Dr Peter Sellers,CBE (* 8. September1925 as Richard Henry Sellers z Portsmouth; † 24. Juli1980 z London), isch e britischeKomiker un Schauschbiiler gsi. Mer chännt en vor allem dur syni Roll as Inspektor Clouseau in dr Filmraie Pink-Panther(Der rosarote Panther). Karakteristisch fir sy chischtlerisch Schaffe sin syni Ufdritt in verschidene Rolle un Verchlaidige gsii. Är isch arg wandligsfähig gsii un het komische oder pynlige Situatione vylmol mit ere yygfrorene Mimik iberspiilt. Är het zwische verschiiden Dialäkt un Akzänt chenne hii- un häärwächsle, zem Byschpel zwische Upperclass-Änglisch, amerikanischem Änglisch oder eme dytsche Akzänt, dodermit het er in Dr. Seltsam gly drei Hauptrolle gspilt. Bis uf dr erscht Film isch er in dytsche Ibersetzige immer vum Georg Thomalla synchronisiert wore.