Vlag van Ossetië

Vlag van Suid-Ossetië

Vlag van Suid-Ossetië
Gebruik	Burgerlike vlag
Verhouding	1:2
Goedgekeur	26 November 1990[1]
Ontwerp	Drie horisontale bane in wit, rooi en geel.
Ontwerp deur	Алан Чочиев (Alan Tsjotsjiëf)

Vlag van Noord-Ossetië-Alanië

Vlag van Noord-Ossetië-Alanië
Gebruik	Burgerlike vlag
Verhouding	1:2
Goedgekeur	2 Oktober 1991[2]
Ontwerp	Drie horisontale bane in wit, rooi en geel.
Ontwerp deur	Алан Чочиев (Alan Tsjotsjiëf)

Die vlag van Ossetië is op 26 November 1990 deur die Republiek Suid-Ossetië en op 2 Oktober 1991 deur die Republiek Noord-Ossetië-Alanië in gebruik geneem. Die vlag vertoon drie horisontale bane in wit, rooi en geel.

Kleure

Die kleurskema word hieronder gelys:

	Wit	Rooi	Geel
RGB	255/255/255	255/0/0	255/223/0
Heksadesimaal	#FFFFFF	#FF0000	#FFDF00
CMYK	0/0/0/0	0/1/1/0	100/0.125/1/0

Interpretasie van kleure

Skema	Tekstielkleur
Wit	Morele reinheid.
Rooi	Krygsheldhaftigheid.
Geel	Rykdom en welvaart.

Geskiedenis

Die vlag wat deur Noord- en Suid-Ossetië gebruik word, is op 26 November 1990 deur die voormalige leier van die Adjamon Nichas (Osseties: Адæмон Ныхас, letterlik nasionale vergadering) en Suid-Ossetiese historikus, Alan Tsjotsjiëf, geskep en is aanvanklik as wapen van hierdie beweging gebruik. Die Suid-Ossetiese weergawe is op 26 November 1990 deur die grondwet van Suid-Ossetië voorgeskryf, en op 30 Maart 1992 bekragtig deur die Regulasie op die Nasionale Vlag.^[3]

Die vlag word ook gebruik deur die pro-Georgiese Voorlopige Administratiewe Entiteit van Suid-Ossetië wat vroeër vanuit Kurta geopereer het en nou in Tbilisi is, wat die Russies gesteunde separatistiese regering in Zchinwali teenstaan.

Die vlae van Noord-Ossetië-Alanië en Suid-Ossetië is byna identies met slegs die kleurskakerings wat verskil.

Onder die Sowjetunie het Noord-Ossetië ’n rooi vlag met ’n blou vertikale baan aan die vlagpaalkant, die hamer en sekel en die woorde “Noord-Ossetiese ASSR” in Russies en Osseties gebruik. Kort voor die ontbinding van die Sowjetunie is dit met die huidige vlag vervang, wat op 2 Oktober 1991 aanvaar is.

• 
  Vlag van die Noord-Ossetiese ASSR, 1937 tot 1938
• 
  Vlag van die Noord-Ossetiese ASSR, 1938 tot 1954
• 
  Vlag van die Noord-Ossetiese ASSR, 1954 tot 1981
• 
  Vlag van die Noord-Ossetiese ASSR, 1981 tot 1991

Ander vlae

Soortgelyke vlae

’n Paar nedersettings in Pole asook een woiwodskap, en die stad Santa Barbara, Kalifornië gebruik ook vlae in horisontale bane van wit, rooi en geel.

• 
  Vlag van Grudziądz (stad in Pole)
• 
  Vlag van Inowrocław (stad in Pole)
• 
  Vlag van Wiązów (stad in Pole)
• 
  Vlag van die Woiwodskap Klein-Pole
• 
  Vlag van Santa Barbara (stad in Kalifornië)
• 
  Vlag van Świebodzin (stad in Pole)

Verwysings

1. (en) "Suid-Ossetië". Flags of the World. Geargiveer vanaf die oorspronklike op 11 Januarie 2020. Besoek op 3 Augustus 2020.
2. (en) "Noord-Ossetië". Flags of the World. Besoek op 3 Augustus 2020.
3. (ru) "Государственная символика Республики Южная Осетия | Парламент Республики Южная Осетия". www.parliamentrso.org. Besoek op 3 Augustus 2020.

Eksterne skakels

Wikimedia Commons bevat media in verband met Vlae van Suid-Ossetië.

• (en) Suid-Ossetië by Flags of the World.
• (en) Noord-Ossetië by Flags of the World.

Hierdie artikel is in sy geheel of gedeeltelik vanuit die Engelse Wikipedia vertaal.