Glottertal

Basisdate
Dialekt:	Alemannisch
Hauptvariante:	Nideralemannisch
Regionalvariante:	Oberrhialemannisch
Lokalvariante:	Schwarzwald
Bundesland:	Bade-Wirttebärg
Regierungsbezirk:	Friburg
Landkrais:	Brisgau-Hochschwarzwald
Heh:	280-1243 m i. NHN
Flech:	30,8 km²
Iiwohner:	3269 (31. Dez. 2022)
Bevelkerungsdicht:	106 Iiwohner je km²
Boschtlaitzahl:	79286
Vorwahl:	07684
Kfz-Kennzaiche:	FR
Gmeischlissel:	08 3 15 041
Gmaigliderung:	4 Ortsteile
Adress vun dr; Gmaiverwaltung:	Talstraße 45; 79286 Glodderdal
Webpräsenz:	www.glottertal.de
Burgermaischter:	Karl Josef Herbstritt
Lag vo de Gmai Glodderdal im Landkrais Brisgau-Hochschwarzwald
	Karte

Glodderdal isch e Gmei im Landkreis Brisgau-Hochschwarzwald im Südweschte vu Bade-Wirddeberg in dr Nächi vu Friburg im Brisgau.

Geographi

Geographischi Lag

Glodderdal lit im Südschwarzwald südlich vum Elzdal an dr Glodder.

Gmeigliderig

Die früeher selbständige Gmeie Under- un Oberglodderdal, Ohrenschbach un Föhredal sin 1970 zue dr Gsamtgmei Glodderdal zämmegschlosse worre.

Gschichte

Anno 1112 isch d'Ortschaft Glodderdal zum erste Mol in ere Güeterbeschribig vum Chloster St. Peter erwähnt worre. Vum Afang vum 15. an bis am Afang vum 19. Johrhundert isch Glodderdal under vorderöstriichischer Herrschaft gstande. Mit dr Nöiornig vu dr politische Geographi vu Dytschland nooch dr napoleonische Chrieg isch dr Ort im Grossherzogtum Bade zuegschlage worre.

Politik

Wahle

Ergebnis vo dr Landdagswahle sit 2006:^[2]

Johr	CDU	SPD	FDP	Grieni	Linki¹	AfD	Suschtigi
2016	33,5 %	7,6 %	8,1 %	35 %	2,3 %	10,1 %	3,5 %
2011	45,6 %	16,4 %	4,2 %	27,9 %	1,9 %		4 %
2006	59,2 %	14,7 %	8,5 %	13,8 %	1,2 %		2,6 %

¹ 2006: WASG, sit 2011: Die Linke

Wirtschaft un Infrastruktur

Bildig

Glodderdal het mit dr Schurhammerschuel e Grund- un Hauptschuel mit Werchrealschuel.

Räbabau

Sit em 15. Johrhundert werre im Glodderdal Räbe apflanzt un Wi produziert. D'Gloddterdäler Räbberg gelde als die schteilschde un höchst glägene vu Dytschland, si lige bis 500 Meter iber em Meeresspiegel. D'Hangneigig vu bis zue 70° ermöglicht zwar e optimali Sunneistrahlig, erlaubt uf de andere Site aber chum e maschinelle Isatz bi dr Arbit. So müen 90 % vu dr Arbete in dr 58 ha grosse Abauflächi vu Hand gmacht werre. Dr sognennt „Rote Bur“ wird bundeswit an Endverbrucher, d'Gastronomi, dr Fach- un Einzelhandel versendet.

Kultur un Aluegenswürdigkeite

Müsik

In jährliche Abstände werre d'Glodderdäler Horndäg verastaltet, bi dene sich Horniste vu Weltrang fer einigi Däg ins Glodderdal begäbe um sich dert usz'tusche un Arbetstreffe abzhalde.

Au d Fründ vu Harmonika un Akkordeon finded i dr Besebeiz vu s Haberstrohs ä guete Platz für zirka 5 - 6 Musikaläss während em Früejohr bis Spotjohr unter em Moto: „Wer cha, de darf“.

Orchester

Mit dr Trachtechapelle Glodderdal het d'Gmei e hervorragend symphonisch Blosorchester, wo scho zahlriichi Uftritte im In- un Usland ghaa het.

Bauwercher

Dr Carlsbau in Glodderdal isch am Afang vu dr 1980er Johr d'Kulisse fer die erfolgriich Fernsähserie „Schwarzwaldklinik“ gsi. D'Drillort vu dr Fernsähserie im Schwarzwald, alle vora s'Glodderdal un dr Carlsbau, sin e beliebt Zil vum Fantourismus gsi. Domols isch s'Bäudi e Churchlinik vu dr Landesversicherigsanstalt Württeberg gsi, hüt isch dert e Chlinik fer Familierehabilitation vu dr Kur+Reha GmbH.

Fueßnote

↑ Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
↑ Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

Weblink

Commons: Glottertal – Sammlig vo Multimediadateie

Des isch e Artikel oder e Absatz über e regionali Bsunderheit. Er dät no besser wirke, wänn er in dr Dialäktspiilart vu sälere Region gschriibe wär. Ich, dr erscht oder dr Hauptautor vu däm Artikel oder däm Absatz, dät mi freie, wänn eber esach in s lokal Alemannisch ibersetze dät. Schryb bitte i dr Zämmefassig dass du de Artikel i de lokale Dialäkt umänderesch.

Lueg dezue au Froge un Antworte zum Dialäkt.

Dä Artikel basiert uff ere fräie Übersetzig vum Artikel „Glottertal“ vu de dütsche Wikipedia. E Liste vu de Autore un Versione isch do z finde.

[Metadaten_Einwohnerzahl_DE-BW-1] Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).

[2] Statistisches Landesamt Baden-Württemberg: Landtagswahl (Memento vom 7. Juli 2019 im Internet Archive)

[1]

[2]