Max-Planck-Institut für Immunbiologie und Epigenetik
| Max-Planck-Inschtitut fir Immunbiologii un Epigenetik | |
|---|---|
 MPI fir Immunbiologii un Epigenetik | |
| Kategori: | Forschigsiirichtig |
| Träger: | Max-Planck-Gsellschaft |
| Rechtsform vom Träger: | Iidraite Verain |
| Sitz vom Träger: | Minche |
| Standort vo dr Iirichtig: | Friburg |
| Art vo dr Forschig: | Grundlageforschig |
| Fächer: | Biologii |
| Grundfinanzierig: | Bund (50 %), Länder (50 %) |
| Homepage: | www.ie-freiburg.mpg.de |
| Dialäkt: Friburgerisch (eltere Stadtdialekt) |
S Max-Planck-Inschtitut fir Immunbiologii un Epigenetik (MPI-IE) z Friburg isch e interdisziplinär Forschigsinschtitut vu de Max-Planck-Gsellschaft. De aktuell Forschigsrame vum MPI-IE umfasst verschideni Beriich vu de moderne Immun- un Entwickligsbiologii, dodezue ghert de evolutionär Ursprung vum Immunsischtem, d Entwicklig vu lymphoide Organ, Signalprozess dur Antigen-Rezeptor Komplex, Wirt/Pathogen-Interaktione, entwickligsbiologischi Signalweg, d Regulation vu de Genexpression un de Chromatinstruktur, Zell-Zell-Interaktione un d Zelldifferenzierig. Die Forschig hilft, d Mechanisme vu de Bildig un de Funktion vum Immunsischtem un andere biologische Strukture ufzklere.
Name un Struktur vum Inschtitut
[ändere | Quälltäxt bearbeite]Zum 1. Dezember 2010 isch de Name vum Inschtitut um d Epigenetik erwitteret wore, wu sit 2006 e wichtige Forschigsschwerpunkt am Inschtitut isch un wu d Verbindig vun ere zue de Immunbiologii no usse het solle sichtbar gmacht wäre.[1]
Direktore un Direktorine am Inschtitut sin (Stand September 2024): d Asifa Akhtar (Chromatinregulation), de Thomas Boehm (Entwicklig vum Immunsischtem), de Ibrahim Cissé (Biologischi Physik), de Nicola Iovino (Entwickligsepigenetik) un de Thomas Jenuwein (Epigenetik).[2] Zum Inschtitut ghere 13 unabhängigei Forschigsgruppe mit insgsamt 310 Mitarbaiter un Mitarbaiterne.[3]
International Max Planck Research School (IMPRS)
[ändere | Quälltäxt bearbeite]S Inschtitut bedribt zämme mit de Universitet Friburg d International Max Planck Research School for Molecular and Cellular Biology. En International Max Planck Research School (IMPRS) isch en englischsprochig Doktorandeprogramm, wu ne strukturierti Promotion erlaubt. Sprecher vum IMPRS vum Inschtitut her isch de Rudolf Grosschedl.
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ Max-Planck-Institut für Immunbiologie umbenannt, mpg.de, 1. Dezember 2010, abgruefe am 6. Dezember 2012.
- ↑ lueg d Aagawe uf de Homepage vum Inschtitut unter https://www.ie-freiburg.mpg.de/3963374/Organisation.
- ↑ lueg d Aagawe uf de Homepage vum Inschtitut unter https://www.ie-freiburg.mpg.de/3962428/About-Us.
|
Dä Artikel basiert uff ere fräie Übersetzig vu dere Version vum Artikel „Max-Planck-Institut_für_Immunbiologie_und_Epigenetik“ vu de düptsche Wikipedia. E Liste vu de Autore un Versione isch do z finde. |
Koordinate: 48° 1′ 30,4″ N, 7° 51′ 7,1″ O