Mäder

Gemeindeverwaltung von Mäder
Mäder
	Mäder (Österreich) Mäder
Basisdate
Staat:	Östriich
Bundesland:	Vorarlberg
Politische Bezirk:	Feldkirch
Kfz-Kennzeiche:	FK
Fläche:	3,23 km²
Koordinate:	47° 21′ N, 9° 37′ OKoordinate: 47° 21′ 0″ N, 9° 37′ 0″ O
Höchi:	414 m ü. A.
Iiwohner:	4.183 (1. Jän. 2023)
Bevölkerigsdichti:	1.295,05 Iiw. pro km²
Poschtleitzahl:	6841
Vorwahl:	05523
Gmoandskennziffer:	8 04 12
NUTS-Region	AT342
Adress vo dr ; Gmoandsverwaltig:	Alte Schulstr. 7; 6841 Mäder
Website:	www.maeder.at
Politik
Burgermoaschter:	Rainer Siegele
Gmoandsvertrettig: (2010) ; (24 Mitgliider)	17 ÖVP, 7 FPÖ
	Lag vo dr Gemeinde Mäder im Bezirk Feldkirch
	Lage der Gemeinde Mäder im Bezirk Feldkirch (anklickbare Karte)
	; Gmoandsamt Mäder
	(Quelle: Gmoanddate bi Statistik Austria)

Dialäkt: Vorarlbärgisch

Mäder ischt a Gmoand in Öschtriich z'Vorarlberg im Bezirk Fealdkirch mit 4.183 Iiwohner.

Dr Ort liet im Vorarlberger Rhiital und ischt uane vo da Grenzgmoanda zur Schwiz wia z. B. o Ems, Luschnou oder Hökscht. Mäder liet uf 414 Meter Seehöhe und hot a Fläche vo 3,42 km².

Gschicht

Im Mittlalter hot Mäder zum Reichshof Krissern khört und ischt urkundlich s erschte mol 1294 als in den Mederen erwähnt wora. 1513 isch däs Gebiat zu Öschtriich koh. D'Habsburger hond dia Orte z'Vorarlberg amol vo Tirol und amol vo Vorderöschtriich (Friburg im Brisgau) us regiert. Vo 1805 bis 1814 hot Mäder zu Bayern khört und denn wieder zu Öschtriich. Bis 1806 ischt dia Gmoand deam Gricht Rankl-Sulz i da Herrschaft Fealdkirch igliedert gsi.

Mäder ischt früaner all wieder vo Übrschwemmiga vom Rhii troffa wora. Im Rhiital ischt as am 15. Juni, 2. Juli und 28. Auguscht 1817 zu Übrschwemmiga koh, bsundrigs am 28. Auguscht hot as viele Dammbrüch gia. Uf da Vorarlberger Sita hot da Rhii bi Ruggäll, Bangs, Moaniga, zwüschad Kobla und Mäder, bi Brugg und z'Gaißau d'Dämm durchbrocha und hot uf bedna Sita große Schäda agrichtat.^[1] 1824 ischt da Ortsvorsteher vo Mäder, Johann Josef Ender ge Wian gritta und hot döt durchgsetzt, daß da Staat dia Rhiiregulierig und da Bau vo neua Dämm übrniet.

Zum öschtriichischa Bundesland Vorarlberg khört Mäder sit da Gründig 1861. 1892 hot ma dia Internationale Rhiiregulierig mit am Staatsvertrag beschlossa und i da Johr druf umgsetzt. Vo 1945 bis 1955 ischt Mäder an Toal vo da französischa Besatzigszona z'Öschtriich gsi.

Iiwohner

Quella: Statistik Austria: Bevölkerung seit 1869 für Gemeinden. STATcube

Johr	1869	1880	1890	1900	1910	1923	1934	1939
Iiwohner	547	623	636	595	706	653	681	658
Johr	1951	1961	1971	1981	1991	2001	2011	2021
Iiwohner	786	960	1.619	2.239	2.724	3.142	3.689	4.092

Politik

D'Gmoandsvertreatig bestoht us 24 Mitglieder. D'Zemmatsetzig noch dar Wahl 2010 ischt: ÖVP und Parteifreie 17 Sitz, FPÖ und Parteiunabhängige 7 Sitz. Bürgermoaschtr ischt da Rainer Siegele. Zemmat mit Götzis, Alta und Kobla, wo o alle rund umma Kummaberg liegend, bildat Mäder dia Arbatsgmuanschaft "amKumma".^[2]

Würtschaft und Infrastruktur

Im Ort hots im Johr 2003 43 Betriebe vo da gwerblicha Würtschaft mit 386 Beschäftigta und 33 Lehrling gia. Lohnstüerpflichtige Erwerbstätige hots 1.059 gia. D'Landwürtschaft spielt all no a wichtige Rolle, da Atoal vo landwürtschaftlicha Flächa a dr Gesamtfläche ischt 56,6 %.

Dialekt

Dr Dialekt vo Mäder khört zum Bodeseealemannisch.

E Dialektschriftsteller vo Mäder isch dr Adolf Vallaster.

Weblink

Commons: Mäder – Sammlig vo Multimediadateie

Netzsita vo da Gmoand Mäder

Uanzlnochwies

↑ Rhiiübrschwemmiga (Site cha nüme abgrüeft wärde; Suche im Webarchiv)[1] [2] Vorlage:Toter Link/www.vol.at us dr Vorarlberg-Chronik
↑ amKumma. Götzis, Altach, Koblach, Mäder - Netz-Uuftritt

Dä Artikel basiert uff ere fräie Übersetzig vu dere Version vum Artikel „Mäder“ vu de dütsche Wikipedia. E Liste vu de Autore un Versione isch do z finde.

[1] Rhiiübrschwemmiga (Site cha nüme abgrüeft wärde; Suche im Webarchiv)[1] [2] Vorlage:Toter Link/www.vol.at us dr Vorarlberg-Chronik

[amKumma_Netz-Uuftritt-2] amKumma. Götzis, Altach, Koblach, Mäder - Netz-Uuftritt

[1]

[2]