Département Morbihan

Morbihan ; Mor-Bihan
Wàppe vum Departement Morbihan	Làg vum Departement Morbihan in Frànkrich
Region	Bretagne
Präfektür	Vannes
Unterpräfektür(e)	Lorient; Pontivy
Iiwohner	764.161 (1. Jan. 2020)
Bevelkerungsdìchte	112 Iiw. pro km²
Fleche	6.822,24 km²
Arrondissement	3
Kommünàlverbànd	14
Kànton	21
Gmeind	253
Präsident vum; Départementrot	François Goulard
ISO-3166-2-Code	FR-56
	; Làg vum Département Morbihan ìn der; Region Bretagne

Morbihan [mɔʀbiˈɑ̃] (Bretonisch: Mor-Bihan [morˈbiˑãn] isch e Département z Frankrych. S lyt im Side vu dr Bretagne un isch s 56. in dr alfabeetische Raiefolg vu dr franzesische Département.

Name

Gnännt isch s noch em bretonische Name vum glychnamige Golf Mor Bihan (chlai Meer) (Golf vu Morbihan). S isch s ainzig Département z Frankrych, wu kai aigene franzesische Name het.

Geografi

S Département lyt im Nordweschte vu Frankrych am Atlantik (bretonisch Mor Braz („s groß Meer“). Im Norde gränzt s an s Département Côtes-d’Armor, im Weschte an s Département Finistère, im Oschte an s Département Ille-et-Vilaine un im Sidweschte an s Département Loire-Atlantique in dr Region Pays de la Loire.

Im Atlantik lige vier bewohnti Insle, wu zue Morbihan ghere:

Im Golf vu Morbihan het s rund 40 Insle, zwai dervu bilde aigeni Gmaine: Île-d'Arz un Île-aux-Moines.

Fliss, wu dur s Département Morbihan fließe sin unter anderem:

Laïta (bretonisch Laeta)
Scorff (breton. Skorf)
Blavet (breton. Blavezh)
Vilaine (breton. Gwilun oder Gwilen)

Karakteristisch fir d Atlantikkischte in dr Bretagne sin schmali Meeresbuchte, wu wyt in s Landesinnere gehen, z. B. d Rade de Lorient, d Rivière d'Étel oder d Rivière d'Auray.

Gschicht

Morbihan isch ais vu dr urspringli 83 Départment, wu in dr Französische Revolution zum 4. März 1790 gschaffe wore sin.

Vorgschicht

Morbihan isch im Neolithikum ain vu dr kulturälle Brännpinkt gsii. Wie in andere Regione vu dr Bretagne hän sich au do us dr Ärdhigel (Tumuli) d Staihigel (Cairn) entwicklet. Scho ab em 5. Johrdöusert v. Chr. sin großi Menhir ufstellt wore, zum Dail sin si zue lange Stairaie zämmegstellt wore, z. B. z Carnac. Anderi Megalithaalage sin Staigreber (Dolmen), wu s z Morbihan in ere große Zahl het.

Dolmen Roch-Feutet bi Carnac
Stairaie vu Kermario bi Carnac
Tumulus Mont-Saint-Michel bi Carnac

Wappe

Bschrybig: In Hermelin un Blau mit Wälleschnitt dailt.

Verwaltigsgliderig

Arrondissement	Kànton	Gmeinde	Inwohner 1. Januar 2020	Fleche km²	Dicht Inw./km²	Code INSEE
Lorient	9	58	000000000318843.0000000000318.843	1.461,78	000000000000218.0000000000218	561
Pontivy	5	96	000000000155897.0000000000155.897	2.944,64	000000000000053.000000000053	562
Vannes	9	99	000000000289421.0000000000289.421	2.415,82	000000000000120.0000000000120	563
Département Morbihan	21	253	000000000764161.0000000000764.161	6.822,24	000000000000112.0000000000112	56

Klima

Messstatione: Île de Groix un Belle-Île

maritimi Klimadate	J	F	M	A	M	J	J	A	S	O	N	D
mittleri Hegschttämperatur	9	9	11	13	16	19	21	21	19	16	12	10
mittleri Diefschttämperatur	5	5	6	7	10	13	14	15	14	11	8	6
Aazahl seli sunnigi Däg	2	3	4	5	4	5	6	4	4	3	1	2
Aazahl Däg mit deckten Himmel	17	13	13	10	9	8	7	7	9	12	15	17
Aazahl Rägedäg	13	11	10	8	9	6	5	7	9	10	13	13
Rägemängi in mm	75	65	57	40	45	30	32	45	62	68	80	80
Wassertämperatur in Kischtenechi	9	9	10	12	13	16	18	19	18	16	14	11

Däg im Johr mit

Rägefell iber 1 mm: 115
Froscht: 10
- Erschter Froscht: Ändi Dezämber
- Letschte Froscht: Ändi Februar
Schnee: 1
Gwitter: 4
Hagel: 2

Stand 1991

Partnerschafte

S Département Morbihan unterhaltet syter anne 1969 e Partnerschaft mit em dytsche Rhein-Erft-Kreis.

Literatur

Giot P. R.: Die Alignements von Carnac 1990
Giot P. R.: Vorgeschichte in der Bretagne 1991
Briard J.: Die Megalithen der Bretagne 1991

Weblink

Generalrot vum Département Morbihan