D Adele (* 5. Mai 1988 z London), bürgerlich Adele Laurie Blue Adkins, isch e britischi Pop-, Soul-, Jazz- und R&B-Sängeri und Songschryberi. Die Oscar-, Golden-Globe- und füfzähfachi Grammy-Gwünneri[1][2] het bishär meh als 100 Millione Tonträger verchauft. Si zellt wäge dem zu de erfolgrychste Sängerinne vom 21. Jahrhundert.[3]
D Adele isch als Einzelchind bi irere alleierziehende Muetter im Ortsteil Tottenham im Norde vo London ufgwachse.[4] Ire Vatter het d Familie verlah, wo si drüjährig gsi isch.[4] Si het e jüngere Halbbrüeder vätterlichersyts.
Syt em Alter vo vier Jahr isch d Adele vo Gsangsstimme fasziniert gsi.[5] D Spice Girls het si als grossi Vorbilder bezeichnet.[6] Sie sang als Kind Lieder der Band auf Dinnerpartys.[7] Mit nüün Jahr isch si mit irere Muetter uf Brighton zoge.[8] Zwei Jahr spöter aber isch uf London zruggcho; zerst uf Brixton,[8] nachhär ine benachbarte Stadtteil im Süde vo London.[9] Nach dem Umzug het si sich für Musikerinne wie Pink, Aaliyah, Destiny’s Child und Mary J. Blige interessiert.[10]
Ab Herbst 2011 het si e Beziehig mit em Gschäftsmaa Simon Konecki gfüert. Am 19. Oktober 2012 isch de gmeinsami Sohn Angelo uf d Wält cho.[11] Nach ere füüfjährige Verlobigszyt hend d Adele und de Konecki bestätigt, dass sie ghürate hend, de Hochsigstag hend si aber verschwige.[12] Im März 2017 hend si es Huus z East Grinstead i de südänglische Grafschaft West Sussex gchauft.[13] Im April 2019 isch iri Trännig bekannt worde.[14]
2006 het Adele d BRIT School for Performing Arts abgschlosse – det isch si mit de Leona Lewis und de Jessie J inere Klass gsi – und isch mit verschidne Musiker dur Grossbritannie tourt. Dur d Websyte Myspace, wo si syt em 31. Dezember 2004 aagmäldet isch, isch si bekannt worde. E Demoufnahme mit drei Songs uf dere Websyte het Ändi 2006 zumene Plattevertrag bi XL Recordings gfüert.[15][16] Si het denn au Färnsehuftritt bi de BBC z Grossbritannie gha.
Mit de Veröffentlichung vo de Single Hometown Glory isch im Herbst 2007 es grössers Publikum auf si ufmerksam worde. Im Dezember het si denn de ersti Kritikerprys vo de BRIT Awards übercho. Das isch e Prys für vilversprächendi Nachwuchstalent. Bi de BBC-Sendung "Sound of...", wo alljährlich prognostiziert, weli Künstler im nächste Jahr de Durchbruch schaffed, isch si 2008 auf Platz 1 gwählt worde. Di zweiti Single Chasing Pavements isch si im Jänner 2008 uf Platz 2 vo de britische Charts gstartet und isch drü Wuche lang det blybe. Ires Debütalbum 19, wo en Hiwys uf ires Alter gsi isch, isch äbefalls a d Spitze vo de britische Charts cho. Si isch drufabe i wytere europäische Länder veröffentlicht worde und i d Charts ygstige. D Songs handlet meistens vo Gfühl, Enttüüschige und Gedanke us de letschte Beziehig.
D Adele het 2009 d Grammys als „Beste nüüe Künstler“ und „Besti wyblichi Gsangsdarbietig – Pop“ für Chasing Pavements gwunne. Im Juni 2009 isch s Album Love & War vom australischen R&B-Sänger und Songwriter Daniel Merriweather erschine, mit dem d Adele de Song Water and a Flame ufgnuu het. Im Februar 2010 isch z Dütschland de Song My Same uf Rang 61 vo de Charts ygstige. D Lena Meyer-Landrut het de Song vorane bi de Casting-Show Unser Star für Oslo gsunge.
Im Februar 2011 het d Adele mit irere Single Rolling in the Deep und irem Album 21 i de glyche Wuche Platz 1 vo de dütsche Charts erreicht. Ändi August 2011 isch s Video mit drü MTV Video Music Awards uszeichnet worde. Di beide Singles Someone Like You und Rolling in the Deep sind 2011 au emal glychzytig ganz vore i de britische Charts gsi, was syt Beatles niemerem meh glungen isch.
Als ersti Solokünstleri het si sich mit irem Album 21 insgsamt 24 Wuche lang a de Spitze vo de Albumcharts halten. Nach eme Uftritt bi de MTV Video Music Awards 2011 isch Someone Like You de Adele ire zweiti Nummer-eis-Hit i den USA worde. Di dritti Singleuskoppelig Set Fire to the Rain isch z Dütschland, z Östrych und i de Schwiiz wäge de hüfige Downloadverchäuf i d Charts cho. So isch si grad mit drü Singles us emene Album erfolgrych gsi. I de Schwiiz isch Someone Like You nach Rolling in the Deep zu irem zweite Nummer-eis-Hit worde. S Album 19 isch aafänglich im Ussland wenig erfolgrych gsi, isch denn aber nach de Veröffentlichung vo 21 i vilne Länder au no i d Charts cho.
Im November 2011 isch d Adele z Boston ade Stimmbänder operiert worde. E Polyp het zue Bluetige gfüert, wo mer mikroskopisch behandlet het.[17] Im glyche Monet isch iri ersti Live-DVD Live at the Royal Albert Hall usecho und 21 isch mit über 140.000 Downloads s bishär meistabegladene Album z Deutschland worde.[18] Dezue ane isch d Adele di ersti britischi Künstleri gsi, wo im Vereinigte Königrych imene Jahr drü Millione Albe verchauft het.[19] 21 isch s meistverchaufte Album vom 21. Jahrhundert z Grossbritannie.[20]
2012 het d Adele s Titellied zum 23. James-Bond-Film Skyfall gsunge. Der Song isch e wytere Nummer-eis-Hit z Dütschland und i de Schwiiz worde. Für d Adele und ire Co-Writer Paul Epworth hets für Skyfall e Golden Globe, en Oscar und de Grammy für de Besti Filmsong gäh.
Doch im Oktober 2012 het die Sängeri bekannt gäh, dass si sich i de nächste Jahr hauptsächlich irem Privatläbe widme weli und käs nüüs Album usegäh wärdi.[21]
Drü Jahr spöter, am 20. November 2015, isch denn s Album 25 erschine. Au de Titel het wider mit em Alter vo de Sängeri ztue gha.[22] 2016 isch d Adele uf Wälttournee gange, under anderem uf Dütschland. Nach 121 Konzärt het si d Tour uf Aarate vomene Arzt wäg irne Stimmbänder abbroche.[23]
2017 het en Satirepolitiker als zentrali Forderig vo synere Partii d Verstaatlichung vo de Adele gforderet.[24]
Im Juni 2013 het d Adele di britischi Auszeichnung Member of the Order of the British Empire übercho.[25]
Jahr | Kategorie | für | Resultat |
---|---|---|---|
2009 | Best New Artist | Adele | Gwunne |
Record of the Year | Chasing Pavements | Nominiert | |
Song of the Year | Nominiert | ||
Best Female Pop Vocal Performance | Gwunne | ||
2010 | Best Female Pop Vocal Performance | Hometown Glory | Nominiert |
2012 | Album of the Year | 21 | Gwunne |
Best Pop Vocal Album | Gwunne | ||
Record of the Year | Rolling in the Deep | Gwunne | |
Song of the Year | Gwunne | ||
Best Short Form Music Video | Gwunne | ||
Best Pop Vocal Performance | Someone Like You | Gwunne | |
2013 | Best Pop Solo Performance | Set Fire to the Rain (Live at the Royal Albert Hall)[26] | Gwunne |
2014 | Best Song Written for Visual Media | Skyfall[27] | Gwunne |
2017 | Album of the Year | 25 | Gwunne |
Best Pop Vocal Album | Gwunne | ||
Record of the Year | Hello | Gwunne | |
Song of the Year | Gwunne | ||
Best Pop Solo Performance | Gwunne |
Jahr | Kategorie | für | Resultat |
---|---|---|---|
2012 | Top Artist of the Year | Adele | Gwunne |
Top Female Artist of the Year | Gwunne | ||
Top Billboard 200 Artist of the Year | Gwunne | ||
Top Digital Songs Artist of the Year | Gwunne | ||
Top Radio Songs Artist of the Year | Gwunne | ||
Top Hot 100 Artist of the Year | Gwunne | ||
Top Digital Media Artist of the Year | Gwunne | ||
Top Pop Artist of the Year | Gwunne | ||
Top Streaming Song of the Year (Video) | Rolling in the Deep | Nominiert | |
Top Digital Song of the Year | Nominiert | ||
Top Streaming Song of the Year (Audio) | Gwunne | ||
Top Pop Song of the Year | Nominiert | ||
Top Alternative Song of the Year | Gwunne | ||
Top Hot 100 Song of the Year | Nominiert | ||
Top Radio Song of the Year | Nominiert | ||
Top Billboard 200 Album of the Year | 21 | Gwunne | |
Top Pop Album of the Year | Gwunne | ||
19 | Nominiert | ||
Top Pop Song of the Year | Someone like You | Nominiert | |
2013 | Top Billboard 200 Artist of the Year | Adele | Nominiert |
Top Female Artist | Nominiert | ||
Top Pop Artist | Nominiert | ||
Top Billboard 200 Album of the Year | 21 | Nominiert | |
Top Pop Album | Gwunne | ||
2016 | Top Artist | Adele | Gwunne |
Top Female Artist | Gwunne | ||
Top Billboard 200 Artist | Gwunne | ||
Top Song Sales Artist | Nominiert | ||
Billboard Chart Achievement Award | Nominiert | ||
Top Billboard 200 Album | 25 | Gwunne | |
Top Hot 100 Song | Hello | Nominiert | |
Top Selling Song | Gwunne | ||
Top Radio Song | Nominiert | ||
2017 | Top Artist | Adele | Nominiert |
Top Female Artist | Nominiert |
Dä Artikel basiert uff ere fräie Übersetzig vu dere Version vum Artikel „Adele_(Sängerin)“ vu de dütsche Wikipedia. E Liste vu de Autore un Versione isch do z finde. |