Vuur-dikkop

Vuurdikkop
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Microdesmidae
Genus:	Nemateleotris
Spesie:	N. magnifica
Binomiale naam
Nemateleotris magnifica Fowler, 1938

Die vuurdikkop (Nemateleotris magnifica) is 'n vis wat in die Indies-Pasifiese area voorkom en aan die ooskus van Afrika vanaf Kenia tot by die Aliwal-bank van KwaZulu-Natal. In Engels staan die vis bekend as die Fire goby.

Voorkoms

Die vis het 'n ronde kop terwyl die kop en voorste helfte van die lyf wit is. Die agterste helfte van die lyf en dorsale en anale vinne is oranje-rooi. Die voorste dorsale vin het 'n lang straal en die bekkenvinne is skraal. Daar is twee pers lyne wat deur die anale en dorsale vinne gaan. Daar is ook 'n streep deur die stertvin se lobbe. Die vis word 9 cm groot.

Habitat

Die vissie leef naby die bodem in koraalriwwe in water wat tot 60 m diep is. Die volwasse visse leef in pare en die onvolwasse visse leef in skole saam. Die vis vreet soöplankton. Die vis is volop by Sodwanabaai en is 'n gewilde akwariumvis; dit moet in 'n groot tenk aangehou word en moet 'n maat hê.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Nemateleotris-magnifica.html