Toyota Land Cruiser Prado

Toyota Land Cruiser Prado

Oorsig
Vervaardiger	Toyota
Produksie	1984-huidig
Modeljare	1985-huidig
Bakwerk en onderstel
Klas	Mediumgrootte luukse SNV
Bakstyl	5-deur SNV
Uitleg	Voorenjin, agterwieldryf / vierwieldryf
Plek in geskiedenis
Voorganger	Toyota Land Cruiser

Die Toyota Land Cruiser Prado is 'n middel-grootte vierwielaandrywing voertuig in die Toyota Land Cruiser-reeks. Dit word deur die Japannese motorvervaardiger, die Toyota Motorkorporasie vervaardig en bemark. Die Prado is een van die kleiner voertuie in die reeks. Die 2014 Prado is gebaseer op Toyota se J150 platform.

In Europa staan die 2014 Prado bekend as die Land Cruiser LC3, LC4 en LC5, afhangende van die toerustingvlak. Die Prado kan ook as die Land Cruiser LC70, LC90, LC120 en LC150 afhangende van die platform, na verwys word. In Noord-Amerika is dit nie deel van die Land Cruiser-reeks nie; die Toyota 4Runner vervang die Prado met basiese afwerking terwyl die Lexus GX 470 die Prado vervang met luukse afwerking. Die GX 470 gebruik feitlik identiese bakpanele en 'n V8-enjin.

Prado's het leerraamonderstelle, tweespoed-oordragkaste en agterste balkasse. Die J70 platform het 'n voorste balkas terwyl die J90, J120 en J150 platforms met onafhanklike vering aan die voorkant toegerus is.

Die 2014 Prado is beskikbaar in GX, GXL, VX en Grande weergawes. Die GX is die intreevlakmodel, terwyl die Grande die luukse weergawe is. In die meeste markte is die Prado beskikbaar met 'n 4.0 L V6-petrolenjin of 3.0 L inlynviersilinder dieselenjin. Dit is ook beskikbaar in 4.6 L V8 petrol. In sommige Europese lande is sekere kommersiële variante beskikbaar, gebaseer op die kortasafstandonderstel.

Teen 2014 was die LC Prado beskikbaar in alle Toyotamarkte, behalwe Suid-Korea, die VSA (beskikbaar as die Lexus GX), Kanada (beskikbaar as die Lexus GX), en Meksiko.

Verwysings

Hierdie artikel is in sy geheel of gedeeltelik vanuit die Engelse Wikipedia vertaal.