Vyfkol-anemoongarnaal

Vyfkol-anemoongarnaal
Periclimenes brevicarpalis in Bunaken, Indonesië
Wetenskaplike klassifikasie
Koninkryk:	Animalia
Filum:	Arthropoda
Subfilum:	Crustacea
Klas:	Malacostraca
Orde:	Decapoda
Infraorde:	Caridea
Familie:	Palaemonidae
Genus:	Periclimenes
Spesie:	P. brevicarpalis
Binomiale naam
Periclimenes brevicarpalis (Schenkel, 1902)
Sinonieme
Ancylocaris brevicarpalis Schenkel, 1902 Ancylocaris hermitensis (Rathbun) Harpilius latirostris Lenz, 1905 Palaemonella aberrans Nobili, 1904 Palaemonella amboinensis Zehntner, 1894 Periclimenes hermitensis Rathbun, 1914 Periclimenes potina Nobili, 1905a

Die vyfkol-anemoongarnaal (Periclimenes brevicarpalis) is 'n seedier wat leef op anemone en koraalriwwe in water wat tot 25 m diep is. Dit kom in die Stille en Indiese Oseane voor, insluitend die kuslangse waters van Mosambiek en KwaZulu-Natal. Die seedier word tot 40 mm lank en word deur twee groot wit areas op die kop en stert gekenmerk. Die lyf is deursigtig met 'n aantal wit, ovaalvormige merke daarop. Die mannetjie is kleiner as die wyfie en is meer deursigtig.

Die stert vou uit in 'n vyfblaarvormige waaier. Elke stertblaar het 'n oranje kol daarop, wat met 'n swart rand omsoom is. Die bene en knypers is oorwegend pers. Daar is 'n wit band dwars oor die kop met die oë weerskante daarvan. Die dier leef in pare saam. Hulle is immuun teen anamone se gif omrede hulle self met die slym bedek is wat deur die anemone afgeskei word. Hulle dwaal ook nie ver van die gasheer af nie. Die seedier is 'n omnivoor en vreet die gasheer se oorskiet asook slym, detritus en klein ongewerweldes. Die spesie kom algemeen voor.

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3