Wakea
Wakea, of Wākea, was in die Hawaise godsdiens die lugvader wat met Papahānaumoku of Papa, die aardmoeder, getrou het. Die paar word beskou as die ouers van die regerende opperhoofde van Hawaii.
Beskrywing
[wysig | wysig bron]Wākea was die oudste seun van Kahiko ("die Antieke Een"), wat in Olalowaia gewoon het. Hy is die voorvader van die aliʻi (adel) van Hawaii, die heersersklas, en die kleinseun van Welaahilaninui. Die priesters en gewone mense het gekom van sy broers.
Wākea beteken uitgestrekte ruimte, senit of hemel en Papa beteken fondament of oppervlak; saam skep hulle 'n simbool van grond en lug, of aarde en hemel.[1] Oorledenes, so is geglo, het na die huis van Wākea gereis. As hulle rein was, kon hulle in die gerief van dié ryk bly, anders is hulle na Lua-o-Milu gestuur.[2]
Die Hawaise eilande is deur Wākea en Papahānaumoku geskep. Nadat Wākea bloedskande met sy dogter, Ho’ohokukalani, gepleeg het, het sy die lewe geskenk aan Haloa-naka-lau-kapalili, wat beteken bewende lang stingel.[3] Die baba is doodgebore en hulle het hom later geplant; hy het die eerste taro, 'n Hawaise stapelvoedsel, geword. Daarna het Ho’ohokukalani die lewe geskenk aan nog 'n kind, Haloa, wat beteken lang stingel, en hy het die eerste Hawaiër geword.
Later het Wākea en Papahānaumoku nog kinders gehad, naamlik Kaua'i, Ni'ihau, Lehua en Kaʻula.[4]
Sien ook
[wysig | wysig bron]- Rangi en Papa, die oerouers in die Maori's se godsdiens.
Verwysings
[wysig | wysig bron]- ↑ Marshall D. Sahlins, Historical Metaphors and Mythical Realities : Structure in the Early History of the Sandwich Islands Kingdom (Ann Arbor: University of Michigan, 1981), 15, 31.
- ↑ Thrum, Thomas (1907). Hawaiian Folk Tales. A.C. McClurg. p. 13.
- ↑ "Nā Puke Wehewehe ʻŌlelo Hawaiʻi". www.wehewehe.org. Besoek op 6 Mei 2021.
- ↑ Lilikalā Kame’eleihiwa, In Native Lands and Foreign Desires: Pehea Lā E Pono Ai? (Honolulu: Bishop Museum, 1992), 19-44.
Bykomende bron
[wysig | wysig bron]- E.R. Tregear, Māori-Polynesian Comparative Dictionary (Lyon en Blair: Lambton Quay), 1891.
Skakels
[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
