Katholische Hochschule Freiburg
| Katholische Hochschule Freiburg | |
|---|---|
| |
| Gründig | 1971 |
| Drägerschaft | chilchli |
| Ort |  Friburg
|
| Bundesland |  Bade-Wirttebärg
|
| Land |  Dytschland
|
| Rekteri | Stephanie Bohlen |
| Studänt*ene | 1.790 (Stand Summersemeschter 2020) |
| Profässer*ne | 36, rund 160 Lehrbeufdraiti |
| Website | www.kh-freiburg.de |
| Dialäkt: Friburgerisch (eltere Stadtdialekt) |
Di Kadolisch Hochschuel Friburg (KH Friburg) isch anne 1971 dur d Zämmefierigung vu mehrere traditionsriche Vorgängeriirichtunge grindet wore. Si iisch aini vu de fimf Friburger Hochschuele un aini vu siwe kadolische Hochschuele z Ditschland.
D Hochschuel
[ändere | Quälltäxt bearbeite]Di Kadolisch Hochschuel Friburg (Catholic University of Applied Sciences Freiburg) isch di grescht Hochschuel im Berich Sozial- un Gsundhaitswese z Bade-Wirtteberg.
Dreger vu dr Kadolische Hochschuel isch du Kadolisch Hochschuel Friburg gGmbH. Ihri Gsellschafter sin s Erzbischtum Friburg, s Bischtum Raudaburg -Stuegert, de Ditsch Caritasverband, de Caritasverband fir d Erzdiözese Friburg un de Caritasverband vu de Diözese Raudaburg-Stuegert.
D KH Friburg isch staatlig anerkennt. Di staatlig Anerkennung isch 1992 uf d Studiegäng im Fachberich Pfleg un anne 2001 uf d Studiegäng im Fachberich Management uusgwittet wore. D Hochschuel nimmt ihri Ufgawe in Lehr un Studium, Forschung un Witterbildung in unabhängiger Selbschtverwaltung wohr.
D KH Friburg laischtet noch em urspringlige Bildungsuftrag vu de Fachhochschuele z Ditschland (Wisseschaftsrot 2002) e praxis- un beruefsbezogeni Uusbildung vu ihre Studente*ne uf wisseschaftliger Grundlag.
An de KH Friburg were aktuell sechs Bachelorstudiegäng, zwai Masterstudiegäng plus ai Verbundmaster un niin Zuesatzlehrprogramm aabote.
Im aktuelle CHE Hochschuelranking (2020 / 2021) kunnt d KH Friburg mit em B.A. Studiegang Soziali Arwet in siwe Kategorie uf Positione in de Spitzegrupp. De Hochschuel wird dodemit e arg hochi Zfridehait bi de Studente*ne beschinigt un ghert im ditschsprochige Ruum zue de beschte Hochschuele fir der Studiegang.
Fir di rund 1800 immatrikulierte Studente*ne schaffe 34 Professer*ne in Lehr, Forschung un Witterbildung.
D Caritasbibliothek (glichzittig d Hochschuelbibliothek) isch di grescht ditsch Fachbibliothek fir Sozialwese un Pfleg.
D Hochschuel unterhaltet internationali Partnerschafte zue 40 europäische Hochschuele un mehreri Beziehunge zue Hochschuele uf andere Erddail.
Gschicht
[ändere | Quälltäxt bearbeite]Anne 1911 isch z Heidelberg di vu de Maria Gräfin Graimberg-Bellau initiiert Sozial Fraueschuel Heidelberg grindet wore. Die het s bis 1971 gää as Hecheri Fachschuel fir Sozialarwet in de Dregerschaft vum Ditsche Caritasverband, un isch vu 1971 bis zue ihre Uflesung 1979 as Abdailung Heidelberg in di Kadolisch Hochschuel Friburg integriert un dodemit aini vu de eltschte Vorgängeriirichtunge vu de hitige Hochschuel gsii.
Zum End vum Erschte Weltkrieg sin z Firburg di erschte Soziale Schuele entstande. 1919 het, initiiert vum Kadolische Frauebund Friburg, in de Dregerschaft vum Verain Sozialbolitischi Fraueschuel Friburg e. V., di Sozialbolitisch Fraueschuel de Lehrbedrib ufgnumme. E wichtig Aalige vum Grinder vum Ditsche Caritasverband Lorenz Werthmann isch d Qualifizierung vu de Mitarbaiter gsii. Unter em Anlige, uf d Caritasarwet in de Kilchegmaine vorzberaite isch so 1920 d Caritasschuel Friburg entstande. D Caritasschuel un d Fraueschuel sin bis 1925 in Form vun ere Arwetsgmainschaft zäme mit em Verain Sozialbolitischi Fraueschuel drait wore.
Ab 1927 het de Caritasverband als furt Nochschuelungskirs fir ssini männlige Mitarbaiter aabote. Als Vorberaitung uf d Abschlusspriefung zur staatlige Anerkennung as Wohlfahrtspfleger isch 1930 d Wohlfahrtspfleger*neschuel iigrichtet wore. 1933 isch si in Seminar für Wohlfahrtspfleger umgnennt wore. Baidi Schuele, di Sozial Fraueschuel vum Ditsche Caritasverband un s Seminar fir Wohlfahrtspfleger vum Ditsche Caritasverband, hän 1969 zur Hechere Fachschuel fir Sozialarwet bim Ditsche Caritasverband fusioniert un sin 1971 as Fachberich Sozialarwet in d Fachhochschuel iigange.
1927 isch mit em Jugendlaiterinneseminar, grindet vu de Maria Kiene, bim Ditsche Caritasverband e dritti Vorgängeriirichtung vu de Kadolische Hochschuel Friburg entstande. Des Seminar het in aijähriger Ufbauuusbildung mit staatlige Abschlusspriefung praktischi Kindergärtnerne Hortnerne fir Laitungs- un Unterrichtsufgawe qualifiziert.
Ab 1947 het s Jugendlaiterinneseminar in zwaijährige grundständige Uusbildungsgäng as Hecheri Fachschuel fir Sozialpedagogik Sozialpedagoginne uusbildet. 1971 isch au die Iirichtung – as Fachberich Sozialpedagogik – in d Fachhochschuel integriert wore.
D Grundstruktur vu de 1971 entstandene neie Fachhochschuel isch dur d Integration vum Hailpedagogische Seminar bim Ditsche Caritasverband vervollständigt wore. Des Seminar isch 1965 grindet wore un jetz as Fachberich Hailpedagogik in d Hochschuel iibunde wore. Dezu sin e Fachberich Religionspedagogik (1973), e Fachberich Pfleg (1992) un e Fachberich Management (2003) kumme.
Zum 1. Oktower 2010 isch d Hochschuel vu Katholische Fachhochschule Freiburg in Katholische Hochschule Freiburg umgnennt wore.
Zum 100-jährige Jubiläum vu ihre eltschte Vorgängeriirichtung het d KH Friburg am 11. November 2011 e Fachdagung mit em Thema "Die Katholische Hochschule Freiburg im Netzwerk von Kirche und ihrer Caritas" veraastaltet.[1]
Grundsätz
[ändere | Quälltäxt bearbeite]- Chrischtlig Menschebild
- Interdisziplinarität
- Musischi Bildung
- Interkulturelli Studie
Studiegäng
[ändere | Quälltäxt bearbeite]Bachelorstudiegäng
[ändere | Quälltäxt bearbeite]- Aagwändti Pflegwisseschaft
- Aagwändti Theologi un Religionspedagogik
- Beruefspedagogik im Gsundhaitswese
- Hailpedagogik / Inclusive Education
- Management im Gsundhaitswese
- Soziali Arwet
Masterstudiegäng
[ändere | Quälltäxt bearbeite]- Aagwändti Gerontologi
- Klinischi Hailpedagogik
- Management un Fierungskumpetenz
- Beruefligi Bildung – Pfleg/Wirtschafts- un Sozialmanagement (in Kooperation mit de PH Friburg)
- Pflegwisseschaft (in Kooperation mit de Universität Friburg)
Literatur
[ändere | Quälltäxt bearbeite]- Herbert Pielmaier/Helmut Schwab: Von der Caritasschule zur Katholischen Hochschule, in: caritas '97. Jahrbuch des Deutschen Caritasverbandes, Freiburg 1997, S. 76–82
Weblink
[ändere | Quälltäxt bearbeite]
Commons: Katholische Hochschule (Freiburg) – Sammlig vo MultimediadateieFueßnote
[ändere | Quälltäxt bearbeite]
Koordinate: 48° 0′ 14″ N, 7° 51′ 27″ O
|
Dä Artikel basiert uff ere fräie Übersetzig vu dere Version vum Artikel „Katholische_Hochschule_Freiburg“ vu de dütsche Wikipedia. E Liste vu de Autore un Versione isch do z finde. |