Yuval Noah Harari

Yuval Noah Harari
Yuval Harari in 2017.
Gebore24 Februarie 1976
Kiryat Ata, Israel
NasionaliteitVlag van Israel Israel
BeroepSkrywer, historikus

Yuval Noah Harari (gebore op 24 Februarie 1976) is 'n Israeli geskiedkundige en professor in die Departement van Geskiedenis by die Hebreeuse Universiteit van Jerusalem.[1] Hy is die skrywer van die internasionale topverkopers Sapiens: A Brief History of Humankind (2014), Homo Deus: A Brief History of Tomorrow (2016), en 21 Lessons for the 21st Century (2018). Sy skryfwerk ondersoek vrye wil, bewustheid, en intelligensie.

Harari se vroeëre publikasies handel met wat hy beskryf as die "kognitiewe revolusie" wat rofweg 50 000 jaar gelede plaasgevind het toe Homo sapiens hul mededinger, die Neanderdallers verdring het, en taalvaardighede en gestruktureerde samelewingstrukture begin ontwikkel het asook opgang gemaak het as apeksroofdiere. Die ontwikkeling was aangehelp deur die landbourevolusie en meer onlangs versnel deur die wetenskaplike metodologie en rasionalisme wat mense toegelaat het om hul omgewing so te sê te oorheers.

Sy onlangse boeke is meer omsigtig, en werk deur die gevolge van 'n futuristiese biotegnologiese wêreld waar intelligente biologiese organismes verdring word deur hul eie skeppings. Hy het ook gesê "Homo sapiens soos ons hulle ken, sal in 'n eeu of so verdwyn".[2]

Biografie

[wysig | wysig bron]

Harari was in 1976 in Kiryat Ata, Israel, gebore en het grootgeword in 'n sekulêre Joodse gesin[3] met Libanese en Oos-Europese wortels in Haifa, Israel.[4] Harari is openlik homoseksueel[2] en in 2002 het hy sy eggenoot Itzik Yahav, wat hy "my internet van alle dinge" noem, ontmoet.[5][6] Yahav is ook Harari se persoonlike bestuurder.[7] Hulle is getroud tydens 'n burgerlike seremonie in Toronto, Kanada.[8] Die paartjie woon in 'n moshav ('n tipe koöperatiewe landbougemeenskap van indiwiduele plase) genaamd Mesilat Zion, naby Jerusalem.[9][10][11]

Harari het by geleentheid gesê dat Vipassana-meditasie, waarmee hy in die jaar 2000 begin het toe hy nog by Oxford was,[12] "my lewe getransformeer het".[5] Hy oefen elke dag vir twee ure (een uur aan die begin, en een uur aan die einde van sy werksdag)[13]), en onderneem elke jaar vir dertig dae of meer 'n "meditatiewe vakansie" in stilte, met geen indringing van boeke of sosiale media nie,[14][15][16] en is 'n assistentmeditasie-instrukteur.[17] Hy het sy boek Homo Deus gewy aan "my onderwyser, S. N. Goenka, wat my op liefderike wyse belangrike dinge geleer het," en hy het ook gesê: "Ek sou nie hierdie boek kon skryf sonder die fokus, vrede en insig wat verkry is deur die oefen van Vipassana vir die afgelope vyftien jaar nie."[18] Hy beskou meditasie ook as 'n weg tot navorsing.[16]

Harari is 'n vegetariër en het ook gesê dat dit die gevolg was van sy navorsing, insluitende sy oortuiging dat die suiwelbedryf die band tussen die koei en haar kalf breek.[4][19] Van Januarie 2019 af maak hy nie meer gebruik van 'n slimfoon nie.[20]

Akademiese loopbaan

[wysig | wysig bron]

Harari het aanvanklik gespesialiseer in Middeleeuse geskiedenis en militêre geskiedenis, wat betref sy studies vanaf 1993 tot 1998 by die Hebreeuse Universiteit van Jerusalem. Hy het sy D.Phil graad in 2002 by Jesus-kollege, Oxford, voltooi onder die toesig van Steven J. Gunn. Van 2003 tot 2005 was hy besig met sy post-doktorale studies in geskiedenis as 'n Yad Hanadiv-genoot.[21]

Hy het verskeie boeke en artikels gepubliseer, insluitende (in Engels) Special Operations in the Age of Chivalry, 1100–1550;[22] The Ultimate Experience: Battlefield Revelations and the Making of Modern War Culture, 1450–2000;[23] The Concept of 'Decisive Battles' in World History;[24] en Armchairs, Coffee and Authority: Eye-witnesses and Flesh-witnesses Speak about War, 1100–2000.[25] Hy spesialiseer nou in wêreldgeskiedenis en makro-historiese prosesse.

Sy boek Sapiens: A Brief History of Humankind was in 2001 in Hebreeus gepubliseer en 2014 in Engels gepubliseer. Die werk is sedertdien in vyf-en-veertig bykomende tale vertaal.[26] Die boek neem die gehele lengte van menslike geskiedenis in oënskou, en dek die evolusie van Homo sapiens in die Steentydperk tot by die politiese en tegnologiese revolusies van die 21ste eeu. Die Hebreeuse uitgawe was 'n topverkoper in Israel, en het baie belangstelling by die algemene publiek gewek, en het Harari in 'n kits van 'n onbekende persoon in 'n glanspersoonlikheid verander.[27] YouTube-videosnitte van Harari se lesings in Hebreeus, oor die geskiedenis van die wêreld, is al deur tienduisende Israelis gekyk.[28]

Harari gee ook gratis aanlyn-kursusse in Engels getiteld A Brief History of Humankind.

Gepubliseerde werke

[wysig | wysig bron]

Harari se boek Homo Deus: A Brief History of Tomorrow was in 2016 gepubliseer, en ondersoek die moontlikhede van die toekoms van Homo sapiens.[29] Die boek se uitgangspunt handel daaroor dat die mensdom in die toekoms waarskynlik 'n wesenlike poging tot die verkryging van geluk, onsterflikheid en veral die verkryging van godagtige magte gaan maak.[30] Die boek gaan voort om op openlike wyse te spekuleer oor verskillende maniere waarop hierdie ambisieuse strewes in die toekoms vir Homo Sapiens verwerklik kan word, gebaseer op realiteite en werklikhede van die verlede en die toekoms. Harari ontwikkel onder andere daarin 'n term vir 'n filosofie of verstandhouding wat die "aanbidding" van groot data behels.[31][32]

Harari se mees onlangse boek is getiteld 21 Lessons for the 21st Century en fokus op meer alledaagse sake.[33][34][35] Dit is op 30 Augustus 2018 gepubliseer.[36][37] In Hoofstuk 2 bespreek hy die toenemende getal mense wat werkloos gelaat word deur vooruitgang in outomatisering en Kunsmatige intelligensie. Hy ondersoek ook die idee van 'n basiese inkomste en/of universele inkomste vir elke burger nieteenstaande hulle werkstatus as 'n middel om ekonomiese werkloosheid aan te spreek.

Oortuigings en opinies

[wysig | wysig bron]

Harari stel belang in die wyse waarop Homo sapiens hulle huidige toestand bereik het, en in hul toekoms. Sy navorsing fokus op makro-historiese vrae soos: Wat is die verhouding tussen geskiedenis en biologie? Wat is die essensiële verskil tussen Homo sapiens en ander diere? Beskik geskiedenis oor 'n rigting? Het mense gelukkiger geword soos wat geskiedenis ontvou het?

Harari beskou ontevredenheid as die die "wortel" van menslike realiteit, en ook ten opsigte van die wyse waarop dit in verband staan met evolusie .[6]

In 'n 2017 artikel het Harari geargumenteer dat daar "dat daar dalk teen 2050 'n nuwe klas mense sal ontstaan - die nuttelose klas. Mense wat nie slegs werkloos wees nie, maar onindiensneembaar, as gevolg van groterwordende tegnologiese vooruitgang en vooruitgang wat betref die veld van Kunsmatige intelligensie (KI)."[38] Hy het gepostuleer dat deur op ekonomiese, maatskaplike en politiese wyse met hierdie nuwe maatskaplike klas te handel, 'n sentrale uitdaging vir die mensdom in die komende dekades sal wees.[39]

Harari het kommentaar gelewer op die penarie van diere, en veral die van troeteldiere sedertdien die aanvang van die landbouomwenteling. Harari is ook 'n vegetariër. [4] Harari het sy oogpunte oor die wêreld as volg opgesom tydens 'n 2018 onderhoud[40] met Steve Paulson van Nautilus : "Dinge is beter as tevore, maar dit is egter steeds nogal sleg. Dit kan vererger. Dit kom neer op 'n ietwat optimistiese oogpunt, want indien jy besef dat dinge beter is as tevore, beteken dit dat 'n mens dit selfs beter kan maak. "

Harari het geskryf dat die idee van die vrye wil, en die liberale waardes wat dit help konsolideer het, "mense aangemoedig het wat teen die Inkwisisie, die goddelike regte van konings, en die KGB moes veg," maar dit het egter gevaarlik begin raak in 'n wêreld wat beskik oor 'n dataekonomie, waar, soos sy argument lui, daar in realiteit nie so iets bestaan nie, en regerings en korporasies die individu beter begin ken as wat hulle hulself ken, en "indien regerings en korporasies daarin slaag om die menslike dier te kaap, die maklikste mense om te manipuleer die sal wees wat in vrye wil glo."[41] Harari brei verder uit dat "Mense sekerlik oor 'n wil beskik - maar dit is nie "vry" nie. Jy kan nie besluit welke versugtinge jy oor beskik nie...Elke keuse hang af van 'n klomp biologiese, maatskaplike en persoonlike omstandighede wat jy nie namens jouself kan vasstel nie. Ek kan kies wat om te eet, wie om mee te trou en vir wie om te stem, maar hierdie keuses word deels bepaal deur my gene, my biochemiese samestelling, my geslag, my familie agtergrond, my kultuur, ens - en ek kies nie welke gene of familie ek het nie."[41]

Toekennings en erkenning

[wysig | wysig bron]

Harari het reeds twee keer (in 2009 en 2012) die Polonsky-prys gewen vir "Kreatiwiteit en Oorspronklikheid". In 2011 het hy die Genootskap vir Militêre Geskiedenis se Moncado-toekenning vir uitsonderlike artikels in militêre geskiedenis gewen. In 2012 was hy verkies tot die Jong-Israeli Akademie van Wetenskappe.

Publikasies

[wysig | wysig bron]

Boeke

[wysig | wysig bron]
  • Nexus: A Brief History of Information Networks from the Stone Age to AI, (Fern Press, 2024), ISBN 978-1911717089
  • Sapiens: A Graphic History, Volume 3 − The Masters of History (London: Jonathan Cape, 2024)
  • Unstoppable Us, Volume 2 − Why the World Isn't Fair (Bright Matter Books, 2024), ISBN 9780593711521
  • Unstoppable Us, Volume 1 − How Humans Took Over the World (Bright Matter Books, 2022), ISBN 0-593-64346-1
  • Sapiens: A Graphic History, Volume 2 − The Pillars of Civilization (London: Jonathan Cape, 2021)
  • Sapiens: A Graphic History, Volume 1 – The Birth of Humankind (London: Jonathan Cape, 2020)
  • 21 Lessons for the 21st Century (Londen: Jonathan Cape, 2018), ISBN 1787330672
  • Homo Deus: A Brief History of Tomorrow (2016), ISBN 978-1910701881
  • Sapiens: A Brief History of Humankind (Londen: Harvill Secker, 2014) ISBN 978-006-231-609-7
  • The Ultimate Experience: Battlefield Revelations and the Making of Modern War Culture, 1450–2000 (Houndmills: Palgrave-Macmillan, 2008),[42] ISBN 978-023-058-388-7
  • Special Operations in the Age of Chivalry, 1100–1550 (Woodbridge: Boydell & Brewer, 2007), ISBN 978-184-383-292-8
  • Renaissance Military Memoirs: War, History and Identity, 1450–1600 (Woodbridge: Boydell & Brewer, 2004), ISBN 978-184-383-064-1

Artikels

[wysig | wysig bron]
  • "The Military Role of the Frankish Turcopoles – a Reassessment", Mediterranean Historical Review 12 (1) (Junie 1997), bls. 75–116.
  • "Inter-Frontal Cooperation in the Fourteenth Century and Edward III’s 1346 Campaign", War in History 6 (4) (September 1999), bls. 379–395
  • "Strategy and Supply in Fourteenth-Century Western European Invasion Campaigns", The Journal of Military History 64 (2) (April 2000), bls. 297–334.
  • "Eyewitnessing in Accounts of the First Crusade: The Gesta Francorum and Other Contemporary Narratives", Crusades 3 (Augustus 2004), pp. 77–99
  • "Martial Illusions: War and Disillusionment in Twentieth-Century and Renaissance Military Memoirs", The Journal of Military History 69 (1) (Januarie 2005), pp. 43–72
  • "Military Memoirs: A Historical Overview of the Genre from the Middle Ages to the Late Modern Era", War in History 14:3 (2007), bls. 289–309
  • "The Concept of ‘Decisive Battles’ in World History", The Journal of World History 18 (3) (2007), 251–266
  • "Knowledge, Power and the Medieval Soldier, 1096–1550", in In Laudem Hierosolymitani: Studies in Crusades and Medieval Culture in Honour of Benjamin Z. Kedar, ed. Iris Shagrir, Ronnie Ellenblum and Jonathan Riley-Smith, (Ashgate, 2007)
  • "Combat Flow: Military, Political and Ethical Dimensions of Subjective Well-Being in War", Review of General Psychology (September 2008)[42]
  • Introduction to Peter Singer's Animal Liberation, The Bodley Head, 2015.
  • "Armchairs, Coffee and Authority: Eye-witnesses and Flesh-witnesses Speak about War, 1100-2000", Journal of Military History 74:1 (gennaio, 2010), bls. 53-78.
  • "Yuval Noah Harari on big data, Google and the end of free will", Financial Times (Augustus 2016).
  • "Why It’s No Longer Possible for Any Country to Win a War", Time (23 Junie 2017).
  • "Why Technology Favors Tyranny", The Atlantic (Oktober 2018).

Notas

[wysig | wysig bron]
Hierdie artikel is in sy geheel of gedeeltelik vanuit die Engelse Wikipedia vertaal.

Verwysings

[wysig | wysig bron]
  1. ↑ Yuval Harari site, by die Hebreeuse Universiteit van Jerusalem webwerf
  2. ↑ 2,0 2,1 Andrew Anthony, Lucy Prebble, Arianna Huffington, Esther Rantzen and a selection of our readers (19 Maart 2017). "Yuval Noah Harari: 'Homo sapiens as we know them will disappear in a century or so'". The Observer (in Engels (VK)). ISSN 0029-7712. Geargiveer vanaf die oorspronklike op 16 April 2020. Besoek op 17 Maart 2018.{{cite news}}: AS1-onderhoud: gebruik authors-parameter (link)
  3. ↑ Les prédictions de Yuval Noah Harrari, L'arche magazine
  4. ↑ 4,0 4,1 4,2 Cadwalladr, Carole (5 Julie 2015). "Yuval Noah Harari: The age of the cyborg has begun – and the consequences cannot be known". The Guardian (in Engels). Geargiveer vanaf die oorspronklike op 20 April 2020. Besoek op 2 November 2016.
  5. ↑ 5,0 5,1 Adams, Tim (27 Augustus 2016). "Yuval Noah Harari: 'We are acquiring powers thought to be divine'". the Guardian (in Engels). Geargiveer vanaf die oorspronklike op 20 April 2020. Besoek op 17 Maart 2018.
  6. ↑ 6,0 6,1 "Fast Talk / The Road to Happiness". Haaretz (in Engels). 25 April 2012. Geargiveer vanaf die oorspronklike op 16 September 2017. Besoek op 17 Maart 2018.
  7. ↑ "זה ייגמר בבכי: סוף העולם לפי יובל נח הררי" (in Japannees). Geargiveer vanaf die oorspronklike op 20 April 2020. Besoek op 17 Maart 2018.
  8. ↑ Nevatia, Shreevatsa (14 Oktober 2015). "Sadly, superhumans in the end are not going to be us". Mumbai Mirror. The Times Group. Geargiveer vanaf die oorspronklike op 1 Julie 2018. Besoek op 17 Maart 2018.{{cite web}}: AS1-onderhoud: gebruik authors-parameter (link)
  9. ↑ "Fast Talk The Road to Happiness". Haaretz (in Engels). 25 April 2017. Geargiveer vanaf die oorspronklike op 24 September 2015.
  10. ↑ Appleyard, Bryan (31 Augustus 2014). "Asking big questions". thesundaytimes.co.uk (in Engels). Geargiveer vanaf die oorspronklike op 6 Augustus 2016. Besoek op 25 Julie 2015.
  11. ↑ Reed, John (5 September 2014). "Lunch with the FT: Yuval Noah Harari". ft.com (in Engels). Geargiveer vanaf die oorspronklike op 8 September 2016. Besoek op 25 Julie 2015.
  12. ↑ "Yuval Harari, author of "Sapiens," on AI, religion, and 60-day meditation retreats" (in Engels). Geargiveer vanaf die oorspronklike op 5 April 2017. Besoek op 17 Maart 2018.
  13. ↑ "How Humankind Could Become Totally Useless". Time (in Engels). Geargiveer vanaf die oorspronklike op 20 Maart 2020. Besoek op 17 Maart 2018.
  14. ↑ "Interview - Yuval Harari" (PDF). The World Today. Chatham House. Oktober–November 2015. pp. 30–32. Geargiveer (PDF) vanaf die oorspronklike op 12 Desember 2017. Besoek op 17 Maart 2018.
  15. ↑ "Yuval Noah Harari, Sapiens and the age of the algorithm". The Australian (in Engels). Josh Glancy. 3 September 2016. Geargiveer vanaf die oorspronklike op 10 November 2016. Besoek op 4 Junie 2019.
  16. ↑ 16,0 16,1 Verwysingfout: Invalid <ref> tag; no text was provided for refs named haaretz.com
  17. ↑ "The messenger of inner peace: Satya Narayan Goenka; New Appointments". Vipassana Newsletter 23 (12) (in Engels). Vipassana Research Institute. 17 Desember 2013. Geargiveer vanaf die oorspronklike op 18 Mei 2018. Besoek op 17 Maart 2018.
  18. ↑ Homo Deus, dedication and Acknowledgements bl426
  19. ↑ "Interview With Yuval Noah Harari: Masters in Business (Audio)" (in Engels). Geargiveer vanaf die oorspronklike op 30 Maart 2017. Besoek op 17 Maart 2018.
  20. ↑ "# 68 -- Reality and the Imagination". Waking Up podcast (in Engels). Sam Harris. 19 Maart 2017. Geargiveer vanaf die oorspronklike op 20 April 2020. Besoek op 17 Maart 2018.
  21. ↑ "CV at The Hebrew University of Jerusalem" (in Engels). 2008. Geargiveer vanaf die oorspronklike op 23 Maart 2017. Besoek op 4 Junie 2019.
  22. ↑ Yuval Noah Harari, Special Operations in the Age of Chivalry, 1100–1550 (Woodbridge: Boydell & Brewer, 2007)
  23. ↑ Yuval Noah Harari, The Ultimate Experience: Battlefield Revelations and the Making of Modern War Culture, 1450–2000 (Houndmills: Palgrave-Macmillan, 2008)
  24. ↑ Yuval Noah Harari, The Concept of 'Decisive Battles' in World History, in Journal of World History 18:3 (2007), 251–266.
  25. ↑ Yuval Noah Harari, "Armchairs, Coffee and Authority: Eye-witnesses and Flesh-witnesses Speak about War, 1100–2000", The Journal of Military History 74:1 (Januarie 2010), bls. 53–78.
  26. ↑ Payne, Tom (26 September 2014). "Sapiens: a Brief History of Humankind by Yuval Noah Harari, review: 'urgent questions'". The Telegraph (in Engels). Geargiveer vanaf die oorspronklike op 17 Augustus 2019. Besoek op 29 Oktober 2014.
  27. ↑ Fast talk / The road to happiness, in Haaretz, 25 April 2012
  28. ↑ "A Brief History of Mankind course, in the Hebrew University of Jerusalem channel in YouTube (in Hebrew)
  29. ↑ Runciman, David (24 Augustus 2016). "Homo Deus by Yuval Noah Harari review – how data will destroy human freedom". The Guardian (in Engels (VK)). ISSN 0261-3077. Geargiveer vanaf die oorspronklike op 20 Maart 2020. Besoek op 20 Oktober 2017.
  30. ↑ Harari, Yuval Noah (2016). Homo Deus: A Brief History of Tomorrow. London: Vintage. p. 75. ISBN 9781784703936. OCLC 953597984.
  31. ↑ Harari, Yuval Noah (2017). Homo Deus: A Brief History of Tomorrow. London: Vintage. p. 429. ISBN 9781784703936. OCLC 953597984.
  32. ↑ Harari, Yuval Noah (26 Augustus 2016). "Yuval Noah Harari on big data, Google and the end of free will". Financial Times (in Engels). Geargiveer vanaf die oorspronklike op 9 April 2020. Besoek op 20 Oktober 2017.
  33. ↑ Lewis, Helen (15 Augustus 2018). "21 Lessons for the 21st Century by Yuval Noah Harari review – a guru for our times?". the Guardian (in Engels). Geargiveer vanaf die oorspronklike op 29 Maart 2020. Besoek op 25 Augustus 2018.
  34. ↑ Russell, Review by Jenni (19 Augustus 2018). "Review: 21 Lessons for the 21st Century by Yuval Noah Harari — chilling predictions from the author of Sapiens" (in Engels). ISSN 0140-0460. Geargiveer vanaf die oorspronklike op 30 Januarie 2020. Besoek op 25 Augustus 2018.
  35. ↑ "Can mindfulness save us from the menace of artificial intelligence?". Evening Standard (in Engels (VK)). Geargiveer vanaf die oorspronklike op 30 Januarie 2020. Besoek op 25 Augustus 2018.
  36. ↑ "Yuval Noah Harari's 21 Lessons for the 21st Century is a banal and risible self-help book". New Statesman (in Engels). Geargiveer vanaf die oorspronklike op 26 Maart 2019.
  37. ↑ "Book review: Is '21 Lessons for the 21st Century' another hit for Yuval Noah Harari". The National (in Engels). Geargiveer vanaf die oorspronklike op 30 Januarie 2020. Besoek op 25 Augustus 2018.
  38. ↑ Harari, Yuval Noah (8 Mei 2017). "The meaning of life in a world without work". The Guardian (in Engels (VK)). ISSN 0261-3077. Geargiveer vanaf die oorspronklike op 20 April 2020. Besoek op 10 Mei 2017.
  39. ↑ iqsquared (15 September 2016), Yuval Noah Harari on the Rise of Homo Deus, https://www.youtube.com/watch?v=JJ1yS9JIJKs, besoek op 1 Junie 2017 
  40. ↑ Paulson, Steve (27 Desember 2018). "Yuval Noah Harari Is Worried About Our Souls". Nautilus (in Engels). Geargiveer vanaf die oorspronklike op 19 Oktober 2019. Besoek op 31 Desember 2018.
  41. ↑ 41,0 41,1 "Yuval Noah Harari: the myth of freedom" (in Engels). The Guardian. Geargiveer vanaf die oorspronklike op 14 Mei 2020.
  42. ↑ 42,0 42,1 "Yuval Harari – YN Harari – Prof. Yuval Noah Harari – Official Site – Sapiens: A Brief History of Humankind" (in Engels). Geargiveer vanaf die oorspronklike op 21 April 2020.

Eksterne skakels

[wysig | wysig bron]