Vladimir Ashkenazy

Vladimir Ashkenazy (* 6 Julie 1937 -) is 'n Russiese pianis en dirigent wat in die Sowjetunie gebore is en van 1987 tot 1994 die musiekdirekteur van die Koninklike Filharmoniese Orkes in Londen was.^[1]

Vladimir Davidovitsj Asjkenazi (Russies: Владимир Давидович Ашкенази)^[2] is op 6 Julie 1937 in Nizjni Nowgorod gebore. Hy studeer aan die Moskou-konservatorium, en behaal in 1955 die tweede plek op die internasionale Frederick Chopin-kompetisie in Warschau. In 1956 wen hy die Koningin Elisabeth-wedstryd in Brussel en in 1962 wen hy (saam met John Ogdon) die eerste prys by die internasionale Tsjaikowski-wedstryd in Moskou.

Van 1998 tot 2003 was Asjkenazi die hoofdirigent van die Tsjeggiese Filharmoniese Orkes. Hy is tans die musikale leier van die Sydney Filharmoniese Orkes en die Europese Unie se Jeugorkes. Daarnaas is hy eredirigent van die Yslandse Simfonieorkes en voorsitter van die Rachmaninoff Genootskap.

Hy het in 1972 na Ysland gemigreer en woon tans in Switserland. Naas Russiese burgerskap is hy ook 'n Yslandse burger.

Verwysings

↑ HAT Taal-en-feitegids, Pearson, Desember 2013, ISBN 978-1-77578-243-8
↑ Jean-Pierre Thiollet, 88 notes pour piano solo, "Solo nec plus ultra", Neva Editions, 2015, p.50. ISBN 978 2 3505 5192 0.

Eksterne skakels

Wikimedia Commons het meer media in die kategorie Vladimir Ashkenazy.

[HAT-1] HAT Taal-en-feitegids, Pearson, Desember 2013, ISBN 978-1-77578-243-8

[2] Jean-Pierre Thiollet, 88 notes pour piano solo, "Solo nec plus ultra", Neva Editions, 2015, p.50. ISBN 978 2 3505 5192 0.

[1]

[2]