Things Fall Apart
Things Fall Apart
| |
|---|---|
| Skrywer | Chinua Achebe |
| Omslagontwerper | C. W. Barton |
| Land |  Nigerië |
| Taal | Engels |
| Genre | Historiese fiksie |
| Uitgewer | William Heinemann Ltd. |
| Uitgegee | 1958 |
| ISBN | 0-385-47454-7 |
Things Fall Apart is 'n Engelse roman deur die Nigeriese skrywer Chinua Achebe wat in 1958 gepubliseer is. Dit word beskou as die tipiese moderne Afrika-roman in Engels en een van die eerstes in sy soort wat wêreldwyd baie goed ontvang is.
Dit is 'n belangrike boek in skole in Afrika en word wyd gelees en bestudeer in Engelssprekende lande dwarsoor die wêreld. Die roman gaan oor die lewe van Okonkwo, 'n leier en plaaslike stoeikampioen in Umuofia – 'n fiktiewe dorp in Nigerië waar die Igbo-stam woon. Dit beskryf sy familie- en persoonlike geskiedenis, die gewoontes en die gemeenskap van die Igbo en die invloed van die Britse kolonialisme en Christelike sendelinge in die laat 19de eeu op die gemeenskap.
