François Fillon

François Fillon (2010)

Dialäkt: Mìlhüüserisch

Dr François Fillon (* 4. März 1954 z Le Mans, Sarthe) ìsch a frànzeescher Politiker vu dr rachtsorientiarta Pàrtei „Les Républicains“. Ar ìsch vum 17. Mai 2007 bis àm 15. Mai 2012 dr Premier Ministre vum Frànkrìch gsìì.^[1]

Kìndheit

Ar ìsch dr Suhn vum Michel Fillon, a Notàr, un vu dr Anne Soulet, a bàskischa Historikera. Ar hàt sina Kìndheit mìt sina drèi Briader, wo jìnger sìn às ar, z Cérans-Foulletourte verbrocht, ìm Département Sarthe.

Studium

Ànna 1972 hàt'r dr Baccalaureat (Abitur) ìn Philosophie bstànda. Ar hàt zèèrscht Journàlischt wälla wara un hàt àb un züe ìn dr frànzeescha Noochrìchtaàgentür „AFP“ gschàfft.

Ànna 1977 hàt'r a „DEA“ ìn Äffentlig Racht bstànda, ìn dr Universität „Paris V“.

Politischa Kàrriar

Dr François Fillon stellt sìch ìn dr frànzeescha rachtsorientiarta Pàrtei, wo ursprunglig „RPR“ gheißa hàt (speeter „UMP“, un „Les Républicains“). Ar hàt sina politischa Kàrriar mìt em Joël Le Theule ààgfànga, àls Pàrlamàntsàssistànt; noh-n-em Tod vum Joël Le Theule ìsch em dr François Fillon ìn dr Politik nohgfolgt un ar hàt mehrera Veràntwortunga ìn dr Sarthe ààgnumma.

Lokàla Funktiona

• 1981–1998: Mìtglìed ìm Generàlrot fer dr Bezirk Sablé-sur-Sarthe
• 1981–2001: Mìtglìed ìm Gmeinrot vu Sablé-sur-Sarthe
• 1983–2001: Maire vu Sablé-sur-Sarthe
• 1985-1992: Vizpräsidant vum Generalrot vu dr Sarthe, veràntwortlig fer wìrtschàftliga Froga
• 1992–1998: Präsidant vum Generàlrot vu dr Sarthe
• 1998–2004: Präsidant vum Regionàlrot vu dr Region „Pays de la Loire“
• 2004-2007: Mìtglìed ìm Regionàlrot vu dr Region „Pays de la Loire“
• Zitter 2001: Mìtglìed im Gmeinrot vu Solesmes (Sarthe)
• Zitter 2001: Präsidant vum Kommünàlbànd fer dr Bezirk Sablé-sur-Sarthe

Ìm Pàrlamànt

1986-1993, 1997-2002 un 2007 : Àbgordneter ìn dr Nàtionàlversàmmlung fer dr 4. Wàhlkreis vum Département Sarthe

Ìm Senàt

• 26. Septamber 2004 - 1. Novamber 2004 un 18. Septamber 2005 - 17. Juni 2007 : Mìtglìed vum frànzeescha Senàt fer s Département Sarthe.

Àls Regiarungsmìtglìed

• 30. März 1993 – 11. Mai 1995: Minischter fer Hochschüela un Forschung (ìn dr Regiarung vum Balladur)
• 18. Mai 1995 – 2. Juni 1997: Minischter fer Informàtionstecknologie un Poscht, speeter delegiarter Minischter fer Poscht, Telekommunikàtion und Ràumfàhrt (ìn dr Regiarung Alain Juppé I un II)
• 7. Mai 2002 – 30. März 2004: Minister fer Soziàla Froga, Àrwet un Solidàrität (ìn dr Regiarung Raffarin I un II)
• 31. März 2004 – 31. Mai 2005: Minischter fer Bildung, Hochschulwesen und Forschung (ìn dr Regiarung Rafarin III)
• 17. Mai 2007 – 10. Mai 2012: Premier Ministre, wo dr Nicolas Sarkozy Präsident gsìì ìsch (Regiarunga Fillon I, II un III)
• 22. Hornung 2012- 10. Mai 2012: fer a kurza Zitt, aui noch Minischter fer Umwalt, Transchporta un Wohna.

Privàtlawa

Dr François Fillon ìsch zitter 1980 mìt dr Penelope Kathryn Clarke, wo üs Wales stàmmt, ghirota^[2]. Sa han mìtnànder fìmf Kìnder bikumma: Marie (1982), Charles (1984), Antoine (1985), Édouard (1989) un Arnaud (2001).

Dr François Fillon ìsch bekànnt fer sìch àn Anglischa Kültür ìntressiara. Ar redt güet Anglisch un gìtt mankmol Vortraga ìn anglischa Universitäta.

Ar ìntressiart sìch aui àn Autorenna, bsundersch àn da beriahmta „24 Heures du Mans“.

Weblink

• Blog vum François Fillon (fr)

Qualla

1. Sitta vum François Fillon, uf gouvernement.fr (fr)
2. „Who is François Fillon“, a anglischa Vorstellung vum François Fillon (en). Archiviert vom Original am 9. September 2015; abgruefen am 17. Juni 2015.