Attila

Die ungfääri Usdeenig vom Hunneriich under em Attila bzw. de Stamm, wo vo de Hunne abhängig gsi si

Dr Attila († 453) isch vo 434 (as Mitherrscher zsämme mit sim Brueder Bleda) bzw. 444/45 (as Eläiherrscher) bis zu sim Dood „Köönig“ (rex) vom Chriegerverband vo de Hunne gsi. S Zentrum vo sim Machtberiich isch s Gebiet vom hütige Ungarn gsi, wo d Hunne im 5. Joorhundert e churzlääbigs Riich gha häi, wo under em Attila si grössti Macht erläbt het, aber scho churz noch sim Dood wider zsämmebroche isch.

Dr Attila het widerhoolt Chriegszüüg gmacht, und isch drbii vilmol seer hert mit de Lüt umgange. Er het sich zerst gege Ostroom gwändet, noch 451/52 aber vor allem gege Westroom. Er het mit bäide Däil vom Riich diplomaatischi Kontakt ghaa, und isch vor allem druf us gsi, möögligst hoochi Dributzaalige duurezsetze. Die het er brucht, zum si Vilvölkerriich zsämmezheebe. D Römer iirersits si an möögligst stabiilen und ruejige Verheltniss im Barbaricum ääne an dr Gränze intressiert gsi. Für die röömisch-hunnische Kontakt in deere Zit stoot mit em Gschichtswärk vom Priskos, wo no Fragmänt drvo existiere, e wichdigi Kwelle zur Verfüegig.

As legendääri Figuur Köönig Etzel het dr Attila in e Hufe middelalterlige Wärk witergläbt, wie im Nibelungelied und dr Dietrichepik.

Liddratuur

[ändere | Quälltäxt bearbeite]
  • Attila und die Hunnen. Begleitbuch zur Ausstellung. Herausgegeben vom Historischen Museum der Pfalz, Speyer. Theiss, Stuttgart 2007, ISBN 978-3-8062-2114-5
  • Henning Börm: Westrom. Von Honorius bis Justinian (= Kohlhammer-Urban-Taschenbücher. Bd. 735). Kohlhammer, Stuttgart 2013, ISBN 978-3-17-023276-1
  • Hyun Jin Kim: The Huns. Routledge, New York 2016
  • Michael Maas (Uusegääber): The Cambridge Companion to the Age of Attila. Cambridge University Press, Cambridge 2015, ISBN 978-1-107-63388-9
  • Otto Maenchen-Helfen: Die Welt der Hunnen. Herkunft, Geschichte, Religion, Gesellschaft, Kriegführung, Kunst, Sprache. Deutschsprachige Ausgabe besorgt von Robert Göbl. VMA-Verlag, Wiesbaden 1997, ISBN 3-928127-43-8
  • Mischa Meier: Geschichte der Völkerwanderung. Europa, Asien und Afrika vom 3. bis zum 8. Jahrhundert. Beck, Münche 2019 (grundlegende, umfassende und aktuelle Darstellung der „Völkerwanderung“ in globaler Perspektive).
  • Michael Schmauder: Die Hunnen. Ein Reitervolk in Europa. Wissenschaftliche Buchgesellschaft, Darmstadt 2009, ISBN 978-3-89678-342-4
  • Timo Stickler: Die Hunnen (= Beck’sche Reihe 2433 C. H. Beck Wissen). Beck, Münche 2007, ISBN 978-3-406-53633-5
  • Edward A. Thompson: The Huns. Revised and with an afterword by Peter J. Heather|Peter Heather. Blackwell, Oxford 1999, ISBN 0-631-21443-7

Weblingg

[ändere | Quälltäxt bearbeite]
 Commons: Attila – Album mit Multimediadateie

Fuessnoote

[ändere | Quälltäxt bearbeite]