Pfronten

Basisdata
Bundesland:	Bayern
Regierongsbezirk:	Schwoba
Landkroes:	Oschtallgai
Heh:	853 m i. NHN
Fläch:	62,2 km²
Eiwohner:	8443 (31. Dez. 2022)
Bevelkerongsdicht:	136 Eiwohner je km²
Boschtloetzahl:	87459
Vorwahl:	08363
Kfz-Kennzoeche:	OAL
Gmoedsschlissel:	09 7 77 159
Gmoedgliderong:	13 Ortsteile
Adress vo dr; Gmoedsverwaltong:	Allgäuer Straße 6; 87459 Pfronten
Webpräsenz:	www.pfronten.de
Bürgermeister:	Michaela Waldmann (CSU/SPD/Pfrontener Liste/Freie Wähler)
Lag vo de Gmoed Pfronten em Landkroes Oschtallgai
	Karte

Pfronte isch a Gmoid im bayrisch-schwäbische Landkreis Oschtallgäu und liegt im Südweschte vo Bayre, direkt an dr Grenz zum Tirol.

d‘Landschaft

Pfronte isch oine vo insgsamt 46 Städt und Gmoida im Oschtallgäu. Dur‘s Gmoidsgebiet goht d‘Vils. Pfronte liegt am Fuaß vom Breiteberg, ‘m Keaberg und ‘m Falkestoi auf 853 Metr. Vo dr Gmarkung sin 55 % Landwirtschaftsfleche, 22,7 % Wald, 8,8 % Sidlungsfleche un 13,4 % sunschtige Fleche.

Nochbargmoida

Z’Deitschland geit’s do dia Stadt Fiassa, die Gmoid Eiseberg und de Markt Nesselwang. Im Tirol liegt d‘Kloistadt Vils und‘s Tannheimer Tal mit de Gmoida Grän, Tannheim, Schattwald, Zöble, Nesselwängle und Jungholz.

D’Aufteilung vo dr Gmoid

D‘Gmoid bstoht aus de Gemarkungen Bergpfronte (Ussrpfarr) und Stoinapfronte (Unterpfarr). D'Grenz vo Unter- und Ussrpfarr isch d'Vils.

Zur Gmoid ghearet die Osiedlunga Berg, Dorf, Halde, Heitlere, Kappl, Kreizegg, Meilinge, s‘Eesch, Rehbichl, s‘Riad, Refleite, s‘Stoina und Weischba. ‘Sisch gwiiß, dass dia Ortsteil scho seit‘m Spätmittelalter a oinzige Pfarrgmoid bildet. Drum redt ma o vo dr 13-Derfer-Gmoid Pfronte.

Gschicht

Ab em 14. Johrhundert hot Pfronta zum Hochstift Augschburg ghert un isch mit dr Säkularisation vom Hochstift 1803 zum Kurfirschtetum Bayern komma.

Eiwohner

Johr	1840	1871	1900	1925	1939
Eiwohner	2506	2348	2746	3632	4404
Johr	1950	1961	1970	1987	2011
Eiwohner	6553	6127	6595	7058	7960

Dr Ausländeraadail isch 2011 bei 4,3 % gleage.

Religion

80,8 % vo dr Eiwohner sind im Johr 1987 remisch-katholisch gwesa, 12,7 % evangelisch.

d‘Politik

Gmoidsrat und Birgarmeischter

‘S letzschte Mol hand d‘Pfrontar am 15. März 2020 de Gmoidsrat gwällt. Und so isch es ausgange:

CSU – 5
SPD – 1
Pfrontar Lischte – 11
Aktiv für Pfronte – 2
Eiser Pfronte – 1

Birgarmeischter isch grad de Haf Alfons vo dr Pfrontar Lischte, wo ma am 15. März 2020 mit 72,82% gwällt hot.

Landdagswahla

Ergebnis vo dr Landdagswahla seit 1986:

Johr	CSU	SPD	FW	Griane	FDP	AfD	Sonschtige
1986	62,6 %	23,6 %	-	7 %	3 %	-	3,8 %
1990	61,2 %	20,8 %	-	5,1 %	4,8 %	-	8,1 %
1994	56,4 %	26,3 %	-	5,1 %	3 %	-	9,2 %
1998	60,3 %	24,2 %	1,7 %	5,5 %	1,9 %	-	6,4 %
2003	66,9 %	13,9 %	6,2 %	5,9 %	1,9 %	-	5,2 %
2008	49,7 %	16,8 %	9,9 %	8,6 %	7,5 %	-	7,5 %
2013	52,5 %	16,9 %	8,6 %	9,5 %	2,5 %	-	10 %
2018	36,9 %	7,7 %	16,7 %	17,7 %	4,7 %	8,6 %	7,7 %

Wappe

‘S Wappe zeigt de Falkenstoi als Wahrzeiche vom Pfrontar Tal. Die zwei weiß-roate Streife zeiget, dass D’Gmoid amol zum Hochschtift Augschburg gheart hot.

Was ma oluage sott

Uff‘m Falkestoi in 1268 Meter Heache sigt ma mit dr Ruine Falkestoi dia hegschtglegene Burgruine vo ganz Deitschland. Dr Kenig Ludwig II. hot do no a scheanres Schlos wia Neuschwanstein baue welle, isch aber vorher gschtorbe. Neuschwanstein sell und Hohenschwangau sind aber it weit weg und ko ma o oluage.

In dr Nochbargmoid Eiseberg geit’s o no zwei Ruina Frey- und Eiseberg. Zu deane muss ma o it so weit naufloffe.

Freizeit und Bildung

Schport

Pfronte hot a Eisstadion mit ar Fläche vo 1.800 m². Schilift geit‘s z’Refleite, im Stoina und auf m Breiteberg, wo ma o mit ar Gondel vo dr Breitebergboh nauffahre ko. 2011 war zum 8. Mol a Mountainbike-Marathon mit drei untrschiedlich lange Strecka dur fascht ganz Pfronte und zum 3. Mol dia Klapp(-berg-)rad-Weltmeisterschaft im Stoina am Fuaß vom Breiteberg und doba.

Verei

Z’Pfronte geit’s de TSV, 's SGW, de EVP (Eishockey), an Schwimmverei, an Schiclub, an Hoimatverei, zwei Trachteverei und 5 freiwillige Fuierweahre. Außerdeam no d'Bloamafreind, dia o allat a Sommerfescht im Alpegarte ausrichtet, wenn's Wetter passt.

Schuala

Schuala sind z‘Pfronte in dr Heitlere. A Grundschual und a Mittlschual mit M-Zug, wo ma d’mittlere Reife moche ko.

Dialekt

Dr Dialekt vo Pfronta ghert zum Oschtschwäbisch.

Literatur

Johann B. Doser: Pfronten in Vergangenheit und Gegenwart - Ein Beitr. zur Heimatkunde. Pfronten-Ried 1925
Simone Haf, Alison Feller: Pfrontener Impressionen. Horb am Neckar 2002. ISBN 3-89570-791-0
Ludwig Holzner: Geschichte der Gemeinde Pfronten. herausgegeben von der Gemeinde Pfronten 1956
Anton H. Konrad, Annemarie Schröppel, Adolf Schröppel: Pfronten (Schwäbische Kunstdenkmale, 34). Weissenhorn 1986
Pfrontener Bilderbogen 86. Pfronten 1986. ISBN 3-925407-03-0
Annemarie Schröppel, Adolf Schröppel: Alt-Pfrontener Photoalbum. Pfronten 1984
Annemarie Schröppel: Pfrontener Kirchen und Kapellen und ihre Pfarrer. Pfronten 2002
Thaddäus Steiner/Bertold Pölcher/Gemeinde Pfronten (Hrsg.): Pfrontener Flurnamen. Pfronten 2010 ISBN 978-3-00-032977-7

Weblink

Commons: Pfronten – Sammlig vo Multimediadateie

Internetpräsenz vo dr Gmoid
Pfronten: Wappegschicht vum Haus der Bayerischen Geschichte (HdBG)
Pfronten: Amtlichi Statistik (LStDV) (PDF; 1,05 MB)

Fuaßnote

↑ Genesis Online-Datenbank des Bayerischen Landesamtes für Statistik Tabelle 12411-003r Fortschreibung des Bevölkerungsstandes: Gemeinden, Stichtag (Einwohnerzahlen auf Grundlage des Zensus 2011).

[Metadaten_Einwohnerzahl_DE-BY-1] Genesis Online-Datenbank des Bayerischen Landesamtes für Statistik Tabelle 12411-003r Fortschreibung des Bevölkerungsstandes: Gemeinden, Stichtag (Einwohnerzahlen auf Grundlage des Zensus 2011).

[1]