Takealot.com | |
![]() | |
Tipe | Privaat maatskappy |
---|---|
Gestig | 2011 |
Hoofkantoor | Suid-Afrika |
Sleutelpersone | Kim Reid (mede-HUB) Willem van Biljon (mede-HUB) |
Industrie | E-handel |
Werknemers | 1 200 [1] |
Webwerf | takealot.com |
Takealot.com is 'n elektroniese handelsmaatskappy wat op 15 Junie 2011 in Suid-Afrika gestig is[2] na die suksesvolle verkryging van 'n bestaande elektroniese handelsmaatskappy met die naam Take2. Takealot het vinnig begin groei in 2014 na 'n belegging van $ 100 miljoen van Tiger Global. In dieselfde jaar het Takealot vir Superbalist.com verwerf, 'n ontwerp en modewebwerf, asook Mr Delivery, wat hulle toegang tot 'n logistieke netwerk gegee het.[1]
Op 1 Mei 2015 het takealot.com met Kalahari.com saamgesmelt, 'n kompeterende elektroniese handelsmaatskappy wat deur Naspers besit is.[1][3][4] Naspers is tans die meerderheidsaandeelhouer (53,6%) in takealot.com.[5]
Takealot.com het tans verspreidingsentrums in die Wes-Kaap, KwaZulu-Natal en Gauteng, met 'n totale oppervlakte van 75 000m². Die Johannesburgse verspreidingsentrum bevat amper 4 miljoen produkte op enige gegewe oomblik en versend, per gemiddeld, 10 000 pakkies per uur.
Die groeiende pyn van e-handelbesigheid in Afrika is die hoë koste van logistiek, so aanlynplatforms moet die deurbraak oorleef om die regte pad vir besigheidsgroei te ontdek.[6]
Die ontluikende bedryf het die geboorte gesien van tuisgemaakte e-handelsplatforms soos Jumia (Nigerië), Takealot (Suid-Afrika) en Kilimall (Kenia), en die mark se potensiaal het nie ongesiens verbygegaan deur internasionale rolspelers soos Amazon, Alibaba, Shein, Shopshipshake en selfs Facebook, wat almal hulself posisioneer vir 'n stukkie van die e-handelkoek.
In April 2019 het takealot.com hul eerste stel afhaalpunte geopen, met die handelsmerk Takealot Pickup Points. Hierdie is 'n alternatiewe opsie en bied aan die kliënt die keuse om enige dag van die week sy pakkies af te haal of terug te neem. Teen Maart 2020, was meer as 50 van die afhaalpunte beskikbaar in al 9 provinsies van Suid-Afrika. Die 1 177 m² takelot.com Midrand-afhaalpunt is geleë bo-oor die besigste hoofweg in Afrika (die N1) en kan meer as 7 000 kliënte per dag bedien.