The Fountainhead

The Fountainhead
Die 1943-voorblad van The Fountainhead.
SkrywerAyn Rand
LandVSA
TaalEngels
GenreFilosofiese fiksie
UitgewerBobbs Merrill
Uitgegee1943
Bladsye753 (1ste uitgawe)
Letterkunde-portaal

The Fountainhead is 'n roman van 1943 deur die Russies-Amerikaanse skrywer Ayn Rand. Dit was haar eerste groot letterkundige sukses. Die roman se hoofkarakter, Howard Roark, is 'n onversetlike jong argitek wat baklei teen konvensionele standaarde en weier om toe te gee aan 'n argitektuurestablishment wat nie innovasie wil aanvaar nie. Roark verteenwoordig wat Rand glo die ideale man is,[1][2] en sy stryd weerspieël Rand se siening dat individualisme beter is as kollektivisme.

New Yorkse wolkekrabbers soos die McGraw Hill-gebou (links) en die Woolworthgebou het Rand geïnspireer om oor argitektuur te skryf.

Roark word teengestaan deur mense wat waarde heg aan konformasie eerder as onafhanklikheid[3] en integriteit.[4] Dit sluit Roark se voormalige klasmaat Peter Keating in wat sukses behaal deur gewilde style te volg, maar hom tot Roark wend vir hulp met ontwerpprobleme. Ellsworth Toohey, 'n sosialistiese argitektuurresensent wat sy invloed gebruik om sy politieke en sosiale agenda te bevorder, probeer om Roark se loopbaan te vernietig. Die uitgewer van 'n sensasiekoerant, Gail Wynand, probeer die openbare opnie vestig. Hy bevriend Roark, en verraai hom dan toe die openbare opinie in 'n rigting draai wat hy nie kan beheer nie. Die roman se mees omstrede karakter is Roark se minnares, Dominique Francon. Sy glo niekonformiteit kan nie wen nie, en daarom wissel sy tussen om Roark te help en te ondermyn.

Twaalf uitgewers het die manuskrip van die hand gewys[5][6][7] voordat 'n redakteur by Bobbs-Merrill Company sy werk op die spel geplaas het om dit te publiseer.[8][9] Resensies was uiteenlopend. Sommige resensente het die boek geprys as 'n kragtige loflied aan individualisme, terwyl ander gedink het dit is te lank en die karakters wek nie simpatie nie. Verkope was aanvanklik stadig, maar die boek het 'n gevolg opgebou deur mondelinge oordrag en het 'n topverkoper geword. Meer as 9 miljoen eksemplare van The Fountainhead is wêreldwyd verkoop en dit is in meer as 20 tale vertaal. Die roman het Rand as skrywer gewild gemaak en 'n blywende invloed gehad, veral onder argitekte en entrepreneurs.[10]

Die roman is verskeie kere vir ander media verwerk. 'n Geïllustreerde uitgawe is in 1945 in koerante gepubliseer en Warner Bros. het dit in 1949 verfilm; Rand het die draaiboek geskryf en Gary Cooper het die rol van Roark vertolk. Die prent het nie goeie resensies gekry nie en het nie sy geld by die loket terugverdien nie. In 2014 is dit deur die Belgiese verhoogregisseur in 'n toneelstuk verwerk, en dit het oor die algemeen positiewe resensies gekry.

Verwysings

[wysig | wysig bron]
  1. ↑ Gladstein 1999, p. 8
  2. ↑ Sciabarra 1995, p. 97
  3. ↑ Smith, Tara. "Unborrowed Vision: Independence and Egoism in The Fountainhead". In Mayhew 2006, pp. 287–289
  4. ↑ Schein, Dina. "Roark's Integrity". In Mayhew 2006, p. 305
  5. ↑ Branden 1986, pp. 170–171
  6. ↑ Burns 2009, p. 80
  7. ↑ Heller 2009, p. 186
  8. ↑ Ralston, Richard E. "Publishing The Fountainhead". In Mayhew 2006, p. 68
  9. ↑ Heller 2009, pp. 144–145
  10. ↑ Yannella 2011, p. 17

Bibliografie

[wysig | wysig bron]
  • Burns, Jennifer (2009). Goddess of the Market: Ayn Rand and the American Right. New York: Oxford University Press. ISBN 978-0-19-532487-7.
  • Gladstein, Mimi Reisel (1999). The New Ayn Rand Companion. Westport, Connecticut: Greenwood Press. ISBN 0-313-30321-5.
  • Gladstein, Mimi Reisel & Sciabarra, Chris Matthew, reds. (1999). Feminist Interpretations of Ayn Rand. Re-reading the Canon. University Park, Pennsylvania: Pennsylvania State University Press. ISBN 0-271-01830-5.
  • Heller, Anne C. (2009). Ayn Rand and the World She Made. New York: Doubleday. ISBN 978-0-385-51399-9.
  • Mayhew, Robert, red. (2006). Essays on Ayn Rand's The Fountainhead. Lanham, Maryland: Lexington Books. ISBN 0-7391-1577-4.

Skakels

[wysig | wysig bron]