Edward James

Dr surrealistischi Gaarte Las Pozas

Dr Edward William Frank James (* 16. August 1907 z Greywalls, Schottland; † 2. Dezämber 1984 z Sanremo) isch e britische Multimillionäär, Kunstsammler, Dichder, Mezeen und Landschaftskünstler gsi. Er isch en Aahänger und scho früe e Förderer vo dr surrealistische Beweegig gsi und e Fründ vom Salvador Dalí. Er het die surrealistischi Zitschrift Minotaure undersdützt und au Ardikel drfür gschriibe. Er het s Monkton House saniert und im Sinn vom Surrealismus usgstattet. Si Lääbenswärk isch dr surrealistischi Skulptuuregaarte Las Pozas im mexikanische Räägewald, won er vo 1964 bis 1984 het lo baue.

Dr James het as Exzentriker gulte. Vo 1931 bis 1934 isch er mit dr östriichische Schauspiilere Tilly Losch, die spööteri Countess of Carnarvon, verhürootet gsi. D Losch het sich aber von em lo schäide, wil er schwuul sig.

D Brivaatsammlig

[ändere | Quälltäxt bearbeite]

Dr Edward James het en umfangriichi Brivaatsammlig vo modärner Kunst ghaa mit em Schweerpunkt uf em Surrealismus und dr Pittura metafisica. Näbe Arbäite vom Dalí und vom René Magritte het er au Wärk vom Giorgio de Chirico, Leonora Carrington, Paul Delvaux, Max Ernst Alberto Giacometti, Paul Klee, Pablo Picasso, Pavel Tchelitchew ghaa und e baar Gmäld vom Hieronymus Bosch. Zwäi Joor noch em James sim Dood, im Juni 1986, si die mäiste Stück vo siner Sammlig und Monkton House bi Christie’s verstäigeret worde.

Bibliografii (Uswaal)

[ändere | Quälltäxt bearbeite]

Schrifte vom Edward James

[ändere | Quälltäxt bearbeite]
  • The Bones of my Hand. London 1930, veröffentligt vo dr Oxford University Press 1938
  • The Glass Omnibus. London 1934
  • Swans Reflecting Elephants, My Early Years. Autobiografii uusegee vom George Melly, Weidenfeld & Nicolson, London 1982, ISBN 0-297-77988-5

Litratuur

[ändere | Quälltäxt bearbeite]
  • Margaret Hooks: Surreal Eden: Edward James and Las Pozas. Princeton Architectural Press, New York, 2006, ISBN 1-56898-612-2 (änglisch)
  • Nocola Coleby (Hrsg): A Surreal Life: Edward James, Exhibition Catalogue, Royal Pavilion. Brighton 1998, ISBN 0-85667-493-1 (änglisch)

Weblingg

[ändere | Quälltäxt bearbeite]
Dä Artikel basiert uff ere fräie Übersetzig vum Artikel „Edward_James“ vu de dütsche Wikipedia. E Liste vu de Autore un Versione isch do z finde.