Toyota Hilux

Toyota Hilux

Toyota Hilux soos in Suid-Afrika beskikbaar was.
Oorsig
Vervaardiger	Toyota
Produksie	1968–huidig
Bakwerk en onderstel
Klas	Bakkie
Plek in geskiedenis
Voorganger	Hino Briska

Die Hiluxbakkie se binnekajuit.

Die Toyota Hilux is 'n reeks kompakte bakkies wat deur die Japannese vervaardiger Toyota geproduseer en bemark word. Die meeste lande gebruik die Hiluxnaam vir die hele leeftyd van die reeks, maar in Noord-Amerika, was die Hilux naam in 1976 gestaak ten gunste van Truck, Pickup Truck, of Compact Truck. In Noord-Amerika was die gewilde opsiepakket, die SR5 (Sport Rally 5-gang), as modelnaam gebruik vir die bakkie, selfs al was die opsiepakket ook gebruik op ander Toyota-modelle soos die Corolla.

In 1984 is die Trekker, die kampeerderweergawe van die Hilux, herdoop na die 4Runner in Australië en Noord-Amerika, en as die Hilux Surf in Japan. In 1995 het Toyota 'n nuwe bakkiemodel, die Tacoma, in Noord-Amerika vrygestel na die staking van die Hilux bakkie daar. Die 4Runner is nou 'n volle SNV, en die meer onlangse modelle lyk nie meer soos die Tacoma nie.

Teen 2015 was die Toyota Hilux wêreldwyd beskikbaar, behalwe vir Japan, die Verenigde State, Kanada, Noord-Korea en Suid-Korea.

Hierdie artikel is in sy geheel of gedeeltelik vanuit die Engelse Wikipedia vertaal.