London
| London | |||
|---|---|---|---|
| |||
| Koordinate | 51° 31′ N, 0° 7′ W | ||
| Symbole | |||
| |||
| Basisdate | |||
| Staat | Vereinigtes Königreich | ||
|
Landesteil |
England | ||
| London Borough | City of London | ||
| Höchi | 15 m | ||
| Flechi | 1579 km² | ||
| Iiwooner | 7.512.400 (2006) | ||
| Dichti | 4.757,7 Ew./km² | ||
| Website | www.london.gov.uk | ||
| Politik | |||
| Burgermeischter | Sadiq Khan | ||
 | |||
London isch d Hauptstadt und s wirtschaftlichi und kullturelli Zäntrum vu Grossbritanniä. D Schdat hät öppe 7.5 Mio. Iwohnär, dä Balligsruum sogar übär 12 Millionä. Dä Hauptfluss, wo dur d Schdat flüsst, isch d Themse.
Gschicht
[ändere | Quälltäxt bearbeite]Im Jahr 61 n. Chrischtus händ d Römär s Militärlagär Londinium gründät, wo sich bald zu dä bedütänschtä Handälschdat vu Brittaniä entwicklä hetti söllä. Am Afang vum 12. Jahrhundärt isch London ändgültig d Hauptschdat vum Land gsi. I dä Mitti vum 17. Jahrhundärt händ det bereits 500'000 Lüt gläbt. 1666 hät äs Grossfür in London gwüätät, bi dem viär Foiftäl vu dicht anänandärdrängtä Holzhüsär Opfär vu dä Flammä wordä sind. Nach dem värherrändä Brand hät mär us dä lehmigä Ablagärigä i dä Flussniidärig vu dä Themse Backstäi gformt und hät mit dem Matärial d Schdat widär ufbout.
Sehenswürdigkeite
[ändere | Quälltäxt bearbeite]Dä Sitz vu dä bäidä Chammärä vum brittischä Parlamänt erschtreckät sich übär ä Längi vu 275 m am linggä Ufär vu dä Themsä. Das gwaltig Bouwerk, wo vu 1840 bis 1852 im neugotischä Schtil errichtät wordä isch, hät meh als tuusig Rüüm. Am rächtä Rand vum Gebäudekomplex ragt dä Clock Tower mit dä 13 t schwerä Gloggä Big Ben i d Höchi. D Westminster Abbey, wo d Chrönige schdattfindä, isch grad näbedra.
D Innäschdat, wo am linggä, nördlichä Ufär vu dä Themse liit, hät zwee Chärn: D City of Westminster und di äigäntlich City of London, wo s wirschaftlichi Härz vu London, ja vu ganz Grossbrittaniä schlat. Im Finanzzäntrum drängät sich d Gebeude vu dä Börsä, dä Bank vu Ängland, dä Versichärigä und vu andärä grossä Untärnähmä uf ängschtäm Ruum zämmä. Än dunklä Azug us finschtäm änglischäm Tuech, däzuä dä Schirm und – früener – d Melonä gälted als unentbehrlichi Accesoires-Outfit vu mänä Gschäftsma in dä Londoner City. D St. Pauls Cathedral – d Kupplä vu derä Chilä ragt 111 m i d Höchi – isch diä imposantischti Chilä vu ganz London. D Tower Bridge mit dä zwee Zwillingstürm, wo 1894 uufggangä isch, dä Kent-Gartä, dä Gartä vu Ängland und dä Picadilly Circus – äinä vu dä läbhaftischtä Plätz vu London – muäs mä au gseh ha. Wäränd d City of London fascht gschlossä zuäbout isch, sind i dä City of Westminster grossi Pärk i di beboutä Areal igschtreut. Diä Pärk prägät s Bild vu ärä Wältschdat im Grüänä. Kulturell isch London ebä so sehänswert.
Weblink
[ändere | Quälltäxt bearbeite]
Commons: London – Sammlig vo Multimediadateie- Offizielli Site vo de Stadt London (änglisch)
- London. In: Meyers Konversations-Lexikon. 4. Uflag. Bd. 10, Bibliographisches Institut, Leipzig 1885–1892, S. 895.
