Soweto

Soweto
Die N1-snelpad in Soweto
Soweto  Soweto se ligging in Gauteng
Koördinate: 26°15′58″S 27°51′57″O / 26.26611°S 27.86583°O / -26.26611; 27.86583
Land	Suid-Afrika
Provinsie	Gauteng
Munisipaliteit	Stad Johannesburg
Stigting	1963
Oppervlak [1]
• Totaal	200,03 km^2 (77,23 vk. myl)
Hoogte	1 600 m (5 200 ft)
Bevolking  (2011)[1]
• Totaal	1 271 628
• Digtheid	6 357/km^2 (16 460/vk. myl)
Rasverdeling (2011) [1]
• Wit mense	0.1%
• Indiërs/Asiërs	0.1%
• Bruin mense	1.0%
• Swart mense	98.5%
• Ander	0.2%
Taal (2011) [1]
• Zoeloe	37.1%
• Suid-Sotho	15.5%
• Tswana	12.9%
• Tsonga	8.9%
• Ander	25.7%
Poskode (strate)	4309

Soweto is 'n gebied in Johannesburg, Gauteng, Suid-Afrika. Die naam is die sillabiese afkorting van South Western Townships.^[2] Meer as 65% van Johannesburg se inwoners bly in en om Soweto. Volgens die 2001-sensus was die bevolking 896 995 van wie 99,3% swart was.

Geskiedenis

Ou bedeling

Diepmeadow Stadsraad, Groter Soweto, in 1982

Soweto is sedert die 1950's onder die destydse regering se stelsel van 'afsonderlike ontwikkeling' as 'n woonbuurt vir swart bewoners van Johannesburg gevestig. Die stad is op die vroeëre plase Doornkop, Klipriviersoog, Diepkloof, Klipspruit en Vogelstruisfontein ontwikkel.^[3]

Binne die raamwerk van 'afsonderlike ontwikkeling' was die doelwitte met swart voorstede soos Soweto drieërlei: swart Suid-Afrikaners is uit die 'blanke' stadsgebied verban; hul bewegings kon maklik dopgehou, gekontroleer en beperk word; maar hulle is nogtans binne 'n relatief klein afstand van welvarende wit voorstede gevestig waar hulle onder meer as bediendes benodig is.^[4]

In Junie 1976 was Soweto die toneel van ernstige onluste, veral oor die verpligte gebruik van Afrikaans as onderrigmedium in die helfte van vakke in swart skole.^[5]

Nuwe bedeling

Ook swart Suid-Afrikaners sit sosiale vooroordele en kultureel geïndoktrineerde sieninge opsy: Soweto Pride 2012

Soweto het in die nuwe Suid-Afrika 'n omvattende verandering ondergaan en huisves tans 'n verskeidenheid inkomstegroepe wat naas ekonomies benadeeldes ook middelklas- en welvarende swart Suid-Afrikaners insluit. Stygende eiendomspryse weerspieël 'n dinamiese ontwikkeling, en lankal beskik welvarende bewoners (na wie dikwels as "swart diamante" verwys word) oor hul eie plaaslike winkelsentrums, kroeë en restaurante.^{[verwysing benodig]}

Sien ook

• Lys van dorpe in Suid-Afrika

Verwysings

1. "Hoofplek Soweto". Sensus 2011.
2. Pirie, G.H. Letters, words, worlds: the naming of Soweto. African Studies, 43 (1984), 43–51.
3. showme.co.za: History of Soweto Besoek op 30 Julie 2017
4. James Bainbridge: South Africa, Lesotho & Swaziland. E-boek-uitgawe. Lonely Planet Publications 2009, bl. 416
5. Michigan Sate University (MSU): South Africa - Overcoming Apartheid, Building Democracy: Soweto Student Uprising Besoek op 30 Julie 2017

Eksterne skakel

Wikimedia Commons bevat media in verband met Soweto.

• (en) Webwerf oor die Soweto-opstand van 1976

Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.