In 1658 het die Britse Oos-Indiese Kompanjie Jamestown gestig en die eiland in besit geneem. In 1673 het die Nederlanders weer die eiland verower, maar hulle is twee maande later weer deur die Britte verdryf. Die eiland het sedertdien in Britse hande gebly.

Van 1889 tot 1896 is die Zoeloekoning Dinuzulu hierheen verban. Die Zoeloekoning Goodwill Zwelithini het ook van 1968 tot 1971 hierheen gevlug uit Suid-Afrika.

Die Sultan van Zanzibar, Khalid ibn Barghasch, was ook van 1917 tot 1921 hier in die tronk. Verder het beide Wêreldoorloë grootliks ongemerk by die eiland verbygegaan.

Verwysings

↑ (en) St Helena, Ascension and Tristan da Cunha Constitution Order 2009.
↑ (en) "Census 2016 – summary report" (PDF). St Helena Government. Geargiveer vanaf die oorspronklike (PDF) op 17 Oktober 2016. Besoek op 21 September 2016.

Bronne

(en) The War Reporter. J.E.H. Grobler. Jonathan Ball Publishers. 2004. ISBN 978-1-86842-186-2
Green, Lawrence G.: There's a secret hid away. Memories of unusual experiences in Southern Africa and African isles; strange tales and legends and unrecorded adventures; and people who crossed the author's path and left him wondering. Kaapstad: Howard Timmins, 1956.
Aptroot, Andre. Lichens of St Helena, Pisces Publications, Newbury, UK, 2012, ISBN 9781874357537
Brooke, T. H., A History of the Island of St Helena from its Discovery by the Portuguese to the Year 1806, Printed for Black, Parry and Kingsbury, London, 1808
Bruce, I. T., Thomas Buce: St Helena Postmaster and Stamp Designer, Thirty years of St Helena, Ascension and Tristan Philately, pp 7–10, 2006, ISBN 1-890454-37-0
Cannan, Edward Churches of the South Atlantic Islands 1502–1991 ISBN 0-904614-48-4.
St. Helena - Ons Buureiland. In: Lantern. Tydskrif vir Kennis en Kultuur. Jaargang 11, nr. 2, Desember 1961
Webb, Margaret: Bedevaart na St. Helena. In: Lantern. Tydskrif vir Kennis en Kultuur. Jaargang 35, nr. 1, Januarie 1986

[1] (en) St Helena, Ascension and Tristan da Cunha Constitution Order 2009.

[census2016-2] (en) "Census 2016 – summary report" (PDF). St Helena Government. Geargiveer vanaf die oorspronklike (PDF) op 17 Oktober 2016. Besoek op 21 September 2016.

[1]

[2]