Andronikos I. (Byzanz)


Andronikos I. (Byzanz)
Kaiser vom Byzantinische Riich
Billontrachis vom Andronikos I.
Regierigsziit 24. Septämber 1183 – 12. Septämber 1185
Uf d Wält cho öbbe 1118
Gstorbe 12. Septämber 1185
(im Alter vo 66–67)
Dodesort Konstantinopel
Vorgänger Alexios II.
Nochfolger Isaak II.
Verhürotet mit Agnes vo Frankriich

Eudokia Komnena
Philippa vo Antiochie
Theodora Komnena

Dr Andronikos I. Komnenos (middelgriech. Ἀνδρόνικος Α' Κομνηνός, * um 1122; † 12. Septämber 1185 z Konstantinopel) Soon vom Isaak Komnenos und Gusäng vom Kaiser Alexios II., isch vo 1183 bis 1185 dr byzantinisch Kaiser gsi.

Lääbe

[ändere | Quälltäxt bearbeite]

Dr Andronikos isch dr Änkel vom Kaiser Alexios gsi. Er het Milidäär gmacht und isch 1141 vo de Seldschuke gfange gnoo worde. Noch eme Joor het men en freikauft und er isch uf Konstantinopel an Hoof vo sim Gusäng, em Kaiser Manuel I. Komnenos, gange.

1152 het er e Fäldzuug uf Kilikie gmach gegen e Thoros II. vo Chläinarmenie, wo dört iigfallen isch. Dä het en aber in d Flucht gschlaage.

1153 isch e Verschwöörig gegen e Manuel entdeckt worde, wo dr Andronikos mitgmacht het, und er isch ins Gfängnis cho. 1165 het er chönne usbräche und isch uf Kiew an Hoof vom Groossfürst Jaroslaw vo Ruthenie gflüchdet. Vo dört us het er e Bümdnis ywüsche Byzanz und de Russe iigfäädlet und wo dr Manuel in Ungarn iimarschiert isch, het er en mit ere russische Armee understützt und isch so wider e Günstling vom Kaiser worde. Wil er 1169 nid dr ungarisch Brinz as im Manuel si Noochfolger het welle anerkenne, het men en in d Browinz Kilikie ins Exil gschiggt,- Vo dört isch er an Hoof vom Raimund vo Antiochia und het däm si Dochder Philippa ghürootet. Wil das im Kaiser Manuel nid gfalle het isch d Huroot ufglööst worde.

Dr Andronikos isch denn uf Jerusalem zooge und wil dr Köönig Balduin denn z Egüpte gsi isch, het er d Verdäidigung gege d Araber gläitet. Er het sich in d Theodora Komnena verliebt, und wil si Angst vor dr Wuet vom Manuel gha häi, si si an Hoof vom Sultan vo Damaskus gflüchdet, vo dört uf Persie und Turkestan und denn über e Kaukasus ins Gebiet vo de Türke an dr Gränze zur Browinz Trapezunt, wo dr Andronikos denn immer wider überfalle het.

Won er emol uf som ene {berfall gsi isch, het dr Statthalter vo Trapezunt si Frau und sini Chinder gfange gnoo und uf Konstantinopel brocht. Dr Andronikos het sich underworfe und dr Manuel het en churz vor sim Dood 1180 begnaadigt.

Denn isch dr Protosebastos Alexios, en Unggle vom Alexios II., Regänt worde, und die Aadlige häi mit em Andronikos afo verhandle. Dr Protosebastos isch gstürzt und bländet worde. Wo dr Andronikos uf Konstantinopel zruggchoo isch, het er d Latiiner dört afo umbringe. Die latiinischi Flotte im Schwarze Meer het druf d Stedt und d Chlöster an de Ufer vom Marmarameer verwüstet und alli Iiwooner umbrocht. Denn isch si uf Thessalie, wo si mit em yerstööre und ermorde witergmacht het.

Dr Andronikos het dr Alexios 1182 zum Kaiser kröönt und het d Regierigsgschäft übernoo. Im Joor druf isch dr Alexios ermordet worde. Dr Andronikos isch vo denn aa eläi Herrscher gsi. Er het Missständ abgstellt, d Macht vom Aadel broche und d Korrupzioon bekämpft. Das het die Aadlige gegen en ufbrocht. Si häi dr Wilhelm II. vo Sizilie um Hilf bittet. Dä het denn 1185 Thessaloniki erooberet und zerstöört, isch denn aber gschlaage worde und zrugg uf Sizilie gange.

Dr Isaak Angelos hätt wie die andere Aadlige au, sötte umbrocht wärde. Er isch aber im ene Ufruer zum Kaiser usgrüeft worde, het dr Andronikos sine Gegner usgliiferet, won en drei Dääg lang gfolteret häi. Dr Andronikos isch am 12. Septämber 1185 gstorbe. Er isch dr letschti vo de Kaiser vo dr Komnene-dünastii gsi.

Litratuur

[ändere | Quälltäxt bearbeite]
  • Charles M. Brand: Byzantium confronts the West 1180–1204. Cambridge/Mass. 1968, S. 31–75.
  • Harry J. Magoulias: Andronikos I Komnenos: A Greek Tragedy. In: Byzantina Symmeikta 21, 2011, S. 101–136 (online).

Weblingg

[ändere | Quälltäxt bearbeite]


Vorgänger
Alexios II. 		Kaiser vo Byzanz
1183–1185 		Nochfolger
Isaak II.