Alberto Contador

Alberto Contador Straßenradsport
Alberto Contador bi der Tour de France 2009
Alberto Contador bi der Tour de France 2009
Personedate
Geburtsdatum 6. Dezember 1982
Nation SpanienSpanien Spanie
Disziplin Stross
Fahrertyp Rundfahrer, Bärgfahrer, Zitfahrer
Team
Aktuells Team Astana
Funktion Fahrer
Internationali Team
2003
2004-2006
2007
2008– 		ONCE
Liberty Seguros
Discovery Channel
Astana
Wichtigsti Erfolg

Gäls Liibli Siiger bi dr Tour de France 2007, 2009, (2010 noochdrääglig diskwalifiziert)
Rosa Liibli Siiger bim Giro d’Italia 2008, (2011, noochdrääglig diskwalifiziert)
Goldigs Liibli Siiger bi dr Vuelta a España 2008
Spanische Meister Spanische Meister im Zitfahre 2009
Siiger bi der Etappe uf d L’Alpe d’Huez bim Critérium du Dauphiné

Infobox zletzt aktualisiert: 13. Juni 2011

Dr Alberto Contador Velasco (* 6. Dezember 1982 z Madrid) isch e spanische Velorennfahrer.

Karriere

[ändere | Quälltäxt bearbeite]

Si ersten Erfolg het dr Contador im Johr 2002 gha, won er 19 Johr alt gsi isch und die spanischi U-23-Meisterschaft im Zitfahre gwunne het.

In der nechste Saison isch dr Contador bim Radsportteam ONCE Profi worde. In siim erste Johr bi ONCE het er e Zitfahre bi der Pole-Rundfahrt gwunne. Vo 2004 bis 2006 isch er für Liberty Seguros gfahre, der neue Mannschaft um e Manolo Saiz.

Währed ere Etappe bi der Asturie-Rundfahrt im Mai 2004 het dr Contador Chrampfafäll übercho und isch umgfalle. D Ärzt hai bin im e Kavernom im Hirni diagnostiziert, wo churz druf operativ uusegnoh worden isch. Dr Contador isch für dr Räst vo der Saison usgfalle.[1]

2005 het dr Contador si Durchbruch gha: er het en Etappe bi der Tour Down Under gwunne und ei Etappe und s Gsamtklassemänt bi der Katalanische Wuche. Bi de ProTour-Renne Baskeland-Rundfahrt und Tour de Romandie het er bi jedem ei Etappe gwunne und isch Dritte bzw. Vierte in der Ändwärtig worde. Au 2006 het er wider en Etappe in der Tour de Romandie gwunne und isch dasmol Zweite im Gsamtklassemänt worde.

Im Johr 2007 isch dr Contador für s amerikanische Discovery-Channel-Team gfahre. Am 18. März 2007 het er d Abschlussetappe und d Gsamtwärtig bim Paris–Nizza gwunne. Am 22. Juli 2007 het er die 14. Etappe vo der Tour de France gwunne. Wo am 25. Juli 2007 der Gsamtfüehrendi Michael Rasmussen vo sim Team suspendiert wordem isch, isch dr Contador im Gsamtklassemänt vo der Tour de France Erste worde.

Ändi 2007 isch s Team Discovery Channel ufglöst worde, und dr Contador isch zsämme mit vile vo sine Teamkollege zum kasachische Team Astana gange, und er het mit em am 1. Juni 2008 dr Giro d’Italia gwunne. Wil s Astana Team nit het döfe an der Tour de France 2008 mitmache, het er si Siig vo 2007 nit chönne verteidige.

Im Septämber 2008 het er vor siim Teamkolleg Levi Leipheimer d Vuelta a España gwunne, eso isch dr Contador eine vo de wenige Fahrer, wo alli drei grosse Landesrundfahrte hai chönne gwünne. Vor ihm hai das nume dr Jacques Anquetil, dr Bernard Hinault, dr Felice Gimondi und dr Eddy Merckx fertig brocht.

Im Juli 2009 het er die 15. Etappe vo der Tour de France souverän gwunne und het d Füehrig im Gsamtklassemänt übernoh. In der 17. Etappe het er si Vorsprung wiiter usbaut. Nume ei Dag druf isch er Erste im Zitfahre worde mit 3 Sekunde Vorsprung uf dr Fabian Cancellara. Er het denn zum zweite Mol d Tour de France gwunne. Im 2010 het er no einisch d Tour de France gwunne, aber ohni bin ere einzige Etappe Erste z sii.

Am 2. August 2010 het dr Bjarne Riis bekannt gee, ass dr Contador e 2-Johr Verdrag bi siner Mannschaft Saxo Bank unterschriibe haig.

Dopingvorwürf

[ändere | Quälltäxt bearbeite]

Vom Contador sait me, ass er Kontakt zum Eufemiano Fuentes gha haig und eso im Dopingskandal Fuentes verwigglet gsi siig. Me het en verdächtiget, under dr Abchürzig „A.C.“ in der Kundekartei vom Arzt registriert gsii si. In er überarbeitete Version vo dr Fuentes-Liste, wo churzi Zit druf veröffentligt worden isch, chunnt er aber nüme vor.[2] Contador sälber het alli Doping-Vorwürf ständig bestritte.

Bi Dopingprobe, wo am 21. Juli 2010 während dr Tour de France durgfüehrt worden isch, isch e positive Befund von ere gringe Mengi Clenbuterol in dr A- und dr B-Probe festgstellt worde. Noch em Reglement vo dr UCI isch e vorläufigi Suspendierig vom Contador erfolgt, wo aber sii Saison scho Endi September abgschlosse gha hät. Dr Contador hät uf di gring Mengi vum festgstellte Stoff hiigwise un vermuetet e Nahrigsmittelveruureinigung als möglichi Ursach.[3] Am 30. September 2010 isch dr Contador gsperrt worde.[4]

Dr schbanisch Verband RFEC het en denn aber freigsproche und d Sperri ufghoobe.[5] Dr Velosportwältverband UCI isch in d Beruefig gange und 2012 het dr Internazional Sportgrichtshoof (Court of Arbitration for Sport, churz Cas) dr Contador schuldig gfunde und iin für zwäi Joor rückwirkend vo dr Tour 2010 aa, gsperrt. Dr Contador verliert drmit siini Ditel bi dr Tour 2010 und bim Giro d’Italia 2011.[6]

Erfolg

[ändere | Quälltäxt bearbeite]

2002

  • Spanische Meister Spanische U23-Meister - Zitfahre

2003

  • ei Etappe in dr Pole-Rundfahrt

2005

  • ei Etappe in dr Tour Down Under
  • Gsamtklassemänt und ei Etappe in dr Setmana Catalana
  • ei Etappe in dr Baskeland-Rundfahrt
  • ei Etappe in dr Tour de Romandie

2006

2007

  • ei Etappe in dr Valencia-Rundfahrt
  • Gsamtklassemänt und zwei Etappe bim Paris–Nizza
  • Gsamtklassemänt und ei Etappe be dr Vuelta a Castilla y León
  • Gäls Liibli Wisses Liibli Gsamtklassemänt, Nochwuchsklassemänt und ei Etappe in dr Tour de France

2008

  • Gsamtklassemänt und zwei Etappe bi dr Vuelta a Castilla y León
  • Gsamtklassemänt und zwei Etappe bi dr Baskeland-Rundfahrt
  • Rosa Trikot Gsamtklassemänt vo dr Giro d’Italia
  • Goldigs Trikot Wisses Trikot Gsamtklassemänt, Kombinationswärtig und zwei Etappe in dr Vuelta a España

2009

  • Gsamtklassemänt und ei Etappe in dr Algarve-Rundfahrt
  • zwei Etappe im Paris–Nizza
  • Gsamtklassemänt und zwei Etappe in dr Baskeland-Rundfahrt
  • Spanische Meister Spanische Meister im Zitfahre
  • Gäls Liibli Gsamtklassemänt, zwei Etappe und s Mannschaftszitfahre in dr Tour de France
  • Clásica Cancún
  • UCI World Ranking Leadertrikot Erste in der Einzelwärtig bi de UCI World Rankings

2010

  • Gsamtklassemänt und ei Etappe in dr Algarve-Rundfahrt
  • Gsamtklassemänt und ei Etappe im Paris–Nizza
  • Gsamtklassemänt und ei Etappe in dr Vuelta a Castilla y León
  • zwei Etappe im Critérium du Dauphiné Libéré
  • Gäls Liibli Gsamtklassemänt in dr Tour de France, isch em 2012 vom Internazionaale Sportgrichtshoof aberkennt worde.


2011
Noch dr Dopingverurdäilig isch dr dr Contador im Joor 2011 gsperrt gsi. Sini Resultat us däm Joor zelle nid.


2012

2013

2014

Uszeichnige

[ändere | Quälltäxt bearbeite]

Weblingg

[ändere | Quälltäxt bearbeite]
 Commons: Alberto Contador – Sammlig vo Multimediadateie

Nochwis

[ändere | Quälltäxt bearbeite]
  1. ↑ Biographie auf albertocontador.es Archivlink (Memento vom 29. Mai 2009 im Internet Archive)
  2. ↑ Sueddeutsche.de: Doping-Verdacht: A.C. wie Alberto Contador Archivlink (Memento vom 4. Juni 2008 im Internet Archive) (23. Juli 2007)
  3. ↑ Tour-Sieger Contador positiv getestet In: Spiegel online am 30. September 2010
  4. ↑ radsport-news.com: „Contador nach Positiv-Test gesperrt“
  5. ↑ Spiegel online 16.02.2011 abgrüeft am 6. Februar 2012
  6. ↑ Spiegel online 06.02.2012, abgrüeft am 6. Februar 2012.
Dä Artikel basiert uff ere fräie Übersetzig vu dere Version vum Artikel „Alberto_Contador“ vu de dütsche Wikipedia. E Liste vu de Autore un Versione isch do z finde.