Kruja

Kruja
Kruja (Albanien) Kruja Kruja
Koordinate	41° 19′ 32″ N, 19° 49′ 11″ O41.32555555555619.819722222222Koordinate: 41° 19′ 32″ N, 19° 49′ 11″ O
Basisdate
Staat	Albanien
Qark	Qark Durrës
Kreis	Kreis Kruja
Höchi	520 m
Flechi	40 km²
Iiwooner	15.829 (2007)
Dichti	395,7 Ew./km²
Poschtleitzahl	1501
Bild

Kruja (Ussprooch: [ˈkɾuja]; unbestimmti Form im Albanische: Krujë) isch e Stadt in Mittelalbanie mit 15.829 Ywohner (Stand 2007). Es isch d Hauptstadt vum Kreis Kruja un lait 20km nordöschtlich vo de Haupstadt Tirana. De Name chunt vum albanische Wort krua, wo „Quelle“ bedütet. Kruja isch für d Albaner, wege de Roll vo de Stadt im Kampf vum Gjergj Kastrioti Skanderbeg gege d Osmane, e Art Nationalheiligtum.

Sehenswürdigkeite

Kruja het im Verglych zue andre Ortschafte vo Albanie e rächt guets touristischs Aagebot. Eini vo de Hauptattraktione isch d Burg mit em Skanderbeg Museum, wo au e ethnographischs Museum dezueghört. In de Burg gits usserdäm mehreri Restaurants mit Ussicht uff d Berg. De Wäg zur Burg füert durch e Basar ussem 19. Joorhundert, wo verschidni Souvenirs wie handgwebti Teppich, traditioneli Tracht oder sunschtigs Kunsthandwerch verchauft werde.

Gschicht

Am bekannteschte isch Kruja durch de Widerstand vum albanische Nationalheld Skanderbeg gäge d Osmane im 15. Joorhundert. De Skanderbeg het vo 1443 bis zue sym Dot im Joor 1478 erfolgrych Widerstand gege d Osmane gleischtet, un het Kruja als syn Herrschaftssitz gnutzt. In denne 35 Joor het Kruja drei Belagerige überstande, glychwohl dass d Osmane zaalemässig wyt überlege gsi sin un Kruja e winzigi Burg isch. In de erschte Belagerig het de Sultan Murad II. z. B. über 100.000-150.000 Soldate verfiegt, wääred d Albaner höggstens 8.000 Maa gsi sin.

Kruja het schliessli 1478, zee Joor noochem Dot vum Skanderbeg, bi de 4. Belagerig kapituliert. Obwohl de Sultan Mehmed II. de Verteidiger versproche het si z verschone, het er si nooch de Kapitulierig einewäg chrüüzige loo, un d Fraue un Chinder versklave lo. Mit em Fall vo Kruja isch de Widerstand gege d Türke praktisch erlosche.

Literatur

• Ismail Kadare: Die Festung. dtv, München 1999, ISBN 3-423-11477-0

Weblink

Bilder

• 
  de Basar vo Kruja
• 
  Stadtzentrum vo dr Burg uus gseh
• 
  Historischer Basar
• 
  Iigang vom Skanderbeg-Museum